O detective Conan

Na Galipedia, a wikipedia en galego.

O detective Conan
名探偵コナン (Meitantei Conan)
Xénero	Misterio, Aventuras, Romance
Formato de imaxe	4:3
Duración	25 minutos por episodio
Creador(es)	Gosho Aoyama
Produtor(es) executivo(s)	Tokyo Movie Shinsha (TMS)
Distribuidor(es)	Arait Multimedia (Televisión) e SAV (DVD)
Intérpretes	Animación
País de orixe	Xapón
Emisión orixinal	Yomiuri TV
Tempo de emisión	8 de xuño de 1996 – ? de ? de 20??
Número de episodios	300 (ata o 24 de marzo de 2008)
Web oficial
IMDb profile

O detective Conan (名探偵コナン, Meitantei Conan) é unha serie de Gosho Aoyama que aínda non está rematada nin en manga nin en anime e que alcanzou un éxito notable dentro e fóra do Xapón.

O anime está producido por TMS Entertainment e rolda xa os 500 episodios. En Galicia, dende o 10 de abril do 2006, podemos disfrutar del na Televisión de Galicia, no contedor xuvenil Xabarín Club. Ademais, conta con 11 películas (está xa confirmada a 12) e aínda se emite todos os luns no Xapón ás 19:30 en Yomiuri TV.

No Xapón, o manga aínda se publica semanalmente todos os mércores no Shonen Sunday, dende 1994, superando xa a cantidade de 600 capítulos. Ata o 5 de abril de 2007 saíron 57 tomos. Planeta DeAgostini encárgase da súa publicación no noso país, facéndoo unicamente na lingua castelá (e catalán soamente en Cataluña). Actualmente encóntrase dividido en dúas coleccións, Volume 1 e Volume 2 de 13 tomos e máis de 50 tomos respectivamente. A colección Volume 2 estase a publicar e sufriu xa diversas ampliacións tralo número inicial. Dado o éxito a colección Volume 1 reeditouse novamente hai pouco.

O 2 de outubro de 2006 foi lanzada a primeira saga de "O detective Conan" con actores reais, titulada "O detective Conan Drama". O segundo drama foi estreado o 7 de decembro de 2007.

Índice 1 Argumento 2 Personaxes 2.1 Principais 2.2 Secundarios 2.3 Axentes da policía 2.4 Axentes do FBI 2.5 A Organización dos Homes de Negro 2.6 Mundo Kaito 3 Os aparellos do profesor Agasa 4 O veleno da organización 5 A procedencia dos nomes 5.1 Personaxes 5.2 Lugares 6 Curiosidades 7 Lista de episodios 8 A música de Conan 8.1 Inicio 8.2 Final 9 Dobraxe ó galego 10 Películas 11 Animacións de vídeo orixinal (OVAs) 12 Detective Conan Drama 13 Notas 14 Véxase tamén 14.1 Outros artigos 14.2 Ligazóns externas

[editar] Argumento

▪"Chámome Shinichi Kudo. Aínda vou ó instituto pero xa teño resoltos unha chea de delitos. O último caso, un homicidio na montaña rusa, resolvino con facilidade, pero os de unha organización ilegal déronme un veleno e agora estou nun apuro. Ran, que vai ser de min!"

Así comeza o argumento central desta fascinante historia, na que Shinichi Kudo, un detective de instituto, é encollido por mor dunha droga experimental que lle dá unha organización formada por uns misteriosos Homes de Negro o ser descuberto por estes individuos mentres os estaba a espreitar no momento no que realizaban un sospeitoso intercambio. Os desapiadados Homes de Negro, Gin e Vodka, confiando en que o veleno acabaría por matar a Shinichi, déixano agonizando na escuridade da noite pero, lonxe de morrer, Shinichi convértese nun rapaz de 7 anos.

▪"Chámome Conan Edogawa, antes Shinichi Kudo. Alumno de instituto ó que lle deron un bebedizo que o encolleu. Sería perigoso que a organización soubera que sómo-la mesma persoa. O único que o sabe é o doutor Agasa. Baixo unha identidade falsa Conan demóstrao unha vez máis. Verdade non hai máis ca unha!"

