Calírroe (lúa)
 | |
| Descubrimento[1] | |
|---|---|
| Descuberta polo | proxecto Spacewatch |
| Descuberta dende o | Observatorio Kitt Peak[2] |
| Descuberta no | Out-Nov de 1999 |
| Designacións alternativas e temporais |
Xúpiter XVII |
| Características orbitais [4] | |
| Eixo semi-maior | 24 103 000 km |
| Excentricidade | 0,2829 |
| Período orbital | 758,77 d (2,1 a) |
| Inclinación | 147,167° |
| Anomalía media | 152,818 |
| Lonxitude do nodo ascendente | 89,00° |
| Argumento do perihelio | 30,477° |
| Satélite de | Xúpiter |
| Características físicas | |
| Radio medio | ~8,6 km[5] |
| Albedo | 0,04 (asumido) |
| Magnitude aparente | 20,7 |
Calírroe (ou en grego Καλλιρρόη), tamén coñecida coma Xúpiter XVII, é unha lúa irregular retrógrada de Xúpiter. Foi descuberta a través do proxecto Spacewatch residente no Observatorio Kitt Peak, entre os días 6 de outubro ó 4 de novembro do ano 1999,[2] e orixinariamente fora designada coma un asteroide, o asteroide 1999 UX18.[3][6] Tim Spahr descubriu que en realidade orbitaba Xúpiter o 18 de xullo do ano 2000 e a lúa recibiu a designación provisional de S/1999 J 1.[1][7] O cal confirmaba a esta lúa coma a décimo sétima lúa de Xúpiter.[2]
Calírroe ten uns 8,6 quilómetros de diámetro,[5] e orbita Xúpiter a unha distancia media de 24,1 millóns de kms, tarda 758 días en completar unha órbita, ten unha inclinación de 141° con respecto á eclíptica (140° respecto do ecuador de Xúpiter), e posúe unha excentricidade orbital de 0,28. Calírroe ten unha magnitude aparente de 20.7,[5] o que a fai un pouco menos brillante có planeta anano Eris que ten unha magnitude 18,7.[8] Xúpiter é 2,5 millóns de veces máis brillante cá Calírroe.[9] Esta lúa pertence ó grupo de satélites Pasífae, un grupo de lúas retrógradas irregulares que orbitan ó redor de Xúpiter a unha distancia media de entre 22,8 a 24,1 millóns de kms, con inclinacións de entre 144,5° e 158,3°.
Recibiu oficialmente o seu nome en outubro do ano 2002, Calírroe na mitoloxía grega era filla do deus Aqueloo, deidade do río do mesmo nome, Calírroe tamén foi unha das moitas conquistas de Zeus (Xúpiter).[10]
Coma exercicio de navegación, a sonda New Horizons tomou imaxes da lúa o 10 de xaneiro do 2007.[11]
Notas[editar | editar a fonte]
- ↑ 1,0 1,1 1,2 1,3 Brian G. Marsden (20-07-2000). UAI, ed. "IAUC 7460: S/1999 J 1". Arquivado dende o orixinal o 26-04-2006. Consultado o 03-11-2010.
- ↑ 2,0 2,1 2,2 Minor Planet Center (ed.). "New Outer Satellite of Jupiter Discovered". Consultado o 23-07-2009.
- ↑ 3,0 3,1 SpaceFlight Now (University of Arizona News Release) (ed.). "New moon of Jupiter found". Consultado o 23-07-2009.
- ↑ Jacobson, R.A. (2006) JUP261 (03-04-2009). JPL/NASA, ed. "Planetary Satellite Mean Orbital Parameters". Consultado o 23-07-2009.
- ↑ 5,0 5,1 5,2 JPL (Solar System Dynamics), ed. (03-04-2008). "Planetary Satellite Physical Parameters". Consultado o 23-07-2008.
- ↑ MPS 7418 (Minor Planet Circulars Supplement); non dispoñible en liña
- ↑ MPEC 2000-Y16: S/1975 J 1 = S/2000 J 1, S/1999 J 1 19-12-2000 (descubrimento e efemérides)
- ↑ Department of Mathematics, University of Pisa, Italy (ed.). "AstDys (136199) Eris Ephemerides". Arquivado dende o orixinal o 04-06-2011. Consultado o 16-03-2009.
- ↑ (raíz a quinta de 100)^(20,7-(-2,8))=2,51 millóns
- ↑ IAUC 7998: Satellites of Jupiter 2002 October 22 (bautizando a lúa)
- ↑ "Copia arquivada". Arquivado dende o orixinal o 06 de marzo de 2007. Consultado o 06 de marzo de 2007.
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- 17th Moon of Jupiter Discovered Arquivado 18 de outubro de 2019 en Wayback Machine.
- Spacewatch S/1999 J 1
- Spacewatch discovery picture
