Serra Morena

Serra Morena

Tipo	cordilleira
Situado na entidade xeográfica	Península Ibérica
Localizado na área protexida	Sierra Pelada y Rivera del Aserrador (en) , Parque Natural da Serra de Aracena e Picos de Aroche (pt) , Parque natural da Serra Norte de Sevilha (pt) , Parque Natural da Serra de Hornachuelos, Parque Natural da Serra de Cardeña e Montoro, Serra de Andúxar, Despeñaperros e La Cimbarra (en)
Localización
División administrativa	Provincia de Badaxoz, España, Provincia de Xaén, España, Provincia de Sevilla, España, Córdoba, España, provincia de Cidade Real, España e Provincia de Huelva, España
38°18′N 5°24′O
Comparte fronteira con	Meseta Central, norte Depresión do Guadalquivir, sur
Características
Altitude	1.324 m
Dimensións	75 () × 400 () km
Punto máis alto	Sierra Madrona (en)  (1.332 m )
Material ou ingrediente	granito

Serra Madrona, parte de Serra Morena.

Serra Morena é un cordal que constitúe o reborde meridional da Meseta Central da Península Ibérica.

Características

A súa aparición produciuse na Era Terciaria, como froito do movemento da oroxenese alpina, cando a presión da placa africana afectou o zócolo do macizo hespérico e os sedimentos depositados nas súas beiras. De xeito que máis que dun pregamento pódese falar dunha combinación de flexión e falla, con presenza de materiais duros e antigos, xunto con outros máis plásticos e novos. De feito, máis semella unha grande enfesta que un cordal, pois actúa como chanzo de descenso desde a Meseta até a depresión do río Guadalquivir, que a flanquea polo Sur.

Esténdese uns 400 km polo norte de Andalucía e en dirección leste-oeste, incluíndo en si varias serras: Serra Madrona, a Serra de Aracena, Serra de Hornachuelos etc.

Presenta unha gran riqueza mineira, explotada desde tempos prehistóricos, ademais do aproveitamento forestal, cinexético e gandeiro. Na actualidade boa parte da súa superficie está protexida pola declaración de varios destas paraxes ou Parques Naturais, como son: Despeñaperros, a Serra de Andújar (Xaén), a Serra de Cardeña-Montoro, o Parque Natural da Serra de Hornachuelos, Serra Norte de Sevilla, e a Serra de Aracena (Huelva).O seu monte máis alto é a Bañuela, 1.330 msnm, en Serra Madrona.

Identifícase co Saltus Castulonensis dos romanos.