Gómez García
| Gómez García | |
|---|---|
| Nacionalidade | España |
| Ocupación | trobador |
| [ editar datos en Wikidata ] | |
Gómez García ou Gómez García de Toledo foi un clérigo e trobador castelán do século XIII.[1]
Traxectoria[editar | editar a fonte]
Naceu en Toledo e pertence á familia dos Sotomayor. Sábese que tivo, polo menos, dous irmáns (Alfonso García e María García).[2] Ocupou os cargos de privado do infante Sancho, abade de Valladolid e notario do reino de León. Tomou parte a favor de Sancho IV nas súas disputas co seu pai Alfonso X en 1282 até o falecemento do monarca, momento no que se coroa definitivamente a Sancho IV, alcanzando o seu maior poder político até ser considerado como o auténtico privado do rei por estudosos como Mercedes Gaibrois.[1] Gómez García tamén foi proposto para ser bispo de Mondoñedo en 1286, época na que parece que xa non gozaba de tanta confianza por parte do rei. Falece o 29 de xullo dese mesmo ano.[3]
Obra[editar | editar a fonte]
Consérvanse dúas cantigas de amor recollidas tanto no Cancioneiro da Biblioteca Nacional de Lisboa como no Cancioneiro da Biblioteca Vaticana.[4]
Notas[editar | editar a fonte]
- ↑ 1,0 1,1 "Gómez García de Toledo | Real Academia de la Historia". Consultado o 2021-03-18.
- ↑ "MedDB - Visualiza Trobador". Consultado o 2021-03-18.
- ↑ ".:: Cantigas Medievais Galego-Portuguesas ::.". Consultado o 2021-03-18.
- ↑ ".:: Cantigas Medievais Galego-Portuguesas ::.". Consultado o 2021-03-18.