Aoede (lúa)

Na Galipedia, a Wikipedia en galego.

Aoede (ou en grego Αοιδή), coñecida tamén coma Xúpiter XLI, é unha lúa irregular retrógrada de Xúpiter. Foi descuberta por un grupo de astrónomos da Universidade de Hawaii encabezado por Scott S. Sheppard no ano 2003, e recibiu a designación temporal S/2003 J 7.[1][2]

Aoede ten uns 4 quilómetros de diámetro, e orbita Xúpiter a unha distancia media de 23,044 millóns de kms, tarda 714,657 días en completar unha órbita, ten unha inclinación de 160° con respecto á eclíptica (162° respecto do ecuador de Xúpiter), e posúe unha excentricidade orbital de 0,4311. Esta lúa pertence ó grupo de satélites Pasifae, un grupo de lúas retrógradas irregulares que orbitan ó redor de Xúpiter a unha distancia media de entre 22,8 a 24,1 millóns de kms, con inclinacións de entre 144,5° e 158,3°.

Recibiu oficialmente o seu nome en marzo do ano 2005, Aoede na mitoloxía grega era unha das tres Musas orixinais. Aoede era a musa das cancións e era filla de Zeus (Xúpiter) e Mnemosine.[3]

Notas[editar | editar a fonte]

  1. "Satellites of Jupiter". IAUC (en inglés) (8087). 04 de marzo de 2003. 
  2. MPEC 2003-E11: S/2003 J 1, 2003 J 2, 2003 J 3, 2003 J 4, 2003 J 5, 2003 J 6, 2003 J 7 4 de marzo do 2003 (descubrimento e efemérides)
  3. "Satellites of Jupiter". IAUC (en inglés) (8502). 30 de marzo de 2005. (bautizando a lúa)

Véxase tamén[editar | editar a fonte]

Outros artigos[editar | editar a fonte]