Marilyn Manson

Na Galipedia, a Wikipedia en galego.
Marilyn Manson
Mechanicallive.jpg
Nome completo Brian Hugh Warner
Naceu 5 de xaneiro de 1969 (45 anos)
Orixe Canton, Ohio, Estados Unidos de América Estados Unidos
Ocupación (s) Músico, artista, escritor, director de cine
Xénero Metal alternativo,[1][2] Heavy metal,[1][2] Metal industrial
Selo(s) discográfico (s) Cooking Vinyl (Hell, Etc) (Nothing) (Interscope)
Relacionado con Marilyn Manson, Marilyn Manson & the Spooky Kids, Jack Off Jill, Satan on Fire, Mrs. Scabtree, Trent Reznor
Tempo en activo 1989-presente

Brian Hugh Warner, coñecido como Marilyn Manson, nado en Canton (Ohio) o 5 de xaneiro de 1969 é un cantante, compositor, actor, escritor, pintor e director de cine estadounidense, coñecido pola súa personalidade e a súa imaxe controvertidas como vocalista e líder da banda de metal industrial Marilyn Manson. O seu nome artístico formouse a partir dos nomes da actriz Marilyn Monroe e do convicto Charles Manson.[3][4]

Apareceu nalgunhas películas como Jawbreaker, Lost Highway de David Lynch e Party Monster. Non só se dedica á música, senón tamén á pintura. Figura no lugar número 44 na lista dos 100 mellores vocalistas de metal de todos os tempos, segundo Hit Parader. Manson ademais foi certificado polo IFPI como un dos 100 artistas máis exitosos de todos os tempos e ostenta un posto entre os cinco artistas do metal industrial máis exitosos, certificando 50 millóns de discos vendidos. Manson ten o seu alter ego andróxino chamado "Omega" que apareceu no seu álbum de estudo "Mechanical Animals".

Primeiros anos[editar | editar a fonte]

Marilyn Manson naceu en Canton. Segundo a súa autobiografía The Long Hard Road Out of Hell, Manson é de ascendencia alemá e polaca pola parte do seu pai[5] e foi criado coas crenzas relixiosas da súa nai.[4] En 1990 graduouse como periodista para a revista Lifestyle Magazine, 25th Parallel, o cal lle permitiu realizar os seus primeiros contactos coa música, sobre todo cos artistas que entrevistaba.

Carreira[editar | editar a fonte]

Música[editar | editar a fonte]

No ano 1989 (xa con 20 anos), Marilyn formou en Florida a banda Marilyn Manson & the Spooky Kids (en 1992 o nome recortouse a Marilyn Manson). Nos primeiros anos da banda viuse involucrado con varios músicos cos cales gravou o seu primeiro álbum, Jeordie White (máis coñecido polo seu nome artístico Twiggy Ramírez) e Stephen Gregory Bier Jr. (máis coñecido como Madonna Wayne Gacy), Manson non só formaba parte de The Spookie Kids, senón que tamén participou en proxectos paralelos como Satan on Fire, un falso grupo de metal cristiano onde tocou o baixo e a batería en Mrs. Scabtree, banda formada en colaboración con Jeordie e a súa noiva Jessicka (vocalista da banda Jack Off Jill).

No verán de 1993 atraeu a atención dun dos expoñentes máis relevantes da industria do metal nesa época, Trent Reznor, vocalista de Nine Inch Nails. Reznor ocupouse da produción do primeiro álbum da banda no ano 1994, chamado Portrait of an American Family, o cal logrou a certificación de ouro nos Estados Unidos,[6] cun número maior de ventas que superaron as 500.000 copias vendidas e foi distribuido pola discográfica Nothing Records (propiedade de Trent Reznor).[7] Con este álbum foi co que a banda conseguiu o seu propio club de fans, o cal creceu co seu primeiro álbum remix denominado Smells Like Children en 1995, que recibiu a certificación de platino,[6] por superar o millón de copias vendidas; conseguiu tamén aparecer na programación de vídeos en MTV co seu primeiro éxito que resultou ser Sweet Dreams (Are Made of This) (versión da canción do grupo Eurythmics).

