Lingua cora

Cora; naáyarite
Falado en:	México e os Estados Unidos
Rexións:	Nayarit, Xalisco, Durango, Colorado, Arizona, Nevada e Utah
Total de falantes:	33.000 (censo de 2020)
Familia:	Uto-azteca; Meridional; Corachol-azteca; Corachol; Cora
Escrita:	Latino
Estatuto oficial
Lingua oficial de:	En México ten recoñecemento como lingua nacional
Regulado por:	Instituto Nacional de Lenguas Indígenas (INALI)
Códigos de lingua
ISO 639-1:	--
ISO 639-2:	---
ISO 639-3:	ambos:; crn — Cora de El Nayar; cok — Cora de Santa Teresa
Mapa
Status
	; O huichol está clasificado como "vulnerable" polo Libro Vermello das Linguas Ameazadas da UNESCO

A lingua cora é unha lingua indíxena de México da familia uto-azteca, falada por aproximadamente 30.000 persoas do pobo cora, os cales se chaman a si mesmos naáyarite. Os cora habitan na serra norte do estado mexicano de Nayarit, o cal recibe o nome dos seus habitantes indíxenas. Unha parte significativa dos falantes de cora formaron unha comunidade de expatriados ao longo da parte suroeste de Colorado, nos Estados Unidos.^[4] O cora é unha lingua mesoamericana e amosa moitos dos trazos definidos pola área lingüística mesoamericana. Segundo a Lei Xeral de Dereitos Lingüísticos dos Pobos Indíxenas, o cora está recoñecido como "lingua nacional", xunto coas outras 62 linguas indíxenas do país e o castelán, os cales teñen a mesma validez legal en México.^[5]