Airbus A400M
| Airbus A400M | |
|---|---|
 O segundo prototipo do A400M | |
| Tipo | transporte militar |
| Fabricante | Airbus Military |
| Primeiro voo | 10 de decembro do 2009 |
| Estado | En produción |
| Principais usuarios | Luftwaffe Royal Air Force Forza Aérea de Francia Forza Aérea de Turquía |
| Unidades construídas | 12 |
| Custo unitario | 136 millóns de euros |
O Airbus A400M é un avión de transporte militar de alcance longo e avión cisterna propulsado por catro motores turbohélice, deseñado pola corporación europea Airbus Military para cubrir as necesidades de transporte aéreo dos países europeos. Foi encargado por dez países para substituír varios modelos máis antigos, principalmente o Lockheed C-130 Hercules e o Transall C-160.[1]
Historia[editar | editar a fonte]
O proxecto comezou co grupo para o Futuro Transporte Aéreo Militar Internacional (FIMA - Future International Military Airlifter), establecido en 1982 por Aérospatiale, British Aerospace, Lockheed e MBB para o desenvolvemento do substituto do C-130 Hercules e Transall C-160. A variación necesidades e as complicacións da política internacional causaron un lento progreso. Lockheed abandonou o grupo en 1989 e empezou o desenvolvemento da segunda xeración do Hércules. Cando se uniron Alenia e CASA o grupo pasou a chamarse Euroflag.
As necesidades iniciais das nacións participantes (Francia, Alemaña, Italia, España, Reino Unido, Turquía, Bélxica e Luxemburgo) eran de 212 aeronaves. Coa marcha atrás de Italia e a revisión dos pedidos, as solicitudes pasaron a ser de 180 avións, co primeiro voo en 2008 e a primeira entrega en 2009. O 28 de abril de 2005 Suráfrica uniuse como membro do programa, aínda que o avandonou en novembro de 2009 alegando un sobrecusto de máis de 3.500 millóns de euros.
O Airbus A400M desenvolveuse principalmente como substituto dos C-130 e C-160, que actualmente son as principais aeronaves de carga dos países membros do grupo. Cando se complete o A400M será o primeiro Airbus construído cun propósito unicamente militar.
O 26 de xuño de 2008 tivo lugar en Sevilla a cerimonia de presentación mundial do primeiro A400M rematado. A cerimonia, tradicionalmente coñecida como 'roll-out' no sector aeronáutico, estivo presidida polo Rei Juan Carlos I de España,
Logo de tres anos de atraso, o primeiro voo do A400M foi realizado o 11 de decembro de 2009, engalando ás 10:15 pilotado por un español, Ignacio Lombo, e un británico, Edward Strongman, acompañados de catro enxeñeiros franceses.
Pedidos[editar | editar a fonte]
| Data[2] | Usuario | Pedidos | Entregas[3] |
|---|---|---|---|
| 27 de maio de 2003 |  Luftwaffe
|
53[4] | 2014 |
 Armée de l'air
|
50 | 2013 | |
 Exército do Aire de España
|
27[5] | 2015 | |
 Royal Air Force
|
22 | 2014 | |
 Forza Aérea de Turquía
|
10 | 2013 | |
 Forza Aérea de Bélxica
|
7 | 2018 | |
 Forza Aérea de Luxemburgo
|
1 | 2018 | |
| 15 de decembro de 2004 |  Forza Aérea de Suráfrica
|
0 (8 cancelados) | Pedido cancelado |
| 28 de febreiro de 2014 |  Forza Aérea de Chile
|
(sen acadar) | sen datos |
| 8 de decembro de 2005 |  Real Forza Aérea de Malaisia
|
4 | 2014 |
| Totais: | 174 |
Notas[editar | editar a fonte]
- ↑ Hewson, R. The Vital Guide to Military Aircraft 2nd edition. Airlife Press, Ltd. 2001.
- ↑ "EADS N.V. - El Programa A400M: Una asociación sin precedentes". Arquivado dende o orixinal o 12 de decembro de 2009. Consultado o 27 de xullo de 2014.
- ↑ Airbus Military A400M makes its Paris debut Craig Hoyle. Flight International FlightGlobal.com 15-6-2011
- ↑ Flottau, Jens (25 de outubro de 2010). "German Defense Ministry Confirms A400M Agreement". Aviation Week Network (en inglés). Arquivado dende o orixinal o 25 de setembro de 2019. Consultado o 5 de febreiro de 2019.
- ↑ González, Miguel. "Defensa pide a Hacienda 1.000 millones más al año para pagar deudas en armas". El País (en castelán). Consultado o 5 de febreiro de 2019.
Véxase tamén[editar | editar a fonte]
Ligazóns externas[editar | editar a fonte]
 |
Commons ten máis contidos multimedia sobre: Airbus A400M |
