Rally Botafumeiro de 2019
| Rally Botafumeiro de 2019 | |
|---|---|
| Categoría | Galicia |
| Localización |  Santiago de Compostela |
| Organizador | Escudería Compostela |
| Ámbito | Rexional |
| Superficie | Asfalto |
| Tramos | 11 |
| Distancia tramos | 109,9 km |
| Gañadores | |
| Piloto campión | Víctor Senra |
| Equipo campión | Yacar Racing |
| Participantes | |
| Pilotos | 134 |
| Anterior | Rally Botafumeiro de 2018 |
| Seguinte | Rally Botafumeiro de 2020 |
O Rally Botafumeiro de 2019 foi a 27ª edición de dito rally e a sexta proba da tempada 2019 do Campionato de Galicia de Rally. Celebrouse entre o 10 e o 11 de agosto de 2019 e o vencedor foi Víctor Senra.
Itinerario[editar | editar a fonte]
Constou de once treitos, comezando o venres nos arredores do Estadio de San Lázaro con dúas pasadas a un tramo espectáculo, e disputándose o resto de treitos o sábado, por Souto de Vea (A Estrada), Vedra e Aríns, con tres pasadas a cada un deles.[1][2]
Inscritos[editar | editar a fonte]
Inscribíronse 134 equipos, destacando as presenzas do líder do campionato, Víctor Senra, e dos seus dous máximos rivais polo título, Alberto Meira e Iago Caamaño,[3][4] así como outros pilotos de renome como Luis Vilariño, Luis Penido ou o campión do mundo de tríatlon Iván Raña.
Resumo[editar | editar a fonte]
Iago Caamaño comezou liderando o venres nas dúas pasadas ao treito espectáculo de San Lázaro, pero xa no primeiro tramo do sábado Víctor Senra subiu ao primeiro posto da clasificación, que xa non abandonaría até o final da proba.[5] Marcou o mellor tempo en seis dos nove treitos do sábado para rematar con máis de 35 segundos de vantaxe sobre Caamaño, segundo, e case dous minutos sobre o terceiro, o portugués Ricardo Costa.[6] Alberto Meira tivo que retirarse por problemas co embrague. Foi a sétima vitoria de Senra neste rally (a sexta consecutiva) e quedou a un paso do seu terceiro título autonómico, ao dobrar en puntos ao segundo.[5]
Clasificación[editar | editar a fonte]
Notas[editar | editar a fonte]
- ↑ "Tramos, horarios, onboards y lista inscritos Rali Botafumeiro 2019". Pé Á Chapa Racing (en castelán). Consultado o 25 de febreiro de 2020.
- ↑ "Más de 130 pilotos participarán en la XXVII edición del Rally Botafumeiro" (en castelán). 9 de agosto de 2019. Arquivado dende o orixinal o 25 de febreiro de 2020. Consultado o 25 de febreiro de 2020.
- ↑ "Víctor Senra, rival a batir en el XXVII Rali Botafumeiro" (en castelán). 9 de agosto de 2019. Consultado o 25 de febreiro de 2020.
- ↑ "Senra, Meira y Caamaño, favoritos en el Botafumeiro". La Voz de Galicia (en castelán). 7 de agosto de 2019. Consultado o 25 de febreiro de 2020.
- ↑ 5,0 5,1 "Víctor Senra gana el Rali Botafumeiro". La Voz de Galicia (en castelán). 10 de agosto de 2019. Consultado o 25 de febreiro de 2020.
- ↑ "Clasificación final Botafumeiro 2019" (PDF). TemposFGA. Arquivado dende o orixinal (PDF) o 25 de febreiro de 2020. Consultado o 25 de febreiro de 2020.
Véxase tamén[editar | editar a fonte]
Ligazóns externas[editar | editar a fonte]
- Clasificación completa do rally Arquivado 25 de febreiro de 2020 en Wayback Machine.
- Rally Botafumeiro 2019 en ewrc.com (en inglés).
| Predecesor: Rally Sur do Condado |
Campionato de Galicia de Rally Tempada 2019 |
Sucesor: Rally Ourense-Ribeira Sacra |