Marco Polo
| Marco Polo | |
|---|---|
 |
|
| Nacemento: | c. 1254 presumiblemente en Venecia, Italia |
| Falecemento: | 9 de xaneiro de 1324 Venecia, República de Venecia |
| Ocupación: | mercader, explorador |
| Cónxuxe(s): | Donata Badoer |
Marco Polo, nado en 1254 e finado o 9 de xaneiro de 1324[1], foi un viaxante veneciano do final da Idade Media. Xuntamente co seu pai, Nicolau Polo, e o seu tio, Maffeo, foi dos primeiros occidentais en percorrer a Ruta da Seda. O seu relato detallado das suas viaxe polo oriente, incluindo a China, foron durante moito tempo unhas das poucas fontes de información sobre a Asia no ocidente.
Índice |
Traxectoria [editar]
A primeira viaxe [editar]
Os mercadores de Venecia, coñecidos comerciantes e viaxeiros, viaxaron moito en busca de mercadorías e clientes, mais poucos chegaron tan lonxe como os Polo. Na familia Polo houbo outros exploradores ademais de Marco. O seu pai Nicolau (ou Nicolò, en veneciano) e o seu tío Mateo (ou Maffio) eran prósperos mercadores dedicados ao comercio con Oriente. Ambos partiron cara a Asia en 1255 e alcanzaron a China en 1266, chegando a Khanbaliq cerca de Pekín. Volveron da China como enviados do Kublai Khan cunha carta para o Papa na que pedía que enviase a xente ilustrada que ensinase no seu imperio, para informar os mongois sobre a súa forma de vida.
Existe una tradición que dice que a familia Polo procedía da illa de Curzola no Mar Adriático (actualmente Korcˇula, parte de Croacia). Non é seguro, pois existen probas reais a favor e en contra desta afirmación, sen rexistros definitivos que permitan discernir a verdade. A cidade de Korcˇula segue conservando unha vella casa da que se dice que naceu Marco. Sexa ou non verdade, os Polo gañaron preminencia en Venecia e son historicamente considerados venecianos.
A segunda viaxe [editar]
Mateo e Nicolau Polo partiron nunha segunda viaxe, coa resposta do Papa a Khublai Khan, en 1271. Esta vez Nicolau levou a Marco, quen axiña gañou a confianza de Khublai Khan, facéndoo o seu conselleiro. Pouco despois Marco pasou a ser o emisario do Khan. Nos seus decesete anos de servizo ao Khan, Marco Polo chegou a coñecer as vastas rexións da China e os numerosos logros da civilización chinesa, moitos dos cales eran máis avanzados que os contemporáneos europeos.
Il Milione [editar]
Ao seu regreso da China en 1295, a familia estableceuse en Venecia, onde se converteu nunha sensación e atraeron multitudes de oíntes, que a duras penas crían as suas historias sobre a afastada China.
O seu impaciente carácter levou a Marco Polo a tomar parte na batalla naval de Curzola/Korčula entre Xénova e Venecia en 1298. Foi capturado e pasou os poucos meses do seu cativerio ditando un detallado relato das súas viaxes polas descoñecidas rexións orientais. O seu libro, Il Milione ("O Millón", coñecido en galego como As viaxes de Marco Polo) foi escrito en provenzal e traducido axiña a moitas linguas europeas. O orixinal perdeuse e consérvanse varias versions, con frecuencia contraditorias, das traducións. O libro convirteuse de inmediato nun éxito. As historias do libro foron consideradas fantasiosas polos seus contemporáneos.
A veracidade da viaxe [editar]
No seu leito de morte, a súa familia pediulle a Marco que confesase o que había de mentiras nas suas historias. Marco negouse, insistindo, «Só contei a metade do que vin!».
Mentres a maioría dos historiadores cren que Marco Polo efectivamente chegou á China, recentemente algúns propoñen que non chegou tan lonxe, e que simplemente contou a información que lles ouvía a outros. Estes escépticos sinalan que, entre outras omisions, o seu relato falla ao non mencionar a escritura chinesa, os palillos, o té, a vendaxe de pés nin a Grande Muralla. Ademais, os arquivos chineses da época non o mencionan, a pesar de que afirmaba ter servido como emisario especial do Kublai Khan, o que resulta insólito, dado o coidado co que se levaban os arquivos na China naquel tempo.
