José Sánchez Martínez
| Pepe | |||
|---|---|---|---|
| Información persoal | |||
| Nome | José Sánchez Martínez | ||
| Nacemento | 2 de marzo de 2000 | ||
| Lugar de nacemento | Linares | ||
| Altura | 1,85 m. | ||
| Posición | Defensa central | ||
| Información de club | |||
| Club actual | Ibiza | ||
| Carreira xuvenil | |||
| 2012–2013 | Linares 2011 | ||
| 2013–2016 | Jaén | ||
| 2016–2019 | Granada | ||
| Carreira sénior | |||
| Anos | Equipos | Aprs | (Gls) |
| 2019–2023 | Recreativo Granada | 35 | (0) |
| 2019–2023 | Granada | 4 | (0) |
| 2023 | → Deportivo da Coruña | 7 | (1) |
| 2023– | Ibiza | 0 | (0) |
|
Partidos e goles só en liga doméstica. Club: actualizado a 15 de agosto de 2023. [ editar datos en Wikidata ] | |||
José Sánchez Martínez, coñecido como Pepe Sánchez, nado en Linares o 19 de xaneiro de 2000, é un futbolista español que xoga como defensa central no Ibiza, da Primeira División RFEF.
Traxectoria
[editar | editar a fonte]Comezou a xogar ao fútbol no Linares 2011 da súa localidade natal, pasando logo tres anos na canteira do Real Jaén e outros tres no equipo xuvenil do Granada, club no que ingresou en 2016.
Na tempada 2019/20 subiu ao Recreativo Granada, de Segunda División B, debutando na 11ª xornada ante o o Recreativo de Huelva e afianzándose inmediatamente no once titular.[1] O 17 de decembro debutou da man do adestrador galego Diego Martínez no primeiro equipo granadino, disputando completo o partido e a prórroga da primeira rolda da Copa do Rei ante o L'Hospitalet.[2]
Continuou compaxinando o filial co primeiro equipo durante as seguintes dúas campañas, nas que debutou tanto en Primeira División como na Europa League. A súa estrea na liga produciuse en Anoeta contra a Real Sociedad, tres días despois do seu primeiro encontro na competición europea, contra o Omonia en Nicosia.[3][4]
En xaneiro de 2023, despois de ter disputado só tres partidos co Granada durante a tempada, saíu cedido ao Deportivo da Coruña, de Primeira División RFEF.[5] Apenas tivo protagonismo no equipo galego, xogando só 7 partidos, nos que marcou un gol ante o Real Madrid Castilla.[6] Ao remate da cesión, o Granada anunciou o seu traspaso ao Ibiza.[7]
Notas
[editar | editar a fonte]- ↑ "Victoria del Recreativo Granada ante el Recreativo (1-2)". Sport (en castelán). 3 de novembro de 2019. Consultado o 28 de xaneiro de 2023.
- ↑ "El Granada necesita una prórroga para ganar a L’Hospitalet". As (en castelán). 17 de decembro de 2019. Consultado o 28 de xaneiro de 2023.
- ↑ "El covid se lo puso demasiado fácil a la Real Sociedad". Marca (en castelán). 8 de novembro de 2020. Consultado o 28 de xaneiro de 2023.
- ↑ G. Gil, Aimara (5 de novembro de 2020). "El Granada se sobrepone al COVID-19 y es más líder". As (en castelán). Consultado o 28 de xaneiro de 2023.
- ↑ "Pepe Sánchez, novo xogador do Dépor 22-23". 27 de xaneiro de 2023. Consultado o 28 de xaneiro de 2023.
- ↑ Zautúa, Israel (24 de xuño de 2023). "Análisis de la plantilla: 5. Retuerta y Pepe Sánchez, uno ni debutó y el otro tuvo un rol muy secundario". DxT Campeón (en castelán). Consultado o 15 de agosto de 2023.
- ↑ "Comunicado Oficial. Pepe Sánchez" (en castelán). 26 de xullo de 2023. Consultado o 15 de agosto de 2023.
| Control de autoridades |
|
|---|
