Robin Lopez

Na Galipedia, a Wikipedia en galego.
Robin Lopez
Robin Lopez Hornets 2.jpg
Chicago Bulls – No. 8
Pivote
Información persoal
Nacemento 1 de abril de 1988 (28 anos)
Flag of California.svg Val de San Fernando, California
Nacionalidade Flag of the United States.svg Estados Unidos
Altura 2,13 m (7 ft 0 in)
Peso oficial 116 kg (255 lb)
Información da carreira
Instituto San Joaquin, Fresno
Universidade Stanford (2006–2008)
NBA Draft 2008 / Rolda: 1 / Elección: 15

Por Phoenix Suns

Carreira dende 2008
Historial de equipos
Phoenix Suns (2008–2012)
New Orleans Hornets (2012–2013)
Portland Trail Blazers (2013–2015)
New York Knicks (2015–2016)
Chicago Bulls (2016–presente)
Información en nba.com

Robin Byron Lopez, nado o 1 de abril de 1988 en Val de San Fernando, California, é un xogador de baloncesto estadounidense que pertence ao cadro de xogadores dos Chicago Bulls da National Basketball Association (NBA). Mide 2,13 metros, e xoga na posición de pivote. É irmán xemelgo de Brook Lopez, elixido polos New Jersey Nets no mesmo draft, e actual xogador dos Brooklyn Nets. Ambos os dous son fillos dun emigrante cubano, Heriberto Lopez, e da estadounidense Deborah Ledford, que foi olímpica en natación.[1]

Traxectoria[editar | editar a fonte]

Universidade[editar | editar a fonte]

Xogou durante dúas tempadas xunto co seu irmán nos "Cardinals" da Universidade de Stanford. Na súa primeira tempada fixo 7,5 puntos, 5,5 rebotes e 2,2 tapóns, liderando a Pacific Ten Conference nese apartado. Xunto co seu irmán, puxeron máis tapóns nunha tempada que 7 equipos da súa mesma conferencia.[2] Na súa segunda tempada fixo 10,2 puntos, 5,7 rebotes e 2,3 tapóns (2º da Pac-10). Foi elixido no mellor quinteto defensivo da súa conferencia.

En marzo de 2008, tanto el coma o seu irmán anunciaron a súa intención de presentarse ao Draft da NBA.[3] No total da súa traxectoria universitaria fixo 8,9 puntos e 5,6 rebotes por partido.[4]

Estatísticas[editar | editar a fonte]

Ano Idade P MIN PTS REB ASIS PER A/P ROUB TAP FP  %TC  %TL  %3P
2006-2007 18 31 24.0 7.5 5.5 0.9 1.5 0.63 0.2 2.4 2.3 .480 .545 0.00
2007-2008 19 36 24.5 10.2 5.7 0.6 1.8 0.33 0.5 2.3 2.6 .534 .652 1.000

Profesional[editar | editar a fonte]

Foi elixido na 15ª posición da primeira rolda do Draft da NBA de 2008 polos Phoenix Suns, equipo polo que asinou contrato en xullo de 2008.[5]

O 27 de xullo de 2012, os New Orleans Hornets adquiriron a Lopez dos Suns mediante un sign-and-trade.[6]

O 10 de xullo de 2013, New Orleans traspasou a Lopez ós Portland Trail Blazers nun traspaso entre tres equipos que tamén incluía ós Sacramento Kings.[7]

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]