O éxito seguiu co álbum máis recoñecido da banda ata o momento chamado Antichrist Superstar (coproducido por Trent Renzor e Dave Ogilvie).[8][9] Nos Estados Unidos tres dos álbumes da banda conseguiron a certificación de platino e outros tres consiguiron a certificación de ouro,[6] tamén a banda logrou entrar nos dez primeiros do Billboard, incluíndo dous dos seus álbumes que lograron debutar no posto n° 1. Manson tamén debutou como produtor na banda Jack Off Jill. Tamén axudou a poñer o nome á banda e é o produtor da maioría dos álbumes de Marilyn Manson, tamén toca a guitarra, o cal se ve na canción My Cat e abriu a maioría dos shows no sur de Florida.[10] Así mesmo axudou a escribir a maioría das letras do álbum Humid Teenage Mediocrity 1992–1996 de Jack Off Jill, que é unha compilación de varios dos álbumes do grupo nos seus inicios. Marilyn apareceu como cantante invitado no álbum Flesh of My Flesh, Blood of My Blood do rapeiro DMX,[11] e no álbum 2000 Years of Human Error da banda Godhead, o único álbum producido polo seu selo discográfico Posthuman.[12]

Cine e televisión[editar | editar a fonte]

Manson fixo o seu debut no cine como actor en 1997, na película Lost Highway, dirixida por David Lynch.[13] Desde entón apareceu en pequenos papeis, como no filme Jawbreaker, xunto coa súa ex noiva Rose McGowan en 1998,[14] En 2002 formou parte do reparto de Beat the Devil.[15] Ese mesmo ano tivo unha intervención no documental Bowling for Columbine do cineasta, documentalista e escritor Michael Moore.[16] En 2003 apareceu en Party Monster xunto con Macaulay Culkin e Seth Green.[17] Un ano despois tivo un papel na cinta The Heart Is Deceitful Above All Things, dirixida por Asia Argento,[18] En 2007 interpretou un barman en Rise: Blood Hunter.[19] En canto á televisión, apareceu na serie animada Clon High, e tamén en varias ocasións en Celebrity Deathmatch, da cadea MTV. O actor Johnny Depp asegurou que se inspirou en Manson para a súa actuación como Willy Wonka na película Charlie e a fábrica de chocolate.[20] Marilyn expresou o seu interese en interpretar el mesmo o papel de Willy Wonka e aparentemente era a primeira elección do director, pero diversos conflitos da programación fixérono imposible.[20]

A mediados de 2007 sóubose que estaba traballando no seu debut como director da película Phantasmagoria: The Visions of Lewis Carroll, acerca do autor de Alicia no país das marabillas, Manson interpretaría tamén o papel do escritor, ademáis de escribir o guión e crear a banda sonora da mesma.[21] Así mesmo, publicáronse noticias onde se afirma que Emma Watson fará unha nova adaptación do clásico da Cincenta xunto a Manson. Aínda non hai demasiados detalles sobre este novo traballo pero non terá nada que ver coa versión actual, xa que o musical se converterá nunha versión gótica.[22][23]

Arte[editar | editar a fonte]

En 2004, durante unha entrevista coa revista i-D Marilyn afirmou comenzar a súa carreira como pintor de acuarelas e artista de pintura en seco en 1999, cando realizou cinco pezas en arredor de cinco minutos. Entre o 13 e 14 de setembro de 2002 realizou no Centro de Exhibicións de Arte Contemporáneo dos Ánxeles a súa primeira exhibición, que denominou A Idade Dourada do Grotesco.[24] Max Henry, da revista Art in America, dixo que o seu traballo nunca sería tomado en serio, e sinalou:

«Teño a impresión de que estas imaxes son terapéuticas. Recórdanme os cadros elaborados por pacentes psiquiátricos, cando se lles dan materiais de arte para ser usados como terapia. Alí, ves un montón de diaños, e no traballo de Manson, veo tamén un pouco deses diaños».[25]

