Lingua bretoa

Bretón (Brezhoneg)
Falado en:	Bretaña (Francia)
Rexións:	Europa
Total de falantes:	500.000 a 1,2 millóns [1]
Familia:	Indoeuropea; Linguas célticas; Linguas britónicas; Bretón
Estatuto oficial
Lingua oficial de:	Non é oficial
Regulado por:	sen regulación oficial
Códigos de lingua
ISO 639-1:	br
ISO 639-3:	bre
SIL:	BRE

Na Galipedia, a Wikipedia en galego.

Ir a: navegación, procura

Sinais bilingües en bretóns e francés (en Kemper/Quimper)

Sinal bilingüe nunha escola con clases en bretón e francés en Roazhon/Rennes

O bretón (brezhoneg) é unha lingua celta insular de tipo britónico aparentada máis estreitamente ó galés e ó córnico. Fálase sobre todo nos territorios occidentais da Bretaña (Breizh) pero que se está a recuperar e/ou implantar en todo o territorio, mesmo naquelas zonas onde tradicionalmente non se falou ou non se ten falado dende hai varios séculos.

A lingua bretoa tamén tivo unha certa repercusión en Galicia^[1], influíndo sobre a lingua galega e propiciando a aparición dun dialecto mindoniense^[2] nos seus asentamentos, que perduraron ata o século XV no norte da actual provincia de Lugo (na comarca de Mondoñedo) e mais nalgunhas outras zonas costeiras de Galicia. Estes asentamentos de colonias bretoas foron derivados da fuxida das Illas Británicas durante a invasión anglosaxoa^{[Cómpre referencia]} cara a terras do noroeste ibérico. Así as cousas, non se conserva texto ningún redactado nunha posíbel ramificación galaica do bretón.

Índice

1 Dialectos
2 Táboa lexical comparativa
3 Notas
4 Véxase tamén
- 4.1 Outros artigos
- 4.2 Ligazóns externas

[editar] Dialectos

Dialectos do bretón

O bretón divídese en catro dialectos, sendo realmente dialecto o primeiro, pois os outros son denominación territoriais para un mesmo dialecto. Así pois temos:

o vannetés (gwenedeg), no sur
o córnico (kerneveg) (non confundir coa lingua de Cornualles), no sudoeste
o leonés, no noroeste
o tregorés, no norte

[editar] Táboa lexical comparativa

A seguinte táboa permite comparar as semellanzas lingüísticas entre o bretón, o córnico, o galó, o galego e mailo francés. Nótanse semellanzas de construción entre o bretón e máis o galó: por exemplo, as expresións para o «esquío», kazh-koad e chat-de-boéz, significan «gato de bosque» en ámbalas dúas linguas.

Córnico	Bretón	Galó	Francés	Galego
gwenenenn	gwenanenn	avètt	abeille	abella
kador	kador	chaérr	chaise	cadeira
keus	formaj	fórmaij	fromage	queixo
yn mes	er-maez	desort	dehors	fóra
koedha	kouezhañ	cheir	tomber	caer
gaver	gavr	biq	chèvre	cabra
chy	ti	ostèu	maison	casa
gweus	gweuz	lip	lèvre	beizo
ganow	genoù	góll	gueule	fociño
niver	niver	limerot	nombre	número
perenn	perenn	peirr	poire	pera
skol	skol	escoll	école	escola
gwiwer	gwiñver, kazh-koad	chat-de-boéz	écureuil	esquío
sterenn	ster(ed)enn	esteill	étoile	estrela
megy	butuniñ	betunae	fumer	fumar
hedhyw	hiziv	anoet	aujourd'hui	hoxe
whybana	c'hwibanat	sublae	siffler	asubiar