Gaston Reiff

Cadro de medallas
Atletismo masculino
Xogos Olímpicos

Gaston Reiff
	;
Biografía
Nacemento	24 de febreiro de 1921 ; Braine-l'Alleud, Bélxica
Morte	6 de maio de 1992 (71 anos); Braine-l'Alleud, Bélxica
Altura	173 cm
Peso	61 kg
Actividade
Ocupación	fondista, mediofondista, atleta
Nacionalidade deportiva	Bélxica
Deporte	atletismo
Participou en
19 de xullo de 1952	Xogos Olímpicos de 1952
29 de xullo de 1948	Xogos Olímpicos de 1948
Premios
	(1946) Trofeo Nacional ao Mérito Deportivo ;

Gaston Reiff, nado o 24 de febreiro de 1921 e finado o 6 de maio de 1992, foi un atleta belga, gañador da medalla de ouro na proba dos 5.000 m nos Xogos Olímpicos de Londres de 1948.

Traxectoria

Reiff naceu en Braine-l'Alleud, e competiu en boxeo e fútbol antes de se dedicar ao atletismo. A carreira que lle deu a gloria olímpica, tivo lugar nun chuvioso día de Londres, e bateu ao gañador dos 10.000 m, o checoslovaco Emil Zátopek, nos últimos metros. Con esta vitoria, converteuse no primeiro atleta belga en gañar unha medalla de ouro olímpica.

Alén de gañar nas Olimpíadas, Reiff tamén estableceu o récord mundial nos 2.000 m, 3.000 m e en 2 millas, e gañou unha medalla de bronce nos Campionatos de Europa de 1950. Gañou 24 títulos nacionais, e bateu 26 récords nacionais; en 1951 posuía tódolos récords de Bélxica nas distancias entre os 1.000 m e os 10.000 m. En 1952, non logrou repetir o ouro olímpico en Helsinqui, e tivo que abandonar na final.

Reiff morreu na súa cidade natal á idade de 71 anos. Case 10 anos despois, foi elixido o terceiro mellor atleta valón do século XX.