De Havilland Comet

Na Galipedia, a Wikipedia en galego.
de Havilland Comet
BEA de Havilland DH-106 Comet 4B Berlin.jpg
Tipo pasaxeiros
Fabricante de Havilland
Primeiro voo 27 de xullo de 1949
Introducido 2 de maio de 1952
Retirado 14 de marzo de 1997
Estado retirado
Construídos 114
Variantes Hawker Siddeley Nimrod

O de Havilland DH 106 Comet foi o primeiro reactor comercial de pasaxeiros do mundo en ser producido. Desenvolvido e fabricado por de Havilland na súa sede de Hatfield, Hertfordshire, no Reino Unido, realizou o seu priemiro voo en 1949 e foi un hito no deseño aeronautico. Conta cunhas liñas aerodinámicas etremadamente limapas, cos seus catro motores de Havilland Ghost encerrados nas ás, unha cabina presurizada bastante silenciosa, e grandes fiestras; para a época era un deseño extremadamente cómodo para os pasaxeiros e mostrou sinais de ser un gran éxito no seu primeiro ano despois do lanzamento.

Porén, poucos anos despois de entrar en servizo, as fuselaxes do Comet comezaron a sufrir unha catastrófica fatiga do metal que, en combinación cos ciclos de presurización da cabina, causou dous accidentes onde o avión se partiu en pleno voo. O Comet tivo que ser retirado e amplamente probado para descubrir a causa; o primeiro accidente inicialmente pensouse que o provocara un incendio a bordo. O Comet foi redeseñado para eliminar os seus defectos, mentres que os fabricantes rivais desenvolveron os seus propios modelos axudados polas leccións aprendidas do Comet.

Aínda que as vendas nunca se recuperaron totalmente, o redeseñada serie Comet 4 tivo unha longa e produtiva carreira de 30 anos. O Comet foi adaptado para varios roles militares, como vixiancia, transporte VIP, médico ou de pasaxeiros. A súa modificación máis importante foi para especializarse na patrulla marítima, aparecendo así a súa variante Hawker Siddeley Nimrod. Os Nimrods estiveron en servizo coa Royal Air Force ata o seu retiro en xuño do ano 2011, máis de 60 anos despois do primeiro voo do Comet.