Por outra parte, Marco describe outros aspectos da vida no Afastado Oriente con moito detalle: o papel moeda, o Gran Canal, a estrutura do exército mongol, os tigres e o sistema postal imperial. Tamén se refire a Xapón polo seu nome chinés, Zipang ou Cipango. Isto está considerado normalmente a primeira mención do Xapón na literatura occidental.
Impacto histórico [editar]
Aínda que os Polo non foron os primeiros europeos en chegar a China por terra, gracias ao libro de Marco a súa viaxe foi a primeira en coñecerse amplamente e a mellor documentada ata entón
A lenda conta que Marco Polo introduciu en Italia algúns productos de China, entre elos os xeados, la piñata e a pasta, especialmente os espaguetes. Porén, esta lenda está moi cuestionada. Por exemplo, hai probas de que a pasta xa se coñecía en Grecia e Italia dende a antigüidade.
O libro escrito por Marco Polo, a pesar de que moitas das súas aseveracións, se puxeron en dúbida naquela época, inspirou a moitos viaxeiros e exploradores.
Notas [editar]
- ↑ Bergreen, Laurence (2007), Marco Polo: From Venice to Xanadu, Londres: Quercus
Véxase tamén [editar]
Bibliografía [editar]
- Basil, Lubbock (2008), The Colonial Clippers, Read Books, ISBN 978-1-4437-7119-1
- Bergreen, Laurence (2007), Marco Polo: From Venice to Xanadu, London: Quercus, ISBN 978-1-84724-345-4
- Bram, Leon L.; Robert S., Phillips; Dickey, Norma H. (1983), Funk & Wagnalls New Encyclopedia, New York: Funk & Wagnalls, ISBN 978-0-8343-0051-4 (Article republished in 2006 World Almanac Books, available online from History.com)
- Brook, Timothy (2010), The Troubled Empire: China in the Yuan and Ming Dynasties, Harvard University Press, ISBN 0-674-04602-1, http://books.google.com/?id=b80ePdTYWXoC&pg=PA24&dq=Marco+Polo+Korcula#v=onepage&q=Marco%20Polo%20Korcula&f=false
- Burgan, Michael (2002), Marco Polo: Marco Polo and the silk road to China, Mankato: Compass Point Books, ISBN 978-0-7565-0180-8, http://books.google.com/?id=3aPF0rgdslUC&dq=Marco+Polo:+Marco+Polo+and+the+silk+road+to+China&printsec=frontcover&q=Korcula
- Edwards, Mike (2005), Marco Polo, Part 1, Washington, D.C.: National Geographic Society, http://ngm.nationalgeographic.com/ngm/0105/feature1/index.html
- Falchetta, Piero (2006), Fra Mauro's World Map, Turnhout: Brepols, ISBN 2-503-51726-9
- Landström, Björn (1967), Columbus: the story of Don Cristóbal Colón, Admiral of the Ocean, New York City: Macmillan
- "Marco Polo", The New Encyclopædia Britannica Macropedia, 9 (15 ed.), Encyclopædia Britannica, Inc, 2002, ISBN 978-0-85229-787-2
- "Marco Polo" (en Swedish), Nordisk familjebok (Uggleupplagan ed.), 1915, http://runeberg.org/nfca/0687.html
- McKay, John; Hill, Bennet; Buckler, John (2006), A History of Western Society (Eighth ed.), Houghton Mifflin Company, ISBN 0-618-52266-2
- Nicol, Donald M. (1992), Byzantium and Venice: a study in diplomatic and cultural relations, Cambridge University Press, ISBN 0-521-42894-7
- Marco Polo (1918), The Travels of Marco Polo, Lndres: William Marsden, http://books.google.com/?id=VovVAAAAMAAJ&printsec=frontcover#v=onepage&q&f=false, consultado o 29 de maio de 2011
- Daftary, Farhad (1994), The Assassin legends: myths of the Ismaʻilis (2 ed.), I.B. Tauris, ISBN 978-1-85043-705-5
Ligazóns externas [editar]
- Categoría en Open Directory (en inglés)
- As viaxes de Marco Polo (en inglés)
- A casa de Marko Polo en Korčula (en inglés)
- Selos de Marco Polo (en inglés)
- A Descrición do Mundo de Marco Polo, do libro de Frances Wood ¿Foi Marco Polo á China? (en inglés)
- Obras de Marco Polo no Proxecto Gutenberg (en inglés)
