Brandon Jennings

Na Galipedia, a Wikipedia en galego.
Brandon Jennings
Brandon Jennings vs Wizards 2014.jpg
Detroit Pistons – No. 7
Escolta
Información persoal
Nacemento 23 de setembro de 1989 (24 anos)
Flag of California.svg Compton, California
Nacionalidade Flag of the United States.svg Estados Unidos
Altura 1,85 m (6 ft 1 in)
Peso 77 kg (169 lb)
Información da carreira
Pre-draft club Lottomatica Roma
NBA Draft 2009 / Rolda: 1 / Elección: 10

Escollido por Milwaukee Bucks

Carreira dende 2008
Historial de equipos
Lottomatica Roma (2008–2009) (LEGA)
Milwaukee Bucks (2009–2013)
Detroit Pistons (2013–presente)
Información en nba.com

Brandon Jennings, nado o 23 de setembro de 1989 en Compton, California, é un xogador profesional de baloncesto estadounidense que pertence ao cadro de xogadores dos Detroit Pistons da National Basketball Association (NBA). Con 1,85 metros de alzada, xoga na posición de base.

É curmán do xogador do PBC Lokomotiv Kuban, Marcus Williams.[1] Despois de graduarse na Academia Oak Hill decidiu xogar profesionalmente ao baloncesto en Italia en lugar de xogar na liga universitaria coa Universidade de Arizona.

Traxectoria deportiva[editar | editar a fonte]

Liga italiana[editar | editar a fonte]

Tras formar parte en 2008 no prestixioso McDonald's All American Team,[2] ademais de conseguir na súa época de instituto case tódolos premios posibles a nivel individual, cunhas medias de 35,5 puntos e 6,8 asistencias por partido,[3] renunciou a senllos compromisos que tiña coas universidades de USC e Arizona por problemas de alcanzar o nivel académico, decidindo irse a xogar unha tempada á Lottomatica Roma da liga italiana.[4]

En Roma xogou 27 partidos de liga, nos que fixo 5,5 puntos e 2,3 asistencias, ademais de 2,1 roubos de balón, único aspecto no cal apareceu nos rankings da liga entre os 20 mellores.[5] O seu mellor rexistro anotador conseguiuno na Euroliga, nun partido ante Unicaja de Málaga, no que anotou 17 puntos.[3]

Polémica con Ricky Rubio[editar | editar a fonte]

En xuño de 2009, Jennings fixo unhas polémicas declaracións nas que deixaba en mal lugar ao base español Ricky Rubio, comparándoo con el mesmo:

É todo publicidade, xogou os Xogos Olímpicos, é profesional desde os 14 anos... todo iso lévache a pensar que é correcto que estea aquí. Cando xoguei con el, as súas estatísticas foron cero puntos, dúas asistencias e dous balóns perdidos, como pode ser iso?. Creo que son mellor xogador que el, tiro mellor, as únicas veces que lle vin facer algo bo é un pase de béisbol ou algo así[6]

Poucos días despois, tras darse conta da magnitude das súas palabras, pediu perdón publicamente a través do seu Twitter:

Creo que me pasei. Equivoqueime dicindo que el é todo propaganda, non é xusto. Equivoqueime. Fóra da pista, Ricky Rubio é un gran tipo. Nunca quixen faltarlle ao respecto. De todos os xeitos penso que son o mellor xogador do draft e debo ser número 1.

NBA[editar | editar a fonte]

Foi elixido na décima posición do Draft da NBA de 2009 por Milwaukee Bucks.[7] O 15 de novembro de 2009, converteuse no xogador máis novo da historia en anotar máis de 50 puntos no mesmo partido (55 puntos ante os Golden State Warriors)

O 31 de xullo de 2013, Jennings foi traspasado ós Detroit Pistons mediante un sign-and-trade, a cambio do base Brandon Knight, o aleiro Khris Middleton e o pivote Viacheslav Kravtsov.[8]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]