Desorientado e sen saber moi ben que facer, Shinichi vai buscar axuda á casa do seu veciño e amigo, o profesor Agasa. Sorprendido polos efectos secundarios desa estraña droga experimental, Agasa aconséllalle que oculte a súa verdadeira identidade para que as persoas que lle rodean non corran perigo. Así, preséntase ante Ran, a súa mellor amiga, como Conan Edogawa (Conan, saído de Arthur Conan Doyle e Edogawa, de Rampo Edogawa).

▪"Por moi difícil que resulte, non hai caso que se me resista. A verdade sempre sae á luz. Podo parecer un cativo, pero teño o caletre dun adulto. Son, o detective Conan!"

Malia que Shinichi Kudo é encollido e transformado nun neno, a intelixencia que lle dera sona non mingua. Conan vaise a vivir á casa de Ran e o seu pai, Kogoro Mouri, para a través del (xa que o señor Mouri é detective), poder dar co paradoiro dos Homes de Negro. Mentres espera con inquietude a aparición de calquera pista que lle conduza ata a Organización dos Homes de Negro, Conan non poderá evitar resolver unha morea de delitos e asasinatos que se van producindo a esgalla, ó seu arredor. En varias ocasións estivo a piques de obter algunha información relevante sobre a organización coma o lugar onde parece ser que se reunían os Homes de Negro (O Bar Cocktail, que finalmente estoupou por mor dunha bomba que puxeron os propios Homes de Negro para borrar as súas pegadas), ou a información da composición da droga (APTX4869, incluída nun disquete que acaba nas mans do inspector Yokomizo como proba dun asasinato).

[editar] Personaxes

[editar] Principais

• Shinichi Kudo

▪"Non hai dúbida ningunha, o asasino é esa persoa."

▪"Agora caio. Máis claro auga!"

Shinichi é o protagonista desta historia. É un rapaz de 17 anos que ten engaiolada á policía de Toquio, pois coa súa idade xa ten resoltos unha chea de casos e resulta de grande axuda á policía nos máis complicados de resolver. O deporte que máis lle gusta é o fútbol e o seu personaxe literario favorito é Sherlock Holmes. Os seus pais son Yusaku Kudo, un sobranceiro escritor de novelas de misterio e Yukiko Kudo, unha famosa actriz. A súa mellor amiga dende que eran nenos é Ran Mouri da que está namorado.

Primeira aparición: "O detective máis célebre deste século"; episodio 1.

• Conan Edogawa

▪"Cache!"

▪"Señor Mouri, mire aquí unha cousiña..."

É Shinichi encollido por mor da droga experimental dos Homes de Negro. Coa aparencia dun cativo segue a resolver os casos máis complicados aínda que moitas das veces todo o creto lévao o señor Mouri. O profesor Agasa fabrícalle unha morea de aparellos coma os tenis de forza, a paxariña imitadora de voces, o reloxo de dardos narcóticos ou os lentes radar.

Primeira aparición: "O detective máis célebre deste século"; episodio 1.

• Ran Mouri

▪"Conan, onde vas?!"

▪"Por favor, papá!"

É a amiga da infancia de Shinichi, do que está namorada. Vai o mesmo instituto ca el e é a capitana do equipo de karate, ten bastante caracter pero é moi boa persoa. Os seus pais son Kogoro Mouri, un detective de pouca monta e Eri Kisaki, unha prestixiosa avogada. Ran non sabe que Conan é Shinichi, aínda que o sospeita nalgúns capítulos ao longo da historia. A súa mellor amiga é Sonoko Suzuki.

Primeira aparición: "O detective máis célebre deste século"; episodio 1.

• Kogoro Mouri

▪"Xa estamos nela..."

▪"Non te metas nas cousas dos maiores, lercha!"

Hai anos fora policía e traballara en moitos casos a carón do inspector Megure. Agora o pai de Ran traballa coma detective privado na súa Axencia de Detectives Mouri. Pouco a pouco vai gañando sona en todas partes grazas a Conan, xa que é este quen resolve os casos durmindo a Kogoro co seu reloxo de dardos e imitando a súa voz coa paxariña. Así é como empeza a ser coñecido polo seu novo alcume: Kogoro Dormente. A Kogoro non lle cae moi ben Shinichi porque pensa que ameaza a súa reputación coma detective sobranceiro.