Entre o 14 e o 15 de setembro de 2004, realizou unha segunda exposición, a primeira noite en París e a segunda en Berlín. O programa foi denominado Trismegistus,[26] que foi tamén o título da peza central da exposición, un cadro grande de Cristo con tres cabezas pintado sobre un panel de madeira antigo dunha mesa portátil de embalsamadores. Manson nomeou o seu autoproclamado movemento artístico Celebritarian Corporation,[27][24] así mesmo acuñou un slogan para o movemento: «Imos vender a nosa sombra aos que están dentro dela.».[27] En 2005, dixo que a Celebritarian Corporation fora xestándose durante sete anos, que de ser certo indicaría que se iniciou en 1998.[28] Celebritarian Corporation é tamén o nome dunha galería de arte propiedade de Manson, chamada Celebritarian Corporation Gallery of Fine Art nos Ánxeles, a cal se inaugurou coa presentación da súa terceira exposición.[24][29] En abril de 2007, as súas últimas obras exhibíronse na galería de arte Space 39 Modern & Contemporary en Florida.[24] Corenta pezas desta exposición foron levadas á galería Brigitte Schenk da cidade alemá de Colonia para ser exhibidas publicamente do 28 de xuño ao 28 de xullo de 2007.[30] Entre os habituais compradores das súas pinturas encóntranse Flea, Nicolas Cage e Jack Osbourne.

Vida privada[editar | editar a fonte]

En 2008 lanzou a súa propia bebida de asente, denominada Mansinthe, a cal contén un 66,6% de alcohol e é producida pola empresa Matter-Luginbuehl.[31] A bebida recibiu duras críticas pola parte de diversos coñecedores da materia; algúns compararon o seu olor co das augas residuais ou co dun pantano de barro,[32] pero en agosto de 2008 foi elixida como a segunda mellor bebida de absintio,[33] e obtivo unha medalla de ouro na Competición Mundial de Bebidas Alcohólicas de San Francisco.[34] Despois de que varios medios de comunicación mostrasen a Marilyn con pantalóns de coiro, a organización polos dereitos dos animais PETA incluíuno na lista das celebridades peor vestidas de 2008.[35]

Relacións[editar | editar a fonte]

A actriz Rose McGowan, antiga parella sentimental de Manson entre os anos 1997 e 2001.

Manson mantivo unha relación sentimental de cinco anos coa actriz Rose McGowan, desde 1997 ata 2001.[36] Durante esa época, Rose chamou a atención ao aparecer practicamente núa nos MTV Video Music Awards de 1998, cun vestido de rede e roupa interior de leopardo.[37] Tamén apareceu no vídeo da canción Coma White da banda Marilyn Manson, imitando a Jacqueline Kennedy, e prestou a súa voz como fondo no tema Posthuman, tamén de Manson.[38] A parella comprometeuse no ano 2000, pero Rose terminou coa relación a principios do 2001 alegando diferentes estilos de vida.[39]

Meses máis tarde e trala ruptura con Rose McGowan, comenzou unha longa relación de catro anos coa modelo erótica Dita Von Teese. A parella contraeu matrimonio o 3 de decembro de 2005, nun castelo en Irlanda propiedade do artista Gottfried Helnwein.[40] A cerimonia foi oficiada polo escritor, dramaturgo e cineasta chileno Alejandro Jodorowsky, amigo de Manson.[41]

Marilyn Manson contraeu matrimonio coa modelo erótica Dita Von Teese, o 3 de decembro de 2005, nunha cerimonia que oficiou o escritor chileno Alejandro Jodorowsky. A parella divorciouse en xaneiro de 2007, despois de dous anos de matrimonio e seis de relación.

Porén, despois dun ano e medio de matrimonio e seis de relación, en xaneiro de 2007, Dita mandoulle a demanda de divorcio a Manson xusto o día do seu 38 aniversario, o 5 de xaneiro de 2007, alegando diferenzas irreconciliables; o feito foi desmentido máis tarde pola prensa, xa que a verdadeira razón da ruptura da parella fora a infidelidade de Manson coa actriz Evan Rachel Wood, coa que comenzou a saír meses antes do divorcio da parella.[42][43]

Días despois do seu divorcio, en xaneiro de 2007 fíxose oficialmente pública a súa relación con Evan Rachel Wood,[44] quen protagonizou xunto con Manson o vídeo da canción Heart-Shaped Glasses (When the Heart Guides the Hand), o cal suscitou unha leve polémica debido ás súas escenas de sexo explícito e as escenas nas que ambos aparecen cubertos de sangue na cama.[45] En maio de 2009 anunciaron a súa separación tras unha grave crise de parella. Non obstante, a principios de 2010 anunciaron a súa reconciliación e compromiso.[46]

A actriz Evan Rachel Wood, parella de Marilyn Manson entre os años 2007 e 2010.

