Colombo

Na Galipedia, a Wikipedia en galego.
Colombo
Situación xeográfica
Ceylan-map.png
País Flag of Sri Lanka.svg Sri Lanka
Rexión
Provincia Provincia Oeste
Distrito Distrito de Colombo
Xeografía
Altitude msnm
Superficie 37´31 km²
Poboación
Poboación 642.163 hab. (2001)
Densidade 17.211 hab/km²
Información
Código postal
Alcalde
Páxina web www.cmc.lk
Vista de Colombo e o lago Beira

Colombo é a principal cidade de Sri Lanka con 642.163 habitantes (2001) e máis de 2 millóns na área metropolitana. Está situada na costa suroccidental do país, e, durante, seiscentos anos foi unha das capitais do país. En 1977 a capitalidade foi transferida para a próxima Sri Jayawardenapura-Kotte, mais Colombo segue a ser o centro económico do estado.

Xeografía[editar | editar a fonte]

O espazo da cidade é unha mestura de terra e auga, pois posúe numerosos canais e, no mesmo corazón do casco urbano, conta co lago Beira de 65 ha de superfice, que constitúe un dos lugares emblemáticos da localidade. O norte e nordeste da cidade están bordeados polo río Kelani, que desauga no mar no barrio denominado Modera ( Mōdara en singalés), que significa "delta de río"

O clima de Colombo é de temperaturas relativamente moderadas: 31º C entre marzo e abril e 22º C nos meses invernais. A maior alteración ocorre durante as estacións do monzón, entre maio e agosto, e entre outubro e xaneiro, nos que se poden esperar fortes chuvias. A media anual de precipitacións é de 2.400 mm.

Nome[editar | editar a fonte]

O nome Colombo foi introducido polos portugueses en 1505. Semella derivado do termo singalés clásico kolon thota, que significa "porto sobre o río Kelani". Outra teoría supón que deriva da expresión singalesa kola-amba-thota, que significa "porto con árbores frondosas de mango".

Economía[editar | editar a fonte]

Colombo é un dos portos máis activos do Océano Índico, atravé do cal transita boa parte dos produtos de exportación da illa: , caucho, aceite de coco, copra e pedras preciosas.

Posúe industrias de trasformación (manufacturas de tabaco, fabricas téxtiles , etc) e un complexo siderúrxico.

Historia[editar | editar a fonte]

Colombo foi xa coñecida polos mercaderes romanos, chineses e árabes hai centos de anos. Foi durante séculos un porto frecuentado polos navegantes árabes, pois acabaron por ocupala desde o século VIII, e controlaban desde a cidade o tráfico para o interior da illa. No XVI os portugueses botaron da cidade os musulmáns, levantando unha fortaleza para protexer o tráfico de especias.

Os holandeses conquistárona en 1656, logo dun épico asedio, ao término do cal os portugueses sobreviventes recibiron un salvoconduto. Colombo foi entón a capital dos territorios marítimos da Compañía Holandesa das Indias Orientais até 1796.

Os británicos fixéronse con ela e convertérona na capital da nova colonia de Ceilán. Sri Lanka obtivo a independencia pacificamente en 1948, e Colombo tornouse a capital do novo estado.

As distintas ocupacións estranxeiras tiveron un enorme impacto na cultura local, ben visíbeis na arquitectura da cidade.

Galería de imaxes[editar | editar a fonte]