Henk Norel

Henk Norel

Información persoal
Nacemento	17 de setembro de 1987 (36 anos) Gorinchem, Países Baixos
Altura	2,12 m (6 ft 11 in)
Peso oficial	104 kg (230 lb)
Posición	Pivote
Información da carreira
NBA Draft	2009 / Rolda: 2 / Elección: 47 Por Minnesota Timberwolves
Internacional	79 veces
Carreira	desde 2005
Historial de equipos
Joventut Badalona (2005–2006) ACB Prat (2005−2007) EBA / LEB Prata Lucentum Alicante (2007–2008) LEB Oro Joventut Badalona (2008−2012) ACB Zaragoza (2012–2017) ACB Gipuzkoa Basket (2017–2018) ACB Breogán (2018–2019) ACB Heroes Den Bosch (2019–2020) DBL

Henk Norel, nado o 17 de setembro de 1987 en Gorinchem (Holanda Meridional) é un ex xogador profesional de baloncesto internacional neerlandés que xogaba na posición de pivote. En 2009 foi escollido na segunda rolda do Draft da NBA polos Minnesota Timberwolves. Na temporada 2017−18 foi o xogador coa maior estatística de valoración da Liga ACB, así como elixido no mellor quinteto da competición.

Traxectoria

Nado en Gorinchem (Holanda Meridional), Norel formouse durante os seus primeiros anos no SV Argon, situado na localidade de Mijdrecht (Utrecht). Con dezaseis anos, na temporada 2004−05, xoga para o equipo júnior dos Demon Astronauts, un club profesional da capital do país, Ámsterdam. Ao ano seguinte asina polo Joventut Badalona da Liga ACB, sendo cedido nas seguintes temporadas ao CB Prat (Liga EBA e LEB Prata) e ao Lucentum Alicante (LEB Ouro). A pesar das cesións, consegue xogar algún encontro na máxima categoría do baloncesto español. No ano 2009, xa de volta no Joventut, preséntase ao Draft da NBA, onde é escollido no posto 47 polos Minnesota Timberwolves, sendo o sétimo xogador neerlandés en conseguilo.

Xa na temporada 2008−09 Norel consegue entrar rotación de xogadores do Joventut para a ACB e a Euroliga. A súa primeira grande actuación son os 24 puntos (con 9 de 10 en tiros de 2 puntos) e 5 rebotes contra o Murcia na xornada 17. Na temporada 2009−10 aumenta a súa participación no equipo, xogando unha media de 13 minutos por encontro, con 6 puntos e 2 rebotes por partido. Ese ano tamén debuta na Copa do Rei. Na temporada 2011−12 aumentas as súas prestacións até os 7 puntos e 5 rebotes por partido en 16 minutos de media.

Tras acabar a temporada asina un contrato por tres anos co CAI Zaragoza, outro equipo da ACB. Na súa primeira temporada consegue mellorar de xeito considerábel os seus números, chegando a facer unha media de 13 puntos e 6 rebotes por partido, facendo en múltiples ocasións un dobre-dobre. De feito, a súa valoración media foi de 13,3 por partido, a quinta máis alta da Liga ACB. Con todo, unha lesión no xeonllo en maio de 2013 lévao a non xogar de novo até xaneiro de 2014. Tras a súa ecuperación fai unha media de 9 puntos e 6 rebotes por encontro até o final de temporada. Seguría facendo uns números semellantes até a súa marcha do club o 26 de xuño de 2016.

Despois de cinco temporadas en Zaragoza, o 4 de agosto de 2017 Norel asina contrato co RETAbet.es GBC. No primeiro mes de competición recibe o Premio ao Mellor Xogador da ACB do mes, facendo actuacións como 24 puntos e 11 rebotes ante o Herbalife Gran Canaria, 25 puntos e 12 rebotes ante o Real Betis Energía Plus ou 21 puntos e 4 rebotes ante o Saski Baskonia. Aínda que acabou a temporada cunha lesión, fixo finalmente unha media de 14 puntos e 7 rebotes, cunha valoración media de 19, o que o levou a ser o xogador máis valorado da competición. Foi tamén incluído no quinteto ideal da liga. Tras acabara temporada, o 26 de xullo de 2018 o Cafés Candelas Breogán anuncia a súa fichaxe polas seguintes tres temporadas tras pagar a súa cláusula de rescisión.

O 3 de agosto de 2020, Norel anunciou a súa retirada do baloncesto profesional con 32 anos.

Clubs

• Joventut Badalona (ACB, 2005–2006)
• Prat (EBA / LEB Prata, 2005−2007)
• Lucentum Alicante (LEB Oro, 2007–2008)
• Joventut Badalona (ACB, 2008−2012)
• CAI Zaragoza (ACB, 2012–2017)
• Delteco GBC (ACB, 2017–2018)
• Cafés Candelas Breogán (ACB, 2018–2019)
• Heroes Den Bosch (DBL, 2019–2020)

Internacional

Norel representou en competicións internacionis á selección absoluta dos Países Baixos. Tras xogar o Eurobasket de 2017, o 17 de maio de 2018 anunciou a súa retirada do equipo nacional para centrarse na súa carreira en clubs, xa que declarou que precisaba de tempo de recuperacións para seguir rendindo ao máximo nivel. Nun total de 11 anos, Norel disputou 79 partidos como internacional.

Véxase tamén

Ligazóns externas

• Perfil en acb.com (en castelán)
• Perfil en feb.es (en castelán)