CASA/IPTN CN-235

CASA/IPTN CN-235
Instancia de familia de aeronaves  Subclase de avión de liña rexional transport airplane with 2 turboprop engines (en) twin-turboprop airliner (en) aeronave de transporte militar
Características  Configuración da á á semialta
Implicados  Operador/a Botswana Forza Aérea de Suráfrica Forza Aérea dos Estados Unidos de América Força Aérea da Coreia do Sul (pt) Binter Canarias Exército do Ar e do Espaço (França) (pt) Forza Aérea de Turquía Sociedade de Salvamento e Seguridade Marítima Tailandia Corpo Aéreo Irlandês (pt) España Francia Royal Moroccan Air Force (en) Indonesia Corea do Sur Binter Mediterraneo Servicio Aéreo de la Guardia Civil (en)  Desenvolvedor/a Construcciones Aeronáuticas SA  Fabricante Airbus Group SE Indonesian Aerospace Construcciones Aeronáuticas SA
Datas  Entrada en servizo 1 de marzo de 1988  Primeiro voo 11 de novembro de 1983
Localización  País de orixe España Indonesia
Cifras e dimensións Capacidade 44 e 51 Altura 8,15 m Lonxitude 21,35 m Envergadura 25,81 m Área das ás 82 m² Total producido 286
Códigos e identificadores Freebase /m/0g9xzpw Identificador militar M44
Fontes e ligazóns  Descrito pola fonte The International Directory of Military Aircraft 1996/97 (en) pp. 20 Jane's World Aircraft Recognition Handbook, Fourth Edition (en)
Wikidata C:Commons

O CASA/IPTN CN-235 é un avión de transporte de alcance medio bimotor desenvolvido conxuntamente por Construcciones Aeronáuticas SA (CASA) de España e IPTN de Indonesia como un avión de pasaxeiros rexional e transporte militar. Entre os seus principais roles militares están a patrulla marítima, a vixilancia e o transporte aéreo. O seu maior usuario é Turquía, que ten 59 unidades.

Deseño e desenvolvemento

O proxecto foi unha empresa conxunta entre Construcciones Aeronáuticas SA (CASA) e Indonesian Aerospace (PT. Dirgantara Indonesia), anteriormente coñecida como IPTN, que formou Airtech International para xestionar o programa. A asociación aplicouse só ás Series 10 e Series 100/110, sendo as versións posteriores desenvolvidas independentemente. Hai ao redor de 230 CN-235 de todas as versións en servizo que levan acumulados máis de 500 000 horas de voo.

O deseño comezou en xaneiro de 1980 e o primeiro voo foi o 11 de novembro de 1983. As certificacións española e indonesia chegaron o 20 de xuño de 1986; o primeiro voo dun exemplar de produción realizouse o 19 de agosto de 1986 e a aprobación de tipo da FAA foi concedida o 3 de decembro. O avión entrou en servizo o día 1 de marzo de 1988.

En 1994 o Corpo Aéreo de Irlanda recibiu dous CN-235 de vixilancia marítima usando un aparello prestado de CASA dende 1992 mentres se fabricaban os seus propios aparellos.

En 1995 CASA iniciou o desenvolvemento dun CN-235 alongado coñecido como o C-295. En decembro de 2002 a Armada de Colombia pediu dous CN-235 para patrulla e misións contra o tráfico de drogas.

En abril de 2005 Venezuela ordenou dous CN-235 de vixilancia marítima e 10 de transporte, pero a operación suspendeuse porque o goberno dos Estados Unidos negouse a permitir a transferencia do que eles consideraban tecnoloxía estadounidense na aviónica.

En xaneiro de 2006 Tailandia pediu a Indonesian Aerospace dez avións, seis para o Ministerio de Defensa e catro para o Ministero de Agricultura.

En agosto de 2006 tres avións CASA CN-235-10 voaban en aeroliñas en África, dous con Safair e un con Tiko Air. A aeroliña filipina Asian Spirit operou un único CN-235-220.

En decembro de 2007 España mercou dous CN-235 de patrulla marítima para a Garda Civil que serían entregados en 2008 e 2009.

O Ministerio de Defensa de Indonesia mercou un CN-235 MPA a Indonesian Aerospace que foi entregado en xuño de 2008.

A principios de xullo de 2008 a Armada de México anunciou que mercaría seis CASA CN-235 a España. En abril de 2010, Hervé Morin, o Ministro de Defensa francés, anunciou a compra de oito CN-235-300 tamén a España.

A Forza Aérea de Corea do Sur mercou 20 aeronaves CN-235, 12 fabricadas por CASA e 8 por Indonesian Aeroespace, usadas como transporte e como transporte VIP. En 2011 Indonesian Aerospace estaba traballando en catro CN-235-110 MPA para a Garda Costeira de Corea do Sur, valorados en 96 millóns de dólares.

A Forza Aérea do Senegal mercou dous CN-235 en 2010 e en agosto de 2012 por 13 millóns de dólares. O país planea mercar dous aparellos máis para tranporte VIP e carga e tam´n está interesado na versión de patrulla marítima.