Club América

Club América
Nome	Club América
Alcume(s)	Águilas
Fundación	12 de outubro de 1916
Estadio	Estadio Azteca, México DF
Inauguración	29 de maio de 1966
Capacidade	105.064
Presidente	Ricardo Peláez
Adestrador	Miguel Herrera
Liga	Primeira División
Apertura 2011	17º
Vestimenta	Nike
Patrocinador	Coca-Cola, AT&T
Páxina web	Páxina web
Na casa Fóra Terceira

O Club América é unha entidade deportiva de México cuxo equipo profesional de fútbol compite na Primeira División de México. Fundado o 12 de outubro de 1916 en Cidade de México, é un dos 2 únicos equipos que nunca descendeu de categoría no campionato ligueiro mexicano dende a creación deste torneo en 1943. Segundo varias enquisas levadas a cabo en México, o Club América é o club de fútbol mais popular do país.

Palmarés

Os mellores anos do club foron os transcorridos entre 1983 e 1992, unha década na cal o club gañou 5 ligas mexicanas e 3 ligas de campións entre outros títulos.

Títulos nacionais

Con 10 títulos de liga, o América é o 2º equipo máis laureado do campionato, e está a un só título do CD Guadalajara, que ten 11. Con 10 tamén está o Cruz Azul.

• Primeira División de México (10) = 1965-66, 1970-71, 1975-76, 1983-84, 1984-85, PRODE 1985, 1987-88, 1988-89, Verán 2002, Clausura 2005
• Copa de México (6) = 1937-38, 1953-54, 1954-55, 1963-64, 1964-65, 1973-74
• Campión de Campións (5) = 1954-55, 1975-76, 1987-88, 1988-1989, 2005

Títulos continentais

Os 5 títulos continentais do América na máxima competición fan deste equipo o máis laureado de Norteamérica.

• Liga de Campións da Concacaf (5) = 1977, 1987, 1990, 1992, 2006
• Copa Xigantes da Concacaf (1) = 2001
• Copa Interamericana (2) = 1978, 1991

Estadio

O Club América xoga os seus encontros como local no Estadio Azteca de Cidade de México dende 1966. O recinto é propiedade da empresa de telecomunicacións Grupo Televisa, igual que o club. Cunha capacidade para 105.064 seareiros, é o estadio mais grande de América, e o 3º mais grande do mundo. Nel xogáronse a finais dos mundiais de fútbol de 1970 e 1986, así como o encontro de 1970 alcumado O partido do século que enfrontou a Alemaña e a Italia nas semifinais do mundial e que rematou cun 4-3 na prórroga, ou como o encontro de 1986 entre Inglaterra e Arxentina no cal Maradona marcou o chamado gol do século e a chamada man de Deus; entre outros moitos eventos, como a final olímpica de fútbol de 1968.

Xogadores

Actualizado a 5 de xaneiro de 2018.

Nº Posto País Xogador 1 PO Agustín Marchesín 2 DF Carlos Vargas 4 DF Edson Álvarez 5 CE Guido Rodríguez 6 DF Emanuel Aguilera 7 CE William da Silva 8 CE Mateus Uribe 9 DI Silvio Romero 10 CE Cecilio Domínguez 11 DI Andrés Ibargüen 13 PO Luis Pineda 14 CE Joe Corona (cedido polo Tijuana) 15 CE Pedro Arce 16 DF Emilio Orrantía (cedido polo Santos Laguna)

Nº Posto País Xogador 17 DI Ricardo Marín 18 DF Bruno Valdez 19 DI Alejandro Díaz 20 DI Jeremy Menez 21 DI Henry Martín 22 DF Paul Aguilar 24 DI Oribe Peralta (capitán) 25 CE Cristian Paredes 27 PO Óscar Jiménez 30 CE Renato Ibarra 31 DI Darwin Quintero 32 DF Enrique Cedillo 34 CE Diego Lainez

Ó longo da historia do club, pasaron polas súas ringleiras xogadores como Hugo Sánchez, Carlos Hermosillo, Djalminha, Claudio López, Cuauhtémoc Blanco, Vavá ou Iván Zamorano.

Véxase tamén

Outros artigos

• Primeira División de México
• Liga de Campións da Concacaf

Ligazóns externas

• Páxina oficial do Club América (en castelán)