Primeira aparición: "O detective máis célebre deste século"; episodio 1.

[editar] Secundarios

• Hiroshi Agasa

▪"Ollo co que fas, Shinichi, non te metas en leas!"

É o veciño e amigo de Shinichi. Ten 52 anos e é un científico ó que todo lle sae mal, pero de cando en vez fai algo de xeito e dállo a Conan para axudarlle nos seus casos. É, ademais, o primeiro en coñecer a verdadeira identidade de Conan. Gústanlle moito os nenos e por iso non dubida en levar sempre de excursión os nenos da Asociación de Detectives Xuvenís. Ó final acaba acollendo de bo grao na súa casa a Ai Haibara.

Primeira aparición: "O detective máis célebre deste século"; episodio 1.

• Genta Kojima

▪"Eu quero anguías á prancha!"

É un neno amigo de Conan e que forma parte da Asociación de Detectives Xuvenís. É o máis mangallón do grupo e zóscalle a todo aquel que lle leva a contra a Ayumi. Gústalle papar a todas horas e onde sexa, e devece sempre por un prato de anguías á prancha.

Primeira aparición: "O detective máis célebre deste século"; episodio 1.

• Ayumi Yoshida

▪"Conan, teño medo!"

É unha nena amiga de Conan e que tamén forma parte da Asociación de Detectives Xuvenís. Doce e moi amigable, Ayumi está namorada de Conan.

Primeira aparición: "O detective máis célebre deste século"; episodio 1.

• Mitsuhiko Tsuburaya

▪"Non hai dereito, Conan, sempre andas a nos oculta-las probas do caso!"

Tamén é membro da Asociación de Detectives Xuvenís e amigo de Conan. Intenta ter sempre un razoamento científico.

Primeira aparición: "O detective máis célebre deste século"; episodio 1.

• Sonoko Suzuki

▪"Nunca pillo un bo mozo, filla."

É a mellor amiga de Ran e compañeira de instituto. Pertence a unha familia adiñeirada. Sempre anda á procura dalgún mozo co que saír.

Primeira aparición: "Asasinato no día de San Valentín"; episodio 6.

• Heiji Hattori

▪"Vai todo ben con Ran, Shinichi?"

Se ben Shinichi é o detective xuvenil máis coñecido en Toquio, Heiji é o detective xuvenil máis coñecido en Osaka. A rivalidade que nun primeiro intre xorde entre os dous detectives vaise convertendo co paso do tempo nunha verdadeira amizade. Heiji ten 17 anos e descubriu a verdadeira identidade de Conan a partir das súas deduccións. É un bo loitador de kendo. Os seus pais son Heizo Hattori, comisario xefe da policía de Osaka e Shizuka Hattori.

Primeira aparición: "O diplomático asasinado"; episodios 49 e 50.

• Kazuha Toyama

▪"Así que ti es a famosa Kudo da que Heiji está tan namorado..." (di isto no especial 1H: "Os asasinatos en serie de Osaka"; episodios 124 e 125).

É a mellor amiga de Heiji desde que eran cativos. O seu pai traballa con Heizo na comisaría de Osaka.

Primeira aparición: "Os asasinatos en serie de Osaka" (Especial 1H); episodios 124 e 125.

• Yusaku Kudo

É o pai de Shinichi e actualmente reside en Os Ánxeles. Sabe que Conan é Shinichi. Yusaku é un célebre escritor de novelas de misterio, famoso pola súa obra "O Misterioso Barón Nocturno". É bastante infantil e sempre que pode gástalle (coa axuda de Yukiko) unha broma de mal gusto ó pobre de Shinichi.

Primeira aparición: "O rapto de Conan Edogawa"; episodio 44.

• Yukiko Kudo

É a nai de Shinichi e actualmente reside en Os Ánxeles. Sabe que Conan é Shinichi. Yukiko é unha famosa actriz que deixou a súa carreira no mundo do espectáculo ó casar, cando tiña 20 anos. É bastante infantil e sempre que pode gástalle (coa axuda de Yusaku) unha broma de mal gusto ó pobre de Shinichi.

