Henry Walker

Henry Walker

Shiga Lakestars  – No. 12
Información persoal
Nacemento	9 de outubro de 1987 (35 anos) Huntington, Virxinia Occidental
Nacionalidade	Estados Unidos
Altura	1,98 m (6 ft 6 in)
Peso oficial	100 kg (220 lb)
Posición	Ala / Escolta
Liga	B.League
Información da carreira
Instituto	Rose Hill Christian (Ashland, Kentucky) North College Hill (North College Hill, Ohio)
Universidade	Kansas State (2006–2008)
NBA Draft	2008 / Rolda: 2 / Elección: 47 Por Washington Wizards
Carreira	dende 2008
Historial de equipos
Boston Celtics (2008–2010) →Utah Flash (2008–2009) →Maine Red Claws (2009) New York Knicks (2010–2012) Austin Toros (2013) Trotamundos de Carabobo (2013) Sioux Falls Skyforce (2013–2014) Alaska Aces (2014) Sioux Falls Skyforce (2014–2015) Miami Heat (2015) Cedevita (2015–2016) NLEX Road Warriors (2016) Sioux Falls Skyforce (2016–2017) Blackwater Elite (2017) Galatasaray (2018) Defensor Sporting (2018) Blackwater Elite (2018) Shiga Lakestars (2019–presente)

William Henry Walker, nado o 9 de outubro de 1987 en Huntington, Virxinia Occidental, e anteriormente coñecido coma Bill Walker, é un xogador de baloncesto profesional estadounidense que xoga nos Shiga Lakestars da B.League. Mide 1,98 metros de altura e xoga na posición de ala.

Traxectoria

Instituto

Walker estudou durante tres anos na North College Hill High School, sendo en todos eles titular no seu equipo, e considerado coma un dos dez mellores escolares do país. Nese período conseguiu varios galardóns, coma aparecer no segundo equipo All-America da revista PARADE en 2006, no mellor quinteto dese ano entre os xogadores de instituto para EA Sports, ou no mellor quinteto do estado de Ohio elixido polos adestradores, entre outros galardóns.

Universidade

Tras espertar a interese de moitas universidades de primeiro nivel da División I da NCAA, coma Cincinnati, Connecticut, Illinois, Syracuse, Southern California e Texas, Walker finalmente matriculouse na Universidade de Kansas State coma estudante a tempo parcial para poder competir a partir do 16 de decembro, cando comezaba o segundo semestre. Apenas puido disputar seis partidos no seu ano coma novato, xa que en xaneiro de 2007 sufriu a rotura do ligamento cruzado anterior da súa perna esquerda nun partido ante Texas A&M, da cal tivo que ser operado, perdéndose o resto da tempada. Promediou 11,3 puntos e 4,5 rebotes, gañando en dúas ocasións o premio de rookie da semana e finalmente incluído no mellor quinteto de novatos da Big 12 Conference.

Na tempada 2007-08, Walker promediou 16,1 puntos e 6,3 rebotes en 31 partidos disputados. Igualou a súa mellor marca anotadora nun partido o 23 de febreiro de 2008 ante Baylor, anotando 31 puntos e capturando 11 rebotes, que sumados aos do seu compañeiro de equipo Michael Beasley conseguiron 75 dos 86 puntos dos Jayhawks. No total da súa traxectoria universitaria promediou 14,9 puntos e 5,9 rebotes por partido.

O 14 de abril anunciou, xunto ao seu compañeiro Michael Beasley a súa intención de presentarse ao Draft da NBA.

Estatísticas

Tempada	P	PT	TCC	TCI	%TC	TLC	TLC	%TL	3PC	3PI	%T3	REB	ASIS	ROUB	TAP	PTS	MEDIA
2006-07	6	5	26	65	.400	16	24	.667	0	9	.000	27	5	4	0	68	11.3
2007-08	31	28	181	389	.465	101	137	.737	35	114	.307	196	59	27	17	498	16.1
Totals	37	33	207	454	.456	117	161	.727	35	123	.285	223	64	31	17	566	15.3

Profesional

Foi elixido na 47ª posición do Draft da NBA de 2008 polos Washington Wizards, quen pouco despois traspasarían os seus dereitos aos Boston Celtics. O 22 de agosto asinou o contrato con este equipo, onde levaría o dorsal 12 na súa camiseta.

O 18 de febreiro de 2010 foi traspasado aos New York Knicks xunto con J.R. Giddens e Eddie House a cambio de Nate Robinson e Marcus Landry. Foi cortado polos Knicks o 20 de abril de 2012.

O 21 de febreiro de 2015, asinou un contrato de dez días cos Miami Heat.

Véxase tamén

Ligazóns externas

• Perfil en NBA.com (en inglés)
• Estatísticas en Basketball-Reference.com Arquivado 23 de febreiro de 2015 en Wayback Machine. (en inglés)