Finalmente en agosto dese mesmo ano, anunciaron o fin da súa relación.[47]

Durante o tempo de separación con Wood, a prensa falou sobre unha posible relación do cantante coa actriz pornográfica Stoya,[48] relación á cal Manson puxo o seu fin en novembro, para volver coa que fora a súa parella, a actriz Evan Rachel Wood en xaneiro de 2010.[49] Finalmente Stoya alegou que a relación que ambos mantiñan non era considerada por ningún dos dous como unha relación seria, xa que apenas se vían e non había comunicación, Stoya denominou esa relación como "unha relación de carácter sexual" e sen compromisos de por medio, Stoya dixo que máis que unha relación era "un pasatempo divertido" ademais de dicir en máis dunha ocasión que por Manson non sentía máis alá que unha gran amizade, dicindo "Por que non ter un amigo con dereito a rozamento se ningún ten parella?". Porén, Manson e Stoya manteñen unha relación de amizade desde a finalización desa estraña e curta relación. Manson nunca falou ou desmentiu nada sobre dita relación.

A actriz pornográfica Stoya, parella sexual de Marilyn Manson entre os meses de xuño e novembro do ano 2009.

Desde novembro de 2010 mantén unha relación estable coa modelo Lindsay Usich.[Cómpre referencia]

Discografía[editar | editar a fonte]

Premios e nominaciones[editar | editar a fonte]

Grammy Awards

Ano Traballo nomeado Premio Resultado
1999 "The Dope Show" Mellor Actuación de Hard Rock Candidato
2001 "Astonishing Panorama of the Endtimes" Mellor Actuación de Metal Candidato
2004 "Mobscene" Mellor Actuación de Metal Candidato
2013 "No Reflection" Mellor Actuación de Metal/Hard Rock[50] Candidato

MTV Video Music Awards

Ano Traballo nomeado Premio Resultado
1996 "Sweet Dreams(Are Made of This)" Mellor vídeo de Hard Rock Candidato
1997 "The Beautiful People" Mellor vídeo de Hard Rock Candidato
Mellores efectos especiais en vídeo Candidato
Mellor dirección de arte en vídeo Candidato
1999 "The Dope Show" Mellor cinematografía en vídeo Gañador
Metal Edge Readers' Choice Awards
Ano Gañador Categoría
1997 It's a Long Hard Road Out of Hell Mellor canción de banda sonora de película[51]
1999 Marilyn Manson Mellor interpretación en vivo
1998 God Is In The TV Mellor video caseiro do ano[52]
2000 Marilyn Manson Actuación de home do ano[53]

Videografía[editar | editar a fonte]

Filmografía[editar | editar a fonte]

Libros[editar | editar a fonte]

Notas[editar | editar a fonte]

