Ramón Pérez Costales
  | |
| Biografía | |
|---|---|
| Nacemento | 31 de maio de 1832 Oviedo, España |
| Morte | 18 de xaneiro de 1911 (78 anos) Madrid, España |
.svg){kind=small} Ministro de Fomento de España | |
| 28 de xuño de 1873 – 18 de xullo de 1873 ← Eduardo Benot (pt)  – José Fernando González Sánchez → | |
.svg){kind=small} Deputado no Congreso dos Deputados | |
| | |
| Datos persoais | |
| Educación | Universidade de Oviedo Universidade de Santiago de Compostela |
| Actividade | |
| Lugar de traballo | Madrid |
| Ocupación | político, médico |
| Membro de | |
| Descrito pola fonte | Ensayo de un catálogo de periodistas españoles del siglo XIX (1903-1904), (sec:Pérez Costales (Ramón), p.342) Enciclopedia universal ilustrada europeo-americana (1908-1930) (pt) , (vol:XLIII, sec:Pérez Costales (Ramón), p.669) |
 | |
Ramón Pérez Costales, nado en Oviedo en 1832 e finado na Coruña o 18 de xaneiro de 1911, foi un médico e político galego.
Traxectoria
[editar | editar a fonte]Malia comezar os seus estudos na Universidade de Oviedo, tivo que trasladarse a Santiago de Compostela debido a compromisos laborais do seu pai, cidade onde remataría a licenciatura de medicina en 1854. En 1866 trala sublevación dos sarxentos do cuartel de San Gil en Madrid exíliase a Portugal.[1] Dous anos despois, en 1868 volta instalándose na Coruña e formando parte do Partido Repúblicano Federal de Francesc Pi i Margall, alí traballaría duramente na actividade política do partido ata ser apartado da dirección, intre no que comeza a espallar a idea de crear a Unión Republicana de Galicia.
Foi elixido deputado pola Coruña en 1872 e en 1873 (Cortes Constituíntes da I República) volveu ser deputado por Carral. Presentou ás Cortes a proposta de Estatuto de Galicia de José Sánchez Villamarín, na que se pedía "una Galicia independiente pero parte integrante de la nación", aínda que o intento de autodeterminación non prosperou pola pouca duración da I República. Os republicanos federalistas elaboraron de novo en 1883 un proxecto de Constitución para o Estado Galaico, que foi aprobado pola primeira asemblea federal galega celebrada en 1886, que elixiu un Consello de Goberno executivo presidido por Moreno Barcia e outros catro membros, un por cada provincia galega, sendo designado Pérez Costales en representación da Coruña.
Cando Pi i Margall se fixo cargo da República foi designado ministro de Fomento o 28 de xuño de 1873.
En 1894 senta o precedente da Real Academia Galega ao promover xunto coa escritora Emilia Pardo Bazán a Comisión Xestora para a creación da Academia Gallega sobre a base da sociedade Folklore Gallego. Posteriormente, na creación da actual Real Academia Galega, en 1906, sería nomeado académico de honra ao ser a materialización dunha das súas ideas.[2]
Notas
[editar | editar a fonte]- ↑ Bugallal Marchesi, José Luis (1956). "Cuatro retratos y cuatro retratistas de D. Ramón Pérez Costales: Meléndez, Pardo Reguera, Picasso y Vaamonde". Boletín da Real Academia Galega 27 (309-320): 24–58. Arquivado dende o orixinal o 14 de febreiro de 2023. Consultado o 01 de marzo de 2023.
- ↑ Martínez Murguía, Manuel (1911). "Necrología. D. Ramón Pérez Costales". Boletín da Real Academia Galega 4 (43): 149–172. Arquivado dende o orixinal o 01 de marzo de 2023. Consultado o 01 de marzo de 2023.
Véxase tamén
[editar | editar a fonte] |
Wikimedia Commons ten máis contidos multimedia na categoría: Ramón Pérez Costales  |
Bibliografía
[editar | editar a fonte]- "Pérez Costales, Ramón". Enciclopedia Galega Universal. Ir Indo. 1999-2002. ISBN 84-7680-288-9.
- "Pérez Costales, Ramón". Gran Enciclopedia Galega (DVD). El Progreso. 2005. ISBN 84-87804-88-8.
- Couceiro Freijomil, Antonio (1951-53). Diccionario bio-bibliográfico de escritores (en castelán). Bibliófilos Gallegos.
- Ossorio y Bernard, Manuel (1903). "Pérez Costales (Ramón)". Ensayo de un catálogo de periodistas españoles del siglo XIX. Madrid: Imprenta y litografía de J. Palacios.
- Vieira, Ramiro (1907). Siluetas de las personalidades más salientes de Galicia (en castelán). Vigo: Tip, y Librería de M. Mariño.
Ligazóns externas
[editar | editar a fonte]- "Ramón Pérez Costales". Álbum da Ciencia do Consello da Cultura Galega.
- Ramón Pérez Costales Enciclopedia de Oviedo.
