Pero Mafaldo

Pero Mafaldo

Biografía
Datos persoais
País de nacionalidade	Reino de Galicia
Actividade
Ocupación	trobador

Pero Mafaldo foi un trobador ou xograr do século XIII activo na corte de Afonso X.

Traxectoria

António Resende de Oliveira sostén que era portugués, da liñaxe dos Mafaldo (familia nobre do norte de Portugal) e fillo de Mem Pais Mafaldo. Con todo, o catedrático Vicenç Beltrán identifícao cun xograr galego asentado en Cataluña e documentado en 1249, 1265 e 1269.

Frecuentou a corte de Afonso X e probablemente a corte aragonesa, ao servizo do infante Pedro, onde entraría en contacto co trobador Cerveri de Xirona.

En 1265 documéntase un Pero Mafaldo na corte do rei portugués Afonso III, ao servizo de Joao Peres de Aboim. Puido establecerse en Santarém, onde tería propiedades.

Obra

Consérvanse nove obras. Un sirventés moral, catro cantigas de amor, dúas cantigas de amigo, dúas cantigas de escarnio e maldicir (a María Pérez A Balteira e a Pero d’Ambroa).

Véxase tamén

Bibliografía

• Vilavedra, Dolores, ed. (1995). Diccionario da Literatura Galega. Autores I. Vigo: Editorial Galaxia. ISBN 84-8288-019-5.