Primeira aparición: "O rapto de Conan Edogawa"; episodio 44.

• Eri Kisaki

▪"Vai ser mellor que lle pida o divorcio a Kogoro."

É a nai de Ran e muller de Kogoro Mouri de quen se quere separar. Traballa como avogada no Bufete de Avogados Kisaki e é coñecida como A Raíña, por ser moi boa na súa profesión.

Primeira aparición: "Asasinato nunha cafetería"; episodio 33.

• Tomoaki Araide

É o médico que se encarga de facer as revisións ós estudantes no instituto Teitan. Ran parece levarse moi ben con el, cousa que en ocasións esperta un certo desacougo en Shinichi. O seu pai, que tamén era médico, morreu asasinado, electrocutado na bañeira da súa casa.

Primeira aparición: "Cegado na escuridade"; episodios 181 e 182.

• Yoko Okino

É unha famosa actriz e cantante. Ten como primeiro admirador a Kogoro Mouri.

Primeira aparición: "Moito ollo cos famosos"; episodio 3.

• Makoto Kyougoku

É o mozo de Sonoko. É karateka e aparece moi pouco na historia.

Primeira aparición: "O azaroso verán de Sonoko"; episodios 163 e 164.

• Azusa Enomoto

É a camareira do bar, chamado Poirot, que está embaixo da Axencia de Detectives Mouri.

Primeira aparición: "Unha deducción demasiado magnífica"; episodio 222.

• Midori Megure

É a muller do Inspector Megure. Coñecéronse traballando xuntos nun caso no que un tipo atropelaba a raparigas de instituto. Os dous acabaron feridos, pero finalmente todo rematou ben e acabaron casando.

Primeira aparición: "O segredo do inspector Megure"; episodios 233 e 234.

• Shizuka Hattori

É a muller do comisario Heizo e nai de Heiji Hattori. É unha esperta das artes marciais.

Primeira aparición: "Unha clienta mentireira"; episodios 239 e 240.

[editar] Axentes da policía

• Juuzou Megure

▪"Está vostede seguro do que di, señor Mouri?!"

▪"Ah!, xa volveu adoptar a pose para nos expoñer as conclusións!"

É o inspector xefe da policía da xefatura de Toquio. Encóntrase a miúdo con Kogoro e Conan e soe ir acompañado polo axente Takagi. É un home corpulento e ten un carácter autoritario. En ocasións moléstalle ver que Kogoro estea involucrado en tantos asasinatos e acaba por crer que o señor Mouri é gafe. Ten unha cicatriz na testa e por iso leva sempre o sombreiro posto.

Primeira aparición: "O detective máis célebre deste século"; episodio 1.

• Wataru Takagi

▪"Mande, inspector Megure!"

Inocente e despistado, Takagi é inspector da policía de Toquio e acompaña normalmente a Megure. Está namorado de Sato.

Primeira aparición: "Caso do asasinato da actriz teatral"; episodio 69.

• Miwako Sato

Inspectora da policía de Toquio esperta en artes marciais. Admira ó inspector Megure coma se fose un verdadeiro pai para ela, xa que o seu morreu sendo ela unha cativa.

Primeira aparición: "Ameaza de asasinato indiscriminado no estadio"; episodios 140 e 141.

• Ninzaburo Shiratori

▪"Axente Takagi, compórtase vostede dun xeito moi raro."

Recentemente ascendido a inspector xefe, a forma de ser deste policía é un tanto engreída xa que non admite nunca que Conan ten certa capacidade para encauzar os casos. Está namorado de Sato.

Primeira aparición: "Historia de amor entre detectives"; episodio 156 e 157.

• Sango Yokomizo

▪"Señor Mouri, que ben que estea vostede aquí!"

Ó comezo fora o inspector xefe da prefectura de Saitama. Tempo despois é destinado a prefectura de Shizuoka para ocupar ese mesmo posto nesa comisaría. Yokomizo admira moito o señor Mouri e a súa faceta de Kogoro Dormente.

Primeira aparición: "Asasinato durante a festa"; episodio 9.

