Josh Freese

Na Galipedia, a Wikipedia en galego.
Josh Freese
Data nacemento25 de decembro de 1972 (51 anos)
Nado enOrlando, Florida, Estados Unidos
IrmánsJason Freese
Ocupaciónbatería, compositor, compositor de cancións, produtor musical, guitarrista e Músico de sesión
Instrumento(s)batería
Relacionado conA Perfect Circle, Nine Inch Nails, Devo, The Vandals, Daughtry, Sting, Paul Westerberg, Guns N' Roses, Ween, The Offspring, Weezer, Desert Sessions, Ashes Divide, Slash
Tempo en activo1988 - actualidade
Na rede
http://www.joshfreese.com e https://www.thejoshfreese.com/
IMDB: nm0293667 Twitter: joshfreese MySpace: freesejosh Spotify: 7EMrFlPVSDGQKOgtHKH28L iTunes: 7015779 Musicbrainz: 1ba97964-8d70-4b33-a361-d1a4ed222672 Discogs: 273986 Allmusic: mn0000274964 Deezer: 100475 Editar o valor em Wikidata
editar datos en Wikidata ]

Josh Freese , nado o 25 de decembro de 1972 en Orlando (Florida), é o actual batería da banda de rock alternativo A Perfect Circle. Tocou tamén con Nine Inch Nails dende finais do 2005 ata finais do 2008 e con Guns N' Roses dende mediados de 1998 ata o ano 2001. Freese aparece en arredor dos 300 discos, debido ao seu traballo como músico de estudio.

Biografía[editar | editar a fonte]

Josh naceu o 25 de decembro de 1972 en Orlando (Florida), pero pouco despois a súa familia mudouse a California. Influenciado polo pai, que era mestre da banda de Disneylandia, e a nai, pianista, comezou a tocar a batería con 7 anos. Aos 12 xa tocaba profesionalmente en Disneylandia, e aos 15 xa facía xiras con Dweezil Zappa (filla de Frank Zappa) e despois con The Vandals. Nos seguintes 15 anos Freese traballou con artistas moi respectados, tanto como batería de sesión como substitución temporal. Actualmente é membro das bandas The Vandals, Devo e A Perfect Circle, e toca en directo con Weezer.

Traballo en solitario[editar | editar a fonte]

En 1998 Freese gravou (interpretando todos os instrumentos) un feixe de cancións compostas por el. O resultado foi un EP de seis temas titulado Destroy Your Mom As Soon As Possible, editado baixo o nome "Princess" polo selo T.O.N/Stone Lizard Records.

No ano 2000 as cancións "Caffeine and Vaseline" e "Rock N' Roll Chicken" foron rescatadas para o álbum de 12 temas The Notorious One Man Orgy, nesta ocasión editado baixo o nome de Josh Freese polo selo Kung Fu Records. Como artistas convidados aparecen no disco Stone Gossard, Warren Fitzgerald, Michael Ward, Lyle Workman, e o seu irmán Jason Freese.

Josh editou o seu segundo álbum, Since 1972, a través da súa páxina web o día 24 de marzo do 2009.

Véxase tamén[editar | editar a fonte]

Ligazóns externas[editar | editar a fonte]