Air France

Na Galipedia, a Wikipedia en galego.
Air France
Air France Logo.svg
IATA
AF
OACI
AFR
Indicativo
AIRFRANS
Fundación 7 de outubro de 1933
Plan de voo frecuente Flying Blue
Alianza SkyTeam
Subsidiarias HOP!, CityJet, Transavia.com France
Frota 253
Destinos 272
Holding Air France-KLM
Eslogan da compañía Faire du ciel le plus bel endroit de la terre
Sede
Páxina web: http://www.airfrance.com
Dous Boeing 747 de Air France

Air France (AFR, Compagnie Nationale Air France) é a aeroliña nacional francesa. Ten a súa sede en Tremblay-en-France, ao norte de París, e trátase dunha das aeroliñas máis grandes do mundo. No ano 2010 voaba a 32 destinos en Francia e a 156 de todo o mundo en 91 países distintos, transportando a 71,3 millóns de pasaxeiros. Air France conta con máis de 64.000 empregados. É un dos membros fundadores da alianza de aeroliñas SkyTeam Alliance, xunto a Aeroflot, Delta Air Lines, Aeroméxico, Korean Air, Czech Airlines e Alitalia. No ano 2004, Air France situouse como a primeira aeroliña europea, cun 18% de todos os pasaxeiros europeos.

Historia[editar | editar a fonte]

Air France foi fundada o 30 de agosto de 1933, produto da fusión de Air Orient, Compagnie Générale Aéropostale, Société Générale de Transport Aérien (SGTA, a primeira aeroliña francesa, fundada en 1919 como Lignes Aériennes Farman), Air Union e CIDNA (Compagnie Internationale de Navigation). A aeroliña tiña numerosas rutas por toda Europa, aínda que tamén voaba ás colonias francesas no norte de África e a outros destinos. Durante a Segunda Guerra Mundial a compañía moveu o seu centro de operacióna a Casablanca (Marrocos).

A aeroliña foi nacionalizada no ano 1946, creando a Compagnie Nationale Air France nun acto parlamentario o día 16 de xuño de 1948. O goberno quedou co 70% da nova compañía e en anos posteriores, directa ou indirectamente, chegou a posuir case o seu 100%; a mediados de 2002 aínda posuía un 54%. O 4 de agosto de 1948, Max Hymans foi nomerado presidente de Air France. Durante os seus trece anos na presidencia puxo en funcionamento unha política de modernización baseada en reactores, máis concretamente no Sud Aviation Caravelle e o Boeing 707.

O 1 de xullo de 1946 Air France inaugurou un servizo directo entre París e Nova York, con reabastecementos en Shannon e Gander. Os Douglas DC-4 cubrían esta ruta en pouco menos de 20 horas. Cara 1948 Air France operaba unha das maiores frotas no mundo, posuíndo unhas 130 aeronaves.

En 1949 a compañía participou na fundación da SITA (Société Internationale de Télécommunications Aéronautiques). A aeroliña usou o de Havilland Comet por un curto período de tempo en 1953, pero foi rapidamente substituído polo Vickers Viscount e, en 1959, comezou a usar o elegante Sud Aviation Caravelle.

En 1976 Air France introduciu na súa frota o avión supersónico Concorde nun traxecto dende París ata Nova York e outras rutas que foron abandonadas en 1982. O Concorde foi un dos dous únicos avións de pasaxeiros comercial supersónico. Percorría a distancia entre París e Nova York en tan só tres horas e 20 minutos.

O 25 de xullo de 2000 o voo 4590 de Air France, un Concorde con destino ao Aeroporto Internacional John F. Kennedy de Nova York estrelouse matando a todos os seus ocupantes e a catro persoas que estaban en terra.

O 31 de maio de 2003 Air France e British Airways retiraron todos os Concorde simultaneamente da circulación debido á escasa demanda como resultado do desastre do ano 2000. Moitos destes avións depositáronse en museos.

O 30 de setembro de 2003, Air France e a compañía neerlandesa KLM Royal Dutch Airlines, anunciaron a fusión de ambas as aeroliñas, formando unha nova compañía chamada Air France-KLM. A unión faríase realidade o 5 de maio do 2004. Os donos de Air France pasaron a ter o 81% da nova compañía, deixando o 19% restante aos donos de KLM. Isto levou a que o goberno francés reducise a súa participación na compañía dun 54.4% a un 44%. A decisión do goberno de Jean-Pierre Raffarin de reducir a súa participación na compañía provatizou efectivamente á aeroliña. En decembro do 2004 o estado vendería o 18,4% das súas acción, e porteriormente a súa participación reduciríase máis ata caer por debaixo do 20%[1].

Air France-KLM converteuse na aeroliña do mundo con máis ingresos por operacións, e a terceira máis grande (a primeira de Europa) en pasaxeiros por quilómetro.

Frota[editar | editar a fonte]

En xuño do ano 2012 a frota de Air France estaba composta por 259 avións (máis 3 pedidos), cunha antigüidade media de 9,7 anos[2].

Frota de Air France
Avión Total Pasaxeiros
Airbus A318-100 18 131
Airbus A319-100 44 138
Airbus A320-200 62 165
Airbus A321-100 5
Airbus A321-200 20 200
Airbus A330-200 15 208
Airbus A340-300 13 275
Airbus A380-800 8 (3 pedidos) 516
Boeing 747-400 10 436
Boeing 777-200 27 247-309
Boeing 777-300 37 300-472

Notas[editar | editar a fonte]

  1. "Directory: World Airlines". Flight International: pp. 56–57. 27 de marzo de 2007.
  2. http://www.planespotters.net/Airline/Air-France

Ligazóns externas[editar | editar a fonte]

Páxina de Air France en varios idiomas

Commons
Commons ten máis contidos multimedia na categoría: Air France