Eddy Merckx

Eddy Merckx, 1973.

A bicicleta coa que bateu a marca da hora

Edouard Louis Joseph Merckx, coñecido como Eddy Merckx, nado o 17 de xuño de 1945 en Bélxica, foi un ciclista profesional especialmente coñecido por ter gañado o Tour de Francia cinco veces, algo no que só foi superado por Lance Armstrong. Actualmente está retirado.

Traxectoria

Merckx comezou a súa carreira de ciclista en 1961 dentro da categoría amateur. Só tres anos más tarde gañou o seu primeiro grande título: campión do mundo amateur. En 1965, fíxose profesional; a partir de aquí, o seu continuo encadeado de vitorias fíxolle gaña-lo sobrenome de O Caníbal. De feito, o seu número absoluto de vitorias ascende a 525, dentro das cales podemos contar 5 tours, 5 giros e unha Vuelta a España, unha Volta a Cataluña, unha Volta a Suíza e tres París- Niza, unha Dauphine Libere e unha Volta a Valencia, entre as voltas por etapas.

Entre as numerosas clásicas salientan os sete trunfos na Milán-San Remo, cinco Lieja-Bastogne-Lieja, tres París-Roubaix e tres Flecha Wallona. Gañou en seis ocasións a Escalada ao Montjuich. Venceu tamén nunha ocasión no Gran Premio das Nacións e tres veces no campionato do mundo. Foi record da hora en 1972 (49.431)

Merckx retirouse o 17 de maio de 1978.

Vitorias

Marcas

• Maior número de vitorias: 525.
• Percorreu 49,432 km nunha hora en pista (a marca da hora)
• Maior número de vitorias nunha temporada: 54.
• Maior número de tiradas no Tour de Francia: 34.
• Maior número de tiradas co maillot jaune: 96.
• Único corredor en gañar a clasificación xeral, por puntos e da montaña nun mesmo Tour (1969)

Palmarés

• Tour de Francia: 5 veces a clasificación xeral: 1969, 1970, 1971, 1972, 1974. 3 veces a clasificación dos puntos: 1969, 1971, 1972. 2 veces a clasificación da montaña: 1969, 1970. 5 veces a clasificación combinada. 34 vitorias en tiradas.
• Giro de Italia: 5 veces a clasificación xeral: 1968, 1970, 1972, 1973, 1974. 25 vitorias en tiradas. Unha vez a clasificación por puntos: 1973. Unha vez a clasificación da montaña. 4 veces a clasificación combinada
• Vuelta a España: 1973. Seis etapas, regularidade e combinada
• Campionato do mundo: 1967, 1971, 1974
• Numerosas clásicas e carreiras menores.