Centaurus

Na Galipedia, a Wikipedia en galego.
Centaurus
Centaurus
Nome latino Centaurus
Abreviatura Cen
Xenitivo Centauri
Simboloxía O Centauro
Ascensión recta 13 h
Declinación −50°
Área 1060 graos cadrados

Rango 9º

Número de estrelas

(magnitude < 3)

10
Estrela máis brillante Alpha Centauri (α Cen)

(magnitude ap. −0.01)

Choiva de meteoros
Constelacións

lindeiras

Visible en latitudes entre +30° e −90°

Mellor visibilidade ás 21:00 (9 p.m.) durante o mes de Maio

Centaurus, ou Centauro,[1] é unha extensa constelación que se atopa ó norte de Crux e no extremo norte da Vía Láctea. Rodea a Cruz do Sur formando unha das máis ricas e fermosas constelacións do ceo.

Características notables[editar | editar a fonte]

En Centaurus atópase Proxima Centauri, a estrela coñecida máis próxima ó Sol, situada a 4,22 anos luz de distancia. É unha anana vermella moito menos luminosa có Sol e unha estrela fulgurante. Alpha Centauri, a cuarta estrela máis brillante do firmamento nocturno, é unha estrela binaria coa que Proxima Centauri parece estar gravitacionalmente ligada, formando un sistema estelar triplo. β Centauri, chamada Hadar ou Agena, é outra estrela na constelación de primeira magnitude.

Estrelas principais[editar | editar a fonte]

Obxectos Notables do espazo profundo[editar | editar a fonte]

Mitoloxía[editar | editar a fonte]

A constelación de Centaurus e Crux.

Crono, tentou seduci-la súa sobriña, a ninfa Fílira. Ela, para escapar do seu acoso, transformouse en egua, pero Crono, astutamente, converteuse en cabalo e uniuse a ela. Desta unión naceu Quirón, con corpo e patas de cabalo pero torso e brazos de home.

Quirón foi abandonado polos seus pais e viviu no monte Pelión. Educou a grandes heroes coma Aquiles, Asclepio e Xasón. Foi ferido accidentalmente por Heracles cunha das súas frechas envelenadas co sangue da Hidra. Quirón, ó ser inmortal, non morreu pero tampouco podía sandar, ata que intercambiou con Prometeo a inmortalidade. Noutra versión, porén, a frecha que feriu accidentalmente a Quirón produciulle directamente a morte e Zeus colocouno entre as constelacións.

Notas[editar | editar a fonte]

  1. Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Consultado o 12 de outubro de 2016. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]