Medo

Medo
Instancia de emoción negativa termo en psicoloxía  Subclase de ansiedade emoción básica  Aspecto de teoría das emocións  Parcialmente coincidente con temor  Oposto a atrevemento sensación de seguridade  Causa de unión á epinefrina  Causado por intimidación fobia perigo
Códigos e identificadores Freebase /m/02xrl MeSH D005239 CIE-11 1096385425
Fontes e ligazóns  Descrito pola fonte Gujin Tushu Jicheng "Q96599324 " Metropolitan Museum of Art Tagging Vocabulary Lean Logic The Domestic Encyclopædia; Or, A Dictionary Of Facts, And Useful Knowledge "Domestic Encyclopædia (1802)/Terror (en) "
Wikidata C:Commons

O medo é unha emoción caracterizada por un intenso sentimento, habitualmente desagradable, provocado pola percepción dun perigo, real ou imaxinario, presente ou futuro. É unha emoción primaria que se deriva da aversión natural ó risco ou á ameaza, e maniféstase tanto nos animais como no ser humano. O presente artigo trata fundamentalmente do medo en humanos.

Enfoques sobre o medo

Detalle de Xinete sen cabeza perseguindo a Ichabod Crane
de John Quidor (1858). Smithsonian American Art Museum.

Dende o punto de vista biolóxico, o medo é un esquema adaptativo, e constitúe un mecanismo de supervivencia xurdido para permitir ao individuo responder ante situacións adversas con rapidez e eficacia. Nese sentido, é normal e beneficioso para o individuo e para a súa especie.

Dende o punto de vista neurolóxico é unha forma común de organización do cerebro primario dos seres vivos, e esencialmente consiste na activación da amígdala cerebral, situada no lobo temporal.

Dende o punto de vista psicolóxico, social e cultural, o medo pode formar parte do carácter da persoa ou da organización social. Pódese, por tanto, aprender a temer obxectos ou contextos, e tamén se pode aprender a non temelos. Relaciónase de maneira complexa con outros sentimentos (medo ao medo, medo ao amor, medo á morte) e garda unha estreita relación cos distintos elementos da cultura.