John Ngugi

Na Galipedia, a Wikipedia en galego.
John Ngugi
Nacemento10 de maio de 1962
Lugar de nacementoNyahururu
NacionalidadeKenya
Ocupaciónfondista e atleta
Na rede
IAAF: 2046 Editar o valor em Wikidata
editar datos en Wikidata ]
Cadro de medallas
Atletismo masculino
Xogos Olímpicos
Ouro Seúl 1980 5.000 m

John Ngugi (10 de maio de 1962 en Nyahururu, Kenya) é un corredor kenyano de longa distancia que foi campión olímpico dos 5.000 metros nos Xogos Olímpicos de Seúl.

Traxectoria[editar | editar a fonte]

Ngugi deuse a coñecer a mediados dos anos 80 nas probas de cross-country, especialidade na que conseguiu cinco títulos de campión do mundo, catro deles consecutivos (1986-1989 e 1992). Isto é algo que ninguén conseguira antes.

Na pista, participou nos Campionatos do Mundo de Roma de 1987 na proba de 5.000 metros. Tras gañar comodamente a súa serie clasificadora, semellaba un dos candidatos a medalla, pero acabou nunha decepcionante 12ª posición.

Nos Xogos Olímpicos de Seúl gañou a medalla de ouro nos 5.000 metros, despois de correr en solitario case toda a proba. A súa marca de 13:11,70 foi a mellor do mundo ese ano. Segundo foi o alemán occidental Dieter Baumann (13:15,52) e terceiro o alemán oriental Hansjörg Kunze (13:15,73).

Nos Xogos da Commonwealth de Auckland en 1990, Ngugi gañou a medalla de prata nos 5.000 metros, véndose superado no sprint final polp case descoñecido australiano Andrew Lloyd, que lle venceu por só oito centésimas. Esta foi a súa derradeira competición importante antes da súa retirada.

En 1993 rexeitou pasar un control antidopaxe por sorpresa, e por iso recibiu dous anos de suspensión, o que supuxo o final da súa carreira deportiva.