Asunción

Na Galipedia, a Wikipedia en galego.
Modelo:Xeografía políticaAsunción
Nuestra Señora Santa María de la Asunción (es) Editar o valor em Wikidata
Vista nocturna
Vista aérea
Fotomontaxe
Imaxe

Nomeado en referencia aAsunción de María Editar o valor em Wikidata
Localización
Mapa
 25°18′00″S 57°38′00″O / -25.3, -57.6333Coordenadas: 25°18′00″S 57°38′00″O / -25.3, -57.6333
EstadoParaguai
Distrito capitalDistrito Capital (pt) Traducir Editar o valor em Wikidata
Capital de
Poboación
Poboación477.346 (2022) Editar o valor em Wikidata (4.079,88 hab./km²)
Lingua usadaMaká (en) Traducir Editar o valor em Wikidata
Xeografía
Superficie117 km² Editar o valor em Wikidata
Bañado porRío Paraguai Editar o valor em Wikidata
Altitude43 m Editar o valor em Wikidata
Datos históricos
Creación1537 Editar o valor em Wikidata
Evento clave
15 de agosto de 1537Foundation of the city of Asunción (en) Traducir Editar o valor em Wikidata
Organización política
Órgano executivoCabinet of Asuncion (en) Traducir Editar o valor em Wikidata
Órgano lexislativoMunicipal Board of Asuncion (en) Traducir Circunscrición: 0, (Escano: 24) Editar o valor em Wikidata
Identificador descritivo
Código postal1001–1925 Editar o valor em Wikidata
Prefixo telefónico021 Editar o valor em Wikidata
ISO 3166-2PY-ASU Editar o valor em Wikidata
Outro
Irmandado con

Sitio webasuncion.gov.py Editar o valor em Wikidata
Instagram: muniasu Editar o valor em Wikidata

Asunción (en guaraní: Paraguay) é a capital de Paraguai. Centro industrial e cultural do país, é o seu principal porto, con industrias de calzados, téxtiles e de tabacos. A poboación era de 501.000 habitantes en 1992. En 2006 alcanzaba 515.662 habitantes. A súa área metropolitana, denominada Gran Asunción inclúe os concellos de San Lorenzo, Lambaré, Fernando de la Mora, Luque, Mariano Roque Alonso, Ñemby, Villa Elisa e San Antonio, cunha cifra estimada próxima a 1.700.000 habitantes.

Asunción é unha das cidades máis antigas de América do Sur. O sitio foi descuberto por Juan de Ayolas, mais a cidade, nomeada inicialmente Nuestra Señora de la Asunción, foi fundada o 15 de agosto de 1537 por Juan de Salazar e Gonzalo de Mendoza. En 1731 unha insurrección encabezada par José de Antequera y Castro constituíuse nunha das primeiras rebelións contra os colonos españois. Logo da Guerra da Tripla Alianza (1865-1870) Asunción foi ocupada polas tropas brasileiras até 1876.

Xeografía[editar | editar a fonte]

Asunción está asentada na beira esquerda do río Paraguai, na denominada baía de Asunción. Ao noroeste limita co concello de Mariano Roque Alonso, ao leste con Luque e Fernando de la Mora e ao sur con Lambaré e Ñemby.

O terreo é ondulado. A maior altura atínxese no Cerro Lambaré, no barrio de Santa Ana, nos lindes coa localidade de Lambaré. O Cerro Lambaré foi incluído no territorio de Asunción en 1965. Hai outras alturas no casco urbano, denominadas lomas ou colinas das que destacan:

O río Paraguai recibe varios regatos que atravesan Asunción e que evacúan con rapidez. Os principais ramais deses regatos denomínanse Mburicaó, Cará Cará, Jaén, Mburicá, Salamanca, Zanja Morotí, San Vicente e Leandro.

Os excedentes de augas forman lagoas, que constitúen augas estancadas. Causan certo risco para a saúde da poboación, ao convertérense en criadeiros de insectos, como o Aedes Aegypti, que pode causar dengue, e o mosquito anófele.

Clima[editar | editar a fonte]

Climograma de Asunción

O clima é de tipo subtropical, con moi pequenas variacións das temperaturas ao longo do ano. A temperatura media anual é de 24,3 °C e as precipitacións medias anuais atinxen os 1.420 mm. Outubro é o mes máis chuvioso e setembro o máis seco.

Vida urbana[editar | editar a fonte]

O corazón da cidade, relativamente próximo ao río, é a "Plaza de los Héroes" xunto coa rúa "Calle Independencia", que trazada de norte a sur corta as vías que se cruzan en sentido leste-oeste. Todas as rúas do centro teñen circulación de sentido único.

De leste a oeste transcorren as rúas "Calle Palma/Mariscal Estigarribia", "Estrella/25 de Mayo" e "Oliva/Cerro Corá". Desde hai cen anos están instalados aquí os mellores negocios, tendas, bancos e oficinas de troco de moeda. A primeira delas, a "Calle Palma", nos sábados é unha rúa de vivaz paseo en que se celebran concertos gratuítos.

Edificios de interese[editar | editar a fonte]

  • Panteón de los Héroes e Oratorio de la Virgen de la Asunción (rúa Palma / rúa Chile): construído en 1863 e rematado en 1936, cun trazado do arquitecto italiano Ravizza.
  • Estación Central do Ferrocarril (Eligio Ayala / Mexico), datada en 1861.
  • Catedral Metropolitana (Independencia Nacional / Coronel Bogado): comezada no século XVII, aínda que a maior parte da edificación é do XIX.
Catedral de Asunción
  • Palacio de Gobierno (rúa El Paraguayo Independiente, entre Ayolas e O'Leary).
  • Cabildo (Avenida República / Alberdi): foi concibido como casa do concello. Actualmente acolle o Museo da Cidade.
  • Casa de la Independencia (14 de Mayo / Presidente Franco): un dos edificios máis antigos de Asunción. Aquí comezou o movemento de independencia de Paraguai contra España o 14 de maio de 1811.
  • Casa Viola e Casa Castelví (Ayolas / Paraguayo Independiente): construídas a finais do século XVIII, son os edificios máis antigos da cidade en pé. Hoxe a Casa Viola acolle o centro cultural "Manzana de la Rivera", no que se celebran conferencias, representación teatrais e concertos. Tamén a biblioteca municipal está situada aquí.
  • Iglesia de la Encarnación (entre as rúas Alberdi e 14 de Mayo): en 1863 sufriu un incendio e foi reconstruída.
  • Iglesia de la Trinidad (Santísimo Sacramento / Santísima Trinidad).

Notas[editar | editar a fonte]

Véxase tamén[editar | editar a fonte]