NHIndustries NH90

Na Galipedia, a Wikipedia en galego.
Saltar ata a navegación Saltar á procura
NHIndustries NH90
French Navy NH90 lands on USS Antietam (CG-54) in the Bay of Bengal (cropped).jpg
NH90 da Armada de Francia
FabricanteNHIndustries
Primeiro voo18 de decembro de 1995
Introducido2007
Estadoen servizo
Produción1995-presente
Unidades construídas300 en decembro de 2016

O NHIndustries NH90 é un helicóptero multipropósito militar de tamaño medio e dous motores. Foi desenvolvido en resposta aos requerimentos da OTAN para un helicóptero de combate que tamén fose capaz de ser operado en contornas navais. O NH90 foi deseñado e está fabricado por NHIndustries, unha compañía colaborativa propiedade de Airbus Helicopters, Leonardo (anteriormente AgustaWestland) e Fokker Aerostructures. O primeiro prototipo realizou o seu voo de estrea o 18 de decembro de 1995 e o modelo entrou en servizo operacional no ano 2007. En xaneiro de 2017 o NH90 levaba acumuladas 127 000 horas de voo nas forzas armadas de trece países.[1]

O NH90 destaca por ser o primeiro helicóptero de produción en contar con controis de voo totalmente fly-by-wire.[2] Ten dúas variantes principais, a TTH (Helicóptero de Transporte Táctico) para ser usada polo exército, e a naval NFH (Helicóptero de Fragata OTAN); cada cliente elixe ademais realizar distintas alteracións aos seus NH90, como distintas armas, sensores e configuracións de cabina, para axustarse aos seus propios requerimentos.

Notas[editar | editar a fonte]

  1. NHIndustries (ed.). "Italian Army UH-90 Helicopters Achieve 9,000 Flying Hours in Afghanistan". Consultado o 8 de xullo de 2018. 
  2. Flight Global (ed.). "Rotor club: Our top 10 most influential helicopters". Consultado o 8 de xullo de 2018.