Roi Fernandiz de Santiago
| Biografía | |
|---|---|
| Nacemento | Santiago de Compostela  |
| Actividade | |
| Ocupación | trobador , clérigo |
| Período de tempo | Século XIII |
Roi Fernandiz de Santiago (tamén Roi Fernandiz clérigo) foi un clérigo e trobador galego do século XIII.[1] Documéntase na corte de Afonso X.[2]
Traxectoria[editar | editar a fonte]
Consérvanse moi poucos datos biográficos. A pesar de que a súa obra aparece con dúas firmas distintas (as cantigas de amor como Roi Fernandiz de Santiago e as de amigo como Roi Fernandiz clérigo) hai consenso en crer que son do mesmo autor. A esta conclusión chegouse pola colocación das cantigas nos cancioneros (no grupo de clérigos e na mesma posición con respecto ás obras de Martin Moxa) e por un testamento de 1273 no que refírese a el como natural de Compostela e clérigo.[3] Este documento realizado en Salamanca, xunto con outra documentación dos inicios da Universidade de Salamanca, reflicten a súa condición de catedrático, suponse que non antes de 1255, descoñecendo de que materia e se impartía clase.[3] Xavier Ron Fernández localizou un documento de 1284 co seu nome referido a el como monxe do Mosteiro de San Pelayo de Antealtares, de ser a mesma persoa, tería falecido máis dunha década máis tarde da data na que realizou o seu testamento.
Obra[editar | editar a fonte]
Consérvanse 25 obras, agrupadas en 18 cantigas de amor e 7 cantigas de amigo.[2]
Notas[editar | editar a fonte]
- ↑ "Biografía". bernal.cirp.gal. Consultado o 3 de abril de 2021.
- ↑ 2,0 2,1 "Rui Fernandes de Santiago". Cantigas Medievais Galego-Portuguesas (en portugués). 2012. Consultado o 3 de abril de 2021.
- ↑ 3,0 3,1 "As cantigas de Roi Fernandiz, clérigo de Santiago". uvigo.es. (ISBN 978-84-8158-486-8). Consultado o 3 de abril de 2021.