Fenrir

Fenrir
Instancia de wargo personaxe da mitoloxía nórdica figura escatolóxica
Venerado por mitoloxía nórdica
Parte de mitoloxía nórdica
Biografía
Circunstancias morte matar
Asasinado por Víðarr
Sexo macho
Familia
Nai Angur
Pai Loki
Irmá/n Jörmungandr Váli Narfi Hela Sleipnir
Fillo/a Skoll Hati
Códigos e identificadores Freebase /m/02yvx
Fontes e ligazóns  Descrito pola fonte Encyclopædia Britannica "1911 Encyclopædia Britannica/Fenrir (en) " Edda prosaica Edda poética
Wikidata G:Commons C:Commons

Fenrir, tamén chamado Fenris é un lobo monstruoso da mitoloxía nórdica, irmán da serpe Jörmungandr e da deusa Hela. Fillo do deus Loki e a xigante Angur. Vivía cos Æsir e tan só Týr se atrevía a alimentalo. Os deuses, vendo como día a día medraba e se facía máis temíbel, tentaron encadealo con diversas cadeas (coma Loeding e Drómi) que a besta rompía sen dificultade.

Odín ordenou ós gnomos que fabricasen unha cadea irrompíbel. Estes forxaron a Gleipnir. Fenrir dixo que só se deixaría encadear con Gleipnir se, coma garantía, un dos deuses puña unha man entre as súas fauces. Só Týr tivo valor para facelo. Pero cando o lobo se viu atrapado e incapaz de rachar a Gleipnir arrancou dunha trabadela a man de Týr.

Entón os Æsir colleron o extremo da cadea e asegurárona a unha gran rocha do fondo da terra chamada Þviti e cravaron unha espada ata o mango atraveso da boca de Fenrir. Así permanecerá o lobo berrando e botando escuma pola boca (coa que se forma o río Vón) ata o Ragnarök, momento no que se soltará das súas ataduras e matará a Odín, sendo a continuación matado polo fillo deste, Víðarr.

Ilustración de Fenrir nun manuscrito islandés do século XVII.