Lourenço

Na Galipedia, a Wikipedia en galego.
Saltar ata a navegación Saltar á busca

Lourenço foi un xograr portugués do segundo terzo do século XIII.

Biografía[editar | editar a fonte]

Ao servizo nun longo tempo de Johan Garcia de Guilhade, frecuentou as cortes portuguesa de Afonso III e castelá de Afonso X. Nacido en Portugal, en Terras de Cornelhá, está considerado como galego de espírito porque foi en Santiago onde aprendeu as artes musicais e de poeta. Foi na catedral de Santiago de Compostela onde exerceu de cedo como organista a mediados do século XIII. Pouco máis tarde trasladouse á corte castelá de Afonso X, onde gaña sona como un dos trobadores máis destacados pola súa calidade compositiva e pola arte á hora de improvisar. Despois duns anos, volve outrora a Portugal e triunfa na corte do rei Afonso III.

É autor de 18 textos: 2 cantigas de amor, 7 cantigas de amigo, 1 cantiga de escarnio, contra Pedro Amigo de Sevilha e 8 tenzóns, 2 con Johan Garcia de Guilhade e con Johan Perez de Aboim, Johan Vasquiz de Talaveira, Johan Soarez Coelho, Rodrigo Eanes Redondo, 1 posibelmente con Martin Moxa e unha última cun Pero Garcia, que podemos identificar tanto con Pero Garcia de Ambroa como con Pero Garcia Burgalês.

Véxase tamén[editar | editar a fonte]

Ligazóns externas[editar | editar a fonte]