Lyra

Na Galipedia, a Wikipedia en galego.
Lyra
Lyra
Nome latino Lira
Abreviatura Lyr
Xenitivo Lyrae
Simboloxía a Lira
Ascensión recta 19 h
Declinación 40°
Área 286 graos cadrados

Rango 52º

Número de estrelas

(magnitude < 3)

1
Estrela máis brillante Vega (α Lyrae)

(magnitude ap. 0.03)

Choiva de meteoros
Constelacións

lindeiras

Visible en latitudes entre +90° e −40°

Mellor visibilidade ás 21:00 (9 p.m.) durante o mes de Agosto

Lyra é unha constelación pequena pero facilmente identificable pola súa estrela Vega que é o vértice do denominado "triángulo de verán" (as outras dúas estrelas son Deneb, na constelación Cisne e Altair, na Aguia).

Mitoloxía[editar | editar a fonte]

Cygnus e Lyra.

Segundo a mitoloxía grega, tratase da lira das Musas, que foi inventada por Hermes, este deulla a Apolo, quen lla cedeu ó músico Orfeo, fillo da musa Calíope, para que deleitase á humanidade coa súa música. Cando Orfeo morreu a mans das bacantes de Tracia, a súa lira foi colocada por Zeus entre as constelacións.

Obxectos Notables do espazo profundo[editar | editar a fonte]

Cabe destacar M57, unha das nebulosas planetarias mellor estudadas cunha magnitude total de 8.8, chamada tamén nebulosa do anel de Lyra estimase que ten entre 6.000 e 8.000 anos de idade; o cúmulo globular M56 a unha distancia de 32.900 anos luz e un diámetro de 85 anos luz; así coma NGC 6791, un cúmulo aberto rico que conta con aproximadamente 300 estrelas. Tamén menciona-los casos das estrelas variables RR Lyrae e Beta Lyrae, que teñen dado nome a dous tipos de variables distintas: a primeira de período corto e a segunda de tipo 'eclípsante'.

Estrelas principais[editar | editar a fonte]

  • α Lyr (Vega): unha brillante estrela azulada situada a uns 27 anos luz da Terra de magnitude 0,03 que pode verse no cénit durante as noites de verán, é a quinta estrela en brillo do firmamento e a segunda do hemisferio norte (despois de Arcturus); a súa clase espectral é A0 V e fica a unha distancia de tan só 25,3 anos luz.
  • β Lyr (Sheliak): un grupo de binarias eclípsantes que ademais dan nome a este tipo de estrela variable, as variables Beta Lyrae (3.45m, pertence a clase espectral B8 II) .
  • γ Lyr (Sulafat): a estrela principal deste sistema estelar múltiple é de magnitude 3,24e clase espectral B9 III.
  • En torno á estrela Delta2 Lyrae existe un pequeno e novo cúmulo de estrelas dispersas, Stephenson 1 [1], formado por uns 240 astros de diversos tipos espectrais e cores entre magnitudes 8 e 14; Delta2 é tamén unha estrela variable vermella (espectro M4 II) de pequena amplitude. En febreiro do 2008 investigadores españois (do Observatorio Astronómico de Cáceres) descubriron que unha das súas estrelas, BD +36 3317[2], é un sistema binario eclípsante cun período de 4,30216 días.
  • ε Lyr: coñecida coma a estrela cuádrupla, ou tamén chamada "a Dobre Dobre" por que cada unha das súas compoñentes máis brillantes están moi pechadas sobre sí (moi próximas ás súas respectivas compañeiras).
  • ζ Lyr, é unha estrela dobre fácil de ver cuns prismáticos, está formada por un astro de magnitude 4,3 e outro de magnitude 5,7 separados por una distancia de 44".
  • RR Lyr, é unha estrela variable que da nome a este grupo de astros púlsantes de corto período (Estrelas RR Lyrae).
  • Kuiper 90 tamén coñecida coma 17 Lyrae C (Gliese 747AB), é unha anana vermella preto de 17 Lyrae, está a 26 anos luz da Terra, o seu período de de 5 anos e ten unha magnitude de 11,26 na banda V .

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia sobre: Lyra
As 88 constelacións modernas
Andrómeda · Antlia · Apus · Aquarius · Aquila · Ara · Aries · Auriga · Boötes · Caelum · Camelopardalis · Cáncer · Canes Venatici · Canis Major · Canis Minor · Capricornus · Carina · Cassiopeia · Centaurus · Cepheus · Cetus · Chamaeleon · Circinus · Columba · Coma Berenices · Corona Australis · Corona Borealis · Corvus · Crater · Crux · Cygnus · Delphinus · Dorado · Draco · Equuleus · Eridanus · Fornax · Gemini · Grus · Hércules · Horologium · Hydra · Hydrus · Indus · Lacerta · Leo Minor · Leo · Lepus · Libra · Lupus · Lynx · Lyra · Mensa · Microscopium · Monoceros · Musca · Norma · Octans · Ophiuchus · Orión · Pavo · Pegasus · Perseus · Phoenix · Pictor · Pisces · Piscis Austrinus · Puppis · Pyxis · Reticulum · Sagitta · Sagittarius · Scorpius · Sculptor · Scutum · Serpens · Sextans · Taurus · Telescopium · Triangulum Australe · Triangulum · Tucana · Ursa Major · Ursa Minor · Vela · Virgo · Volans · Vulpecula