En Marea

Na Galipedia, a Wikipedia en galego.
Saltar ata a navegación Saltar á procura
En Marea
En Marea logo.svg
Dirixentes e organización
Lídervacante[1]
Voceiro único
Historia
FundaciónNovembro de 2015
Coalición
30 de xullo de 2016
Partido
Disolución26 de setembro de 2020
Posicións políticas
IdeoloxíaDemocracia Participativa
Esquerdismo
Representación
Parlamento de Galicia
0 / 75
Congreso dos Deputados (Escanos galegos)
0 / 23
Senado de España (Escanos galegos)
0 / 19
Outros datos
Páxina webenmarea.gal

En Marea foi un partido galego que xurdiu como unha candidatura para se presentar ás eleccións xerais de 2015 e ás eleccións autonómicas en 2016. A candidatura está inspirada nas candidaturas unitarias nas eleccións municipais de 2015 en Galicia. O nome da coalición nas papeletas era "En Marea (Podemos-En Marea-Anova-EU)"[2].

Tratábase dunha coalición conformada por diversos partidos e plataformas:

Historicamente tamén formaron parte de En Marea os partidos políticos Podemos, Esquerda Unida e Anova-Irmandade Nacionalista, ata que se retiraron en xaneiro de 2019.

O 26 de setembro de 2020, nun Plenario extraordinario, En Marea acordou a súa disolución ao considerar "acabada" a súa etapa ao asumir o "agotamento" da candidatura logo do resultado das eleccións do 12X, nas que obtiveron un exiguo 0,22% dos votos.[6]

Candidaturas[editar | editar a fonte]

Eleccións Xerais 2015, candidatura por Lugo

En 2015 os cabezas de lista para o Congreso dos Deputados foron Antón Gómez-Reino pola provincia da Coruña, Miguel Anxo Fernán-Vello pola de Lugo, David Bruzos pola de Ourense e Alexandra Fernández Gómez pola de Pontevedra.

En Marea acadou a cifra de 6 deputados nas eleccións xerais do 2015, superando en votos ao PSdeG e converténdose canda os socialistas na segunda forza con máis representación de Galicia no parlamento de España. Ademais obtivo dous senadores, José García Buitrón pola Coruña e Vanessa Angustia por Pontevedra,[7] que de novo foron os primeiros senadores galegos da democracia de elección directa que non pertenceron a PP, PSOE ou a UCD.

Con 6 deputados, En Marea tentou formar grupo parlamentario propio no Congreso dos Deputados[Cómpre clarificar], sen conseguilo, polo que se integrou no de Podemos.

Nas eleccións do 26 de xuño de 2016 pasou a ter 5 deputados e nas eleccións de abril de 2019 despois da ruptura con Podemos, só conseguíu 17.899 votos (o 1,09 no ámbito galego, e o 0,07%no total español).[8] Finalmente, decidiu non presentar candidatos nas eleccións de novembro de 2019.[9]

Resultados electorais[editar | editar a fonte]

Cortes Xerais[editar | editar a fonte]

Os resultados nas eleccións estatais son os seguintes:

Elección Votos % (sobre o total galego) # Congreso Senado Gob. Notas
2015 410.698 25,01 2.º
6 / 23
2 / 16
Non Oposición
2016[10] 347.542 22,18 3.º
5 / 23
1 / 16
Non Oposición
abril de 2019[8] 17.899 1,09% ?
0 / 23
0 / 16
Non Sen representación
novembro de 2019 - - - Non presenta listas Non presenta listas - -

Ás eleccións de novembro de 2019, non presentou listas.

Parlamento de Galicia[editar | editar a fonte]

Os resultados nas eleccións autonómicas galegas foron os seguintes:

Elección Votos % # Deputados Gob. Notas
2016 271.418 19,07 2.º
14 / 75
Non Oposición
2020 2.883 0,22 8.º
0 / 75
Non Sen representación[11]

Notas[editar | editar a fonte]

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]