Airbus Helicopters X6

Airbus Helicopters X6
Tipo	helicóptero experimental
Fabricante	Airbus Helicopters

O Airbus Helicopters X6 é un concepto de deseño para un helicóptero pesado bimotor de 19 asentos destinado a substituír ou complementar ao Airbus Helicopters H225.

Desenvolvemento

En xuño de 2015 Airbus Helicopters anunciou o inicio dunha fase de desenvolvemento de concepto de dous anos, incluíndo un panel de asesoramento para clientes: dirixíase ao mercado do transporte comercial, á industria do gas e o petróleo e aos traballos de busca e rescate, aiming for entry into service around 2022-23.

En xuño de 2017 a Comisión Europea aprobou unha axuda estatal de 377 millóns de euros ($420 million) reembolsable que tiña que devolverse en oito anos: 330 millóns procedían de Francia e 47,25 de Alemaña. Sería o primeiro helicóptero comercial de Airbus controlado por fly-by-wire e debería ofrecer un menor nivel de ruído e un 15-20% menos de consumo de combustible e de gastos directos de operación en comparación con helicópteros da época. Para impulsar o aparello propúxose o motor Safran Aneto.

En xaneiro de 2018 o seu desenvolvemento conxelouse debido á falta de subministración de determinadas tecnoloxías, e aínda que o mercado do H225 se mantivo forte en 2017 con 44 pedidos, o mercado do petróleo e o gas en mar a fóra diminuíu; os 377 millóns de axuda de Francia e Alemaña aínda non estaban asignados pero podían usarse se o X6 se lanzaba. O mercado do petróleo e o gas en mar a fóra continuou baixando xa que os campos petrolíferos do mar do Norte, o seu principal cliente, continúan esgotándose e o prezo do petróleo é demasiado baixo como para financiar novas operacións.