Trent Reznor
| Trent Reznor | |
|---|---|
 |
|
| Nome completo | Michael Trent Reznor |
| Alias | |
| Naceu | 17 de maio de 1965 (48 anos) |
| Orixe | Mercer, Pennsylvania  |
| Morreu | |
| Ocupación (s) | músico, compositor, vocalista, deseñador de son, produtor |
| Xénero | rock industrial, rock alternativo, metal industrial, synthpop |
| Instrumento(s) | voz, guitarra, piano, sintetizador, teclado, programación, baixo, saxofón, batería, tuba, sousáfono, marimba, pandeireta, clavecín, triángulo |
| Tipo de voz | |
| Selo(s) discográfico (s) | |
| Relacionado con | Option 30, The Innocent, Exotic Birds, Lucky Pierre, Nine Inch Nails, Pigface, Tapeworm, Revolting Cocks, David Bowie, 1000 Homo DJs, Saul Williams, Gary Numan, El-P, How to Destroy Angels |
| Tempo en activo | 1982 - actualidade |
| Web | |
Michael Trent Reznor, nado o 17 de maio de 1965 en Mercer, Pennsylvania, é un músico, compositor, multi-instrumentista e produtor estadounidense.
É o fundador do proxecto de rock industrial Nine Inch Nails e estivo tamén relacionado coas bandas Option 30, Exotic Birds e Tapeworm entre outros. Reznor deixou Interscope Records no ano 2007, pasando a ser un artista independente.
A primeira edición de Reznor coma Nine Inch Nails, Pretty Hate Machine de 1989, foi un éxito comercial, e dende entón leva editados sete álbums de estudio. Ademais do seu proxecto principal, Reznor colaborou con grande cantidade de artistas coma Marilyn Manson e Saul Williams. En 1997 apareceu na lista da revista Time da xente máis influente do ano, e a revista Spin describiuno coma "o artista máis vital na música".
Traxectoria [editar]
Naceu en Mercer, Pennsylvania e despois de que os seus pais se divorciasen vivíu co seus avós maternos, mentres a súa irmá Tera quedou coa súa nai. Reznor é descendente directo de George Reznor, quen fundou a Reznor Company, unha empresa de calefacción e aire acondicionado, en 1888. A familia vendeu o negocio na década dos 60.
Comezou a tocar o piano aos cinco anos e amosou habilidades para a música a unha idade moi nova. Na Mercer Area Junior/Senior High School, Reznor aprendeu a tocar o saxofón e a tuba, e alí foi membro das bandas de jazz e de marcha. Reznor tamén fixo teatro nos seus anos de instituto. Foi votado "mellor en drama" polos seus compañeiros polos seus papeis de Xudas en Jesus Christ Superstar e do profesor Harold Hill en The Music Man. Reznor graduouse no instituto en 1983 e matriculouse na Allegheny College, onde estudou enxeñería informática.
|
||||||||||||||||||||
