Aerolíneas Argentinas
| Aerolíneas Argentinas | ||
|---|---|---|
 |
||
| IATA AR |
OACI ARG |
Indicativo ARGENTINA |
| Fundación | 14 de maio de 1949 | |
| Inicio das operacións | 7 de decembro de 1950 | |
| Aeroporto principal | Aeroparque Jorge Newbery | |
| Plan de voo frecuente | Aerolíneas Plus | |
| Alianza | SkyTeam  |
|
| Frota | 55 | |
| Destinos | 58 | |
| Eslogan da compañía | Alta en el cielo | |
| Sede | Buenos Aires | |
| Páxina web: http://www.aerolineas.com.ar | ||
Aerolíneas Argentinas S.A. é a aeroliña máis grande da Arxentina é actúa como a aeroliña nacional dese país. Na súa maioría é propiedade do goberno arxentino e ten a súa sede na Torre Bouchard, localizada en San Nicolás, Buenos Aires. A aeroliña fundouse en 1949 tras a fusión de catro compañías e comezou a operar en decembro de 1950. Un consorcio liderado por Iberia tomou o control da aeroliña en 1990 e o Grupo Marsans mercouna, xunto coas subsidiarias, en 2001, tras un período de graves dificultades económicas que estiveron a piques de pechar a compañía. Dende finais de 2008 Aerolíneas Argentinas pertende ao goberno arxentino.
Aerolíneas Argentinas Cargo, a aeroliña rexional Austral Líneas Aéreas, a compañía de servizos aeroportuarios Aerohandling, a división de carga JetPaq S.A. e o operador turístico Optar S.A. son subsidiarias de Aerolíneas Argentinas.
A aeroliña e as súas subsidiarias operan dende dous centros de actividade, localizados en Buenos Aires. Os voos domésticos concéntranse no Aeroparque Jorge Newbery, e os servizos internacionais lévanse a cabo dende o Aeroporto Internacional Ministro Pistarini, aínda que tamén se realizan dende aí algúns servizos rexionais. A compañía proporciona transporte gratuíto aos pasaxeiros que teñen que cambiar dun aeroporto ao outro.
Frota[editar | editar a fonte]
En setembro de 2016 a frota de Aeroliñas Argentinas estaba composta polas seguintes aeronaves.
| Avión | En servizo | Pedidos | Pasaxeiros | Notas | ||
|---|---|---|---|---|---|---|
| C | Y | Total | ||||
| Airbus A330-200 | 8 | 1 | 24 | 248 | 272 | |
| Airbus A340-300 | 7 | — | 32 | 252 | 284 | Serán retirados cara 2018 |
| Boeing 737-700 | 16 | — | 8 | 120 | 128 | Serán retirados cara 2018 |
| Boeing 737-800 | 23 | 9 | 8 | 162 | 170 | |
| Boeing 737 MAX 8 | 0 | 11 | TBA | As entregas comezarán en 2017 | ||
| Total | 53 | 21 | ||||
 |
Wikimedia Commons ten máis contidos multimedia na categoría: Aerolíneas Argentinas |
|
