Fernand´ Esquio

Fernand´ Esquio
Nacemento	século XIIIxuliano
Lugar de nacemento	Ferrol
Falecemento	século XIVxuliano
Nacionalidade	Reino de Galicia
Ocupación	trobador
[ editar datos en Wikidata ]

Cantigas de Esquio no Cancioneiro da Vaticana.

Fernand' Esquio ou Fernand' Esqyo, escrito Fernando Esquío coa grafía moderna, foi un trobador galego de fins do século XIII e comezos do século XIV. Dá nome a un instituto de educación secundaria de Neda.

Traxectoria

Nado no século XIII, poida que en localidades próximas a Ferrol, xa que o seu apelido era común nalgunhas localidades da comarca de Ferrol, É posible que pertencese a unha familia nobre, posto que había Esquíos ao servizo dos condes de Andrade e como priores do mosteiro de San Martiño de Xuvia. Estudosos como Ricardo Carballo Calero sosteñen que o seu apelido puido ser Esguío, como outros trobadores medievais que tiveron ou adoptaron o nome dun animal como apelido.

Puido ter vinculacións coas cidades de Lugo e Santiago de Compostela, pois ambas cidades aparecen nalgunha das súas obras.

Obra

Consérvanse nove cantigas súas, que se dividen en catro de amigo, tres de escarnio e dúas de amor.

Véxase tamén

Bibliografía

• Dobarro Paz, Xosé María: "FERNAND' ESQUIO". Gran Enciclopedia Galega Silverio Cañada.

Outros artigos

• Cancioneiro da Biblioteca Vaticana

Ligazóns externas

• Ficha na Xacopedia