• Yumi Miyamoto

Axente de tráfico da policía de Toquio. En moitas ocasións axuda a Takagi a conquistar a Sato.

Primeira aparición: "Historia de amor entre detectives"; episodios 156 e 157.

• Axente Chiba

Policía de Toquio que ás veces axuda a resolver algún caso.

Primeira aparición: "Reencontro cos homes de negro"; episodios 190, 191 e 192.

• Axente Tome

Xefe da policía científica encargado de encontrar indicios e pegadas que poidan aclarar a autoría dos asasinatos.

Primeira aparición: "O misterio de Jinnai, o Deus da Morte"; episodio 76.

• Heizo Hattori

É comisario xefe da policía de Osaka. O seu fillo é Heiji Hattori e a súa muller, Shizuka Hattori.

Primeira aparición: "Misteriosos asasinatos nunha familia importante"; episodios 80 e 81.

• Inspector Yamamura

Oficial novato da policía da prefectura de Gunma. É un entusiasta do seu traballo pero a súa forma de levar as pescudas é bastante inxenua e inepta. Admira a Kogoro Mouri.

Primeira aparición: "O detective acantoado" (Especial 2H); episodios 99, 100, 101 e 102.

[editar] Axentes do FBI

• Jodie Saintemillion

É a profesora de inglés do instituto Teitan. Chegou ó Xapón dende os Estados Unidos. Faise pasar por profesora pero en realidade é axente do FBI e está perseguindo a Vermouth.

Primeira aparición: "A trampa do xogo de pelexa"; episodios 245 e 246.

• Shuichi Akai

É un misterioso axente do FBI que sempre leva posto un pucho negro de la.

Primeira aparición: "O pasaxeiro misterioso"; episodios 249 e 250.

• James Black

Tamén forma parte do FBI. Vivía en Chicago pero agora atópase no Xapón xunto a Jodie e Akai e é o que ten o maior rango de todos eles. É un home moi intelixente e ata Shinichi móstrase abraiado pola súa perspicacia.

Primeira aparición: "O home de Chicago"; episodios 277 e 278.

[editar] A Organización dos Homes de Negro

• Gin e Vodka

▪"Aburiño; detective!" (Gin di isto no episodio: "O detective máis célebre deste século"; episodio 1).

Son os nomes en clave das dúas persoas que lle administraron a droga a Shinichi. Pertencen á Organización dos Homes de Negro e pouco se sabe sobre eles. Gin ten maior cargo ca Vodka dentro da organización.

Primeira aparición: "O detective máis célebre deste século"; episodio 1.

• Sherry (o seu nome en clave na organización) / Shiho Miyano / Ai Haibara

▪"O asisado detective convértese nunha criatura de cueiros cando hai fútbol polo medio."

Shiho Miyano pertenceu á Organización dos Homes de Negro co nome en clave de Sherry e foi ela a creadora da droga que encolleu a Shinichi, a apoptoxina 4869 (APTX 4869), pero non soportou que Gin e Vodka asasinaran a Akemi Miyano, a súa irmá, e decidiu deixar na estacada á organización. Cando Gin e Vodka souberon dos seus verdadeiros propósitos, apreixárona. Shiho decidiu entón suicidarse tomando a súa propia droga pero os seus insólitos efectos secundarios convertérona na nena Ai Haibara. Ai faise amiga de Shinichi e vai vivir para a casa do profesor Agasa.

Primeira aparición: "A misteriosa alumna nova" (Especial 2H); episodios 136, 137, 138 e 139.

• Vermouth

▪"Un segredo fai que unha muller sexa muller"

A súa verdadeira identidade é Chris Vinyard, unha famosa actriz dos Estados Unidos. Co nome en clave de Vermouth, Chris é unha peza moi importante da organización.

Primeira aparición: "Reencontro cos homes de negro"; episodios 190, 191 e 192.

• Akemi Miyano

Akemi era a irmá de Shiho Miyano e formaba parte dos últimos chanzos da organización. Traballaba para eles co trato futuro de que deixasen ceibe a súa irmá. Pero os Homes de Negro non cumpriron a súa palabra e acabaron por desfacerse dela.

Primeira aparición: "O gran atraco da Organización dos Homes de Negro"; episodio 135.

• