Tour de Francia 2003

Na Galipedia, a Wikipedia en galego.
2002 << Tour de Francia 2003 >> 2004
Tour-de-France-2003.png
Clasificacións Prólogo + 20 etapas, 3.426 km
Jersey yellow.svg - Xeral Vacante
Jersey polkadot.svg - Montaña Francia Richard Virenque
Jersey green.svg - Puntos Flag of Australia.svg Baden Cooke

O Tour de Francia 2003 foi a 90ª edición da carreira ciclista mais importante do mundo. O seu percorrido comezou o 5 de xullo e rematou o 27 de xullo na mesma cidade de París.

Nesta edición tomaron a saída 22 equipos, formados por 9 corredores cada un, de xeito que o número de participantes total foi de 198, do cales remataron a carreira 147. Non obstante, algúns dos ciclistas que conseguiron completar o percorrido completo da proba, foron posteriormente descalificados por motivos de dopaxe, como foi o caso do gañador, Lance Armstrong. Entre o pelotón houbo tan só un representante galego, o redondelán Marcos Serrano, do equipo ONCE-Eroski, que correu co dorsal 18 e rematou a proba na 68ª posición

O Tour 2003 presentábase como un man a man entre os 3 corredores que dominaran o podio nas últimas edicións, é dicir, Lance Armstrong, Jan Ullrich e Joseba Beloki, coa presenza doutros candidatos a ocupar un posto no podio, como Alexander Vinocurov, Roberto Heras, Iban Mayo ou Gilberto Simoni, algún dos cales non estivo á altura do que se agardaba del.

A primeira semana de carreira foi intrascendente, cunha prólogo individual, varias etapas chas nas que se chegou ó sprint, e unha contrarreloxo por equipos. Co comezo da segunda semana chegaron os Alpes. Na primeira etapa de montaña gañou o escalador francés Richard Virenque, que colleu o liderato da carreira. Non obstante ese liderato só lle durou un día, pois na segunda etapa, con meta en Alpe d'Huez, o americano Lance Armstrong púxose o mailló amarelo. A terceira etapa alpina sería a que marcaría ese Tour. Nela Joseba Beloki sufriu unha grave caída cando atacaba ó líder da carreira, quedando moi ferido, e sendo levado a un hospital. O resto daquel Tour foi un man a man entre Lance Armstrong e Jan Ullrich (o alemán gañou a contrarreloxo de 47 quilómetros da 12ª etapa mentres que o americano gañou a etapa pirenaica de Luz Ardiden na 15ª etapa), chegando a París con tan só un minuto e un segundo de diferencia dun sobre o outro. Con aquela vitoria, o americano acadaba o seu quinto Tour de Francia, e igualaba no mais alto do palmarés a Jacques Anquetil, Eddy Merckx, Bernard Hinault e Miguel Indurain. Pasarían 9 anos ata que a UCI tomase a decisión de sancionar ó ciclista texano retirándolle tódalas súas vitorias, e polo tanto tamén ésta, incluidas as vitorias de etapa.

Etapas[editar | editar a fonte]

Etapa Data Percorrido Km Gañador Líder
Prólogo 5 de xullo París-París 6,5 (CRI) Flag of Australia.svg Bradley McGee Flag of Australia.svg Bradley McGee
1.ª 6 de xullo Saint Denis-Meaux 168 Italia Alessandro Petacchi Flag of Australia.svg Bradley McGee
2.ª 7 de xullo La Ferté sous Jouarre-Sedan 204,5 Flag of Australia.svg Baden Cooke Flag of Australia.svg Bradley McGee
3.ª 8 de xullo Charleville Mézières-Saint Dizier 167,5 Italia Alessandro Petacchi Francia Jean-Patrick Nazon
4.ª 9 de xullo Joinville-Saint Dizier 69 (CRE) Flag of the United States.svg US Postal Flag of Colombia.svg Víctor Hugo Peña
5.ª 10 de xullo Troyes-Nevers 196,5 Italia Alessandro Petacchi Flag of Colombia.svg Víctor Hugo Peña
6.ª 11 de xullo Nevers-Lión 230 Italia Alessandro Petacchi Flag of Colombia.svg Víctor Hugo Peña
7.ª 12 de xullo Lión-Morzine 230,5 Francia Richard Virenque Francia Richard Virenque
8.ª 13 de xullo Sallanches-Alpe d'Huez 219 España Iban Mayo Flag of the United States.svgLance Armstrong
9.ª 14 de xullo Le Bourg d'Oisans-Gap 184,5 Flag of Kazakhstan.svg Alexander Vinocurov Flag of the United States.svgLance Armstrong
10.ª 15 de xullo Gap-Marsella 219,5 Dinamarca Jakob Piil Flag of the United States.svgLance Armstrong
11.ª 17 de xullo Narbona-Tolosa 153,5 España Juan Antonio Flecha Flag of the United States.svgLance Armstrong
12.ª 18 de xullo Gaillac-Cap découverte 47 (CRI) Alemaña Jan Ullrich Flag of the United States.svgLance Armstrong
13.ª 19 de xullo Tolosa-Ax 3 Domaines 197,5 España Carlos Sastre Flag of the United States.svgLance Armstrong
14.ª 20 de xullo Saint Girons-Loudenvielle 191,5 Italia Gilberto Simoni Flag of the United States.svgLance Armstrong
15.ª 21 de xullo Bagnères-de-Bigorre-Luz Ardiden 159,5 Flag of the United States.svgLance Armstrong Sen gañador Flag of the United States.svgLance Armstrong
16ª 23 de xullo Pau-Baiona 197,5 Flag of the United States.svg Tyler Hamilton Flag of the United States.svgLance Armstrong
17.ª 24 de xullo Dax-Bordeos 181 Flag of the Netherlands.svg Servais Knaven Flag of the United States.svgLance Armstrong
18.ª 25 de xullo Bordeos-Saint Maixent-'École 203,5 España Pablo Lastras Flag of the United States.svgLance Armstrong
19.ª 26 de xullo Pornic-Nantes 49 (CRI) Flag of the United Kingdom.svg David Millar Flag of the United States.svgLance Armstrong
20.ª 27 de xullo Ville d'Avray-París 152 Francia Jean-Patrick Nazon Flag of the United States.svgLance Armstrong
  • CRI - Contrarreloxo individual. CRE - Contrarreloxo por equipos.

Clasificación xeral[editar | editar a fonte]

Así quedaron as primeiras posicións da clasificación xeral do Tour de Francia 2003 trala disputa da proba e trala descalificación de Lance Armstrong por parte da UCI en 2012.

Posición Ciclista Equipo Tempo
Jersey yellow.svg Vacante - -
Desc. Flag of the United States.svg Lance Armstrong US Postal 83h 41' 12"
2 Alemaña Jan Ullrich Bianchi + 1' 01"
3 Flag of Kazakhstan.svg Alexander Vinocurov Deutsche Telekom + 4' 14"
4 Flag of the United States.svg Tyler Hamilton CSC + 6' 17"
5 España Haimar Zubeldia Euskaltel-Euskadi + 6' 51"
6 España Iban Mayo Euskaltel-Euskadi + 7' 06"
7 Italia Ivan Basso Fassa Bortolo + 10' 12"
8 Francia Christophe Moreau Credit Agricole + 12' 28"
9 España Carlos Sastre CSC + 18' 49"
10 España Francisco Mancebo iBanesto.com + 19' 15"
68 Galicia Marcos Serrano ONCE-Eroski + 2h 07' 26"
  • Desc. - Descalificados.

Véxase tamén[editar | editar a fonte]

Outros artigos[editar | editar a fonte]

Commons
Commons ten máis contidos multimedia sobre: Tour de Francia 2003

Ligazóns externas[editar | editar a fonte]