  1. 1,0 1,1 "Marilyn Manson - Biohraphy". allmusic.com. http://www.allmusic.com/artist/p45021.
  2. 2,0 2,1 "Marilyn Manson - Artist Styles". musicmademe.com. http://www.musicmademe.com/artist/424.
  3. Strauss p. 85-87
  4. 4,0 4,1 "Biography for Marilyn Manson". imdb.com. http://www.imdb.com/name/nm0001504/bio. Consultado o 4 de abril de 2010.
  5. "Marilyn Manson". allaboutpopularissues.org. http://www.allaboutpopularissues.org/marilyn-manson.htm. Consultado o 4 de abril de 2010.
  6. 6,0 6,1 6,2 "RIAA Database Search for Marilyn Manson". riaa.com. http://riaa.com/goldandplatinumdata.php?table=SEARCH_RESULTS. Consultado o 4 de abril de 2010.
  7. "Portrait of an American Family". allmusic.com. http://www.allmusic.com/album/r204446. Consultado o 4 de abril de 2010.
  8. "Antichrist Superstar". allmusic.com. http://www.allmusic.com/album/r241643. Consultado o 4 de abril de 2010.
  9. Alan di Pirna (1996). "Dangerous Creatures: Marilyn Manson have come for your Children". basetendencies.com. http://web.archive.org/web/20071011094902/http://basetendencies.com/interview/GWDec96.html. Consultado o 4 de abril de 2010.
  10. "Manson Resumes Tour Without Hole". mtv.com. 1999. http://www.mtv.com/news/articles/1430051/19990322/hole.jhtml/. Consultado o 4 de abril de 2010.
  11. "Manson Hooks Up With DMX". mtv.com. 1998. http://www.mtv.com/news/articles/1428218/19981023/dmx.jhtml/. Consultado o 4 de abril de 2010.
  12. "Godhead". mtv.com. http://www.mtv.com/music/artist/godhead/artist.jhtml#bio/. Consultado o 4 de abril de 2010.
  13. "Lost Highway". imdb.com. http://www.imdb.com/title/tt0116922/fullcredits#cast. Consultado o 4 de abril de 2010.
  14. "Jawbreaker". imdb.com. http://www.imdb.com/title/tt0155776/fullcredits#cast. Consultado o 4 de abril de 2010.
  15. "The Hire: Beat the Devil". imdb.com. http://www.imdb.com/title/tt0338768/fullcredits#cast. Consultado o 4 de abril de 2010.
  16. "Bowling for Columbine". imdb.com. http://www.imdb.com/title/tt0310793/fullcredits#cast. Consultado o 4 de abril de 2010.
  17. "Party Monster". imdb.com. http://www.imdb.com/title/tt0320244/fullcredits#cast. Consultado o 4 de abril de 2010.
  18. "The Heart Is Deceitful Above All Things". imdb.com. http://www.imdb.com/title/tt0368774/fullcredits#cast. Consultado o 4 de abril de 2010.
  19. "Rise: Blood Hunter". imdb.com. http://www.imdb.com/title/tt0389328/fullcredits#cast. Consultado o 4 de abril de 2010.
  20. 20,0 20,1 [[1] "Charlie and the Chocolate Factory (2005)"]. scifimoviepage.com. 2005. [2]. Consultado o 4 de abril de 2010.
  21. "Phantasmagoria: The Visions of Lewis Carroll". imdb.com. http://www.imdb.com/title/tt0758775/releaseinfo. Consultado o 4 de abril de 2010.
  22. "Emma Watson Joins Forces with Marilyn Manson". celebrity-gossip.net. 2009. http://www.celebrity-gossip.net/celebrities/hollywood/emma-watson-joins-forces-with-marilyn-manson-215604. Consultado o 4 de abril de 2010.
  23. "Emma Watson e Marilyn Manson, xuntos nun musical". hjoven.hola.com. 2009. http://hjoven.hola.com/cine/2009/07/emma-watson-y-marilyn-manson-juntos-en-un-musical.html. Consultado o 4 de abril de 2010.
  24. 24,0 24,1 24,2 24,3 Smith, Dakota (24 de xaneiro de 2000). "Shocker! Marilyn Manson Can Paint, Art Critics Say". VH1 News.
  25. Dakota Smith. "Shocker! Marilyn Manson Can Paint, Art Critics Say". vh1.com. http://www.vh1.com/news/articles/620624/20000122/story.jhtml. Consultado o 4 de abril de 2010.
  26. "Mariltn Manson Trismegistus". galerieschenk.de. http://www.galerieschenk.de/htmls/m02/mm08/Marilyn_Manson_Trismegistus.pdf. Consultado o 4 de abril de 2010.
  27. 27,0 27,1 "The Celebritarian Corporation". nachtkabarett.com. http://www.nachtkabarett.com/CelebritarianCorporation/LogoEmblem. Consultado o 4 de abril de 2010.
  28. Chris Harris (2005). "Marilyn Manson Likens His New Guitar God To A Naked Woman". mtv.com. http://www.mtv.com/news/articles/1512539/20051028/marilyn_manson.jhtml?headlines=true. Consultado o 4 de abril de 2010.
