Cambridge University Press

Na Galipedia, a Wikipedia en galego.
Logotipo primitivo da Cambridge University Press.

Cambridge University Press (CUP; en galego: "Imprenta da Universidade de Cambridge") é unha editorial universitaria inglesa que recibiu a súa carta real do rei Henrique VIII no ano 1534 e é unha das dúas privileged presses, xunto coa Oxford University Press.[1]

Historia[editar | editar a fonte]

Publicou o seu primeiro libro no ano 1584, o que a converte na editora máis antiga do mundo[2]. O perfil das obras que publica e o educativo e académico e, ademais, é a encargada da impresión dos documentos oficiais da Universidade de Cambridge. Entre os autores que publicaron na Cambridge University Press destacan John Milton, William Harvey, Isaac Newton, Brian J. Ford e Stephen Hawking.

Edificio principal da CUP en Cambridge

Na actualidade é unha entidade de ámbito internacional, con oficinas en América, Reino Unido, Europa, Oriente Medio, África, Asia e o Pacífico. Ten as súas oficinas centrais en Cambridge, e centros de almacenaxe en Nova York, Melbourne, Madrid, Cidade do Cabo, São Paulo e Singapur, con oficinas e axencias noutros países.[3]

Notas[editar | editar a fonte]

  1. "History of the Press". En Cambridge.org. (En inglés)
  2. "Oldest printing and publishing house". En Guinnessworldrecords.com. (En inglés)
  3. "A Brief History of Cambridge University Press". En Cambridge.org. (En inglés)

Véxase tamén[editar | editar a fonte]

Bibliografía[editar | editar a fonte]

Ligazóns externas[editar | editar a fonte]