  29. "Marilyn Manson inaugura su propia galería de arte". laflecha.net. http://www.laflecha.net/canales/curiosidades/noticias/marilyn-manson-inaugura-su-propia-galeria-de-arte. Consultado o 4 de abril de 2010.
  30. "Marilyn Manson expone as súas pinturas e prepara o concerto en Chile". gaymagazine.cl. 2007. http://www.gaymagazine.cl/miscelaneo/?contenido=555. Consultado o 4 de abril de 2010.
  31. Miguel Jurado (2008). "Marilyn Manson tiene su propia marca de Absenta". openstereo.es. http://openstereo.es/marilyn-manson-tiene-su-propia-marca-de-absenta/. Consultado o 4 de abril de 2010.
  32. Michael Y. Park. "Absinthe Taste Test Part 3: Mansinthe (Marilyn Manson Absinthe)". epicurious.com. http://www.epicurious.com/articlesguides/blogs/editor/2008/02/absinthe-taste.html.
  33. David Wondrich (2008). "The Five Best Bottles of Absinthe". esquire.com. http://www.esquire.com/features/drinking/absinthe-0808. Consultado o 4 de abril de 2010.
  34. "Mansinthe Wins Gold at 2008 San Francisco World Spirits Competition". mansinthe.com. 2008. http://www.mansinthe.com/?p=28. Consultado o 4 de abril de 2010.
  35. "Kate, Aretha, Lindsay & Eva Top PETA Worst Dressed List". entertainmentwise.com. 2008. http://www.entertainmentwise.com/news/40716/kate-aretha-lindsay--eva-top-peta-worst-dressed-list. Consultado o 4 de abril de 2010.
  36. "Rose McGowan, a ex de Marilyn Manson máis sexy que nunca". noticiascadadia.com. 2007. http://www.noticiascadadia.com/noticia/4115-rose-mcgowan-la-ex-de-marilyn-manson-mas-sexy-que-nunca/. Consultado o 4 de abril de 2010.
  37. "Rose McGowan Vestido de infarto". youtube.com. http://www.youtube.com/watch?v=AkU9IZujSwc&feature=related. Consultado o 4 de abril de 2010.
  38. "Rose McGowan. Biografía, filmografía e fotos". alohacriticon.com. http://www.alohacriticon.com/elcriticon/article1562.html. Consultado o 4 de abril de 2010.
  39. "Manson xa non casa; Incubus dibujantes". mtvla.com. 2001. http://www.mtvla.com/news/articles/1449959/20011012/incubus.jhtml. Consultado o 4 de abril de 2010.
  40. "Marilyn Manson se casa". esmas.com. 2005. http://www.esmas.com/espectaculos/farandula/495104.html. Consultado o 4 de abril de 2010.
  41. "Marilyn Manson casa en Dublín coa súa noiva, Dita von Teese". los40.com. 2005. http://www.los40.com/articulo/noticias/Marilyn-Manson-casa-Dublin-novia-Dita-von-Teese/l40actn01/20051205l40l40not_12/Tes. Consultado o 4 de abril de 2010.
  42. "Rock star Manson set to divorce". news.bbc.co.uk. 2007. http://news.bbc.co.uk/2/hi/entertainment/6236663.stm. Consultado o 4 de abril de 2010.
  43. "Manson-Von Teese marriage ended". upi.com. 2007. http://www.upi.com/Entertainment_News/2007/12/28/Manson-Von-Teese-marriage-ended/UPI-21731198894980/. Consultado o 4 de abril de 2010.
  44. Ken Lee (2007). "Marilyn Manson Dating Evan Rachel Wood". people.com. http://www.people.com/people/article/0,,20007918,00.html. Consultado o 4 de abril de 2010.
  45. "O video polémico de Marilyn Manson e Evan Rachel Wood". mundoextra.com. 2007. http://www.mundoextra.com/videos/el-video-polemico-de-marilyn-manson-y-evan-rachel-wood/. Consultado o 4 de abril de 2010.
  46. "Marilyn Manson and Evan Rachel Wood Get Engaged". tvguide.com. 2010. http://www.tvguide.com/News/Marilyn-Manson-Evan-1013511.aspx. Consultado o 4 de abril de 2010.
  47. "Marilyn Manson and Evan Rachel Wood Call It Quits (Again!)". People. 2010. http://www.people.com/people/article/0,,20413552,00.html. Consultado o 14 de novembro de 2010.
  48. Huga Rifkind (5 de xuño de 2009). "A most bizarre encounter with Marilyn Manson". The Times. http://entertainment.timesonline.co.uk/tol/arts_and_entertainment/music/article6432653.ece. Consultado o 5 de junio de 2009.
  49. Cindi Loftus (abril de 2011). "Xcitement Interviews: STOYA". xcitement.com. http://www.xcitement.com/interview/?page_id=1040. Consultado o 24 de abril de 2011.
  50. "55° Grammy Awards Nominacións". http://www.grammy.com/nominees?genre=31.
  51. Metal Edge, xuño de 1998
  52. Metal Edge, xullo de 2000
  53. Metal Edge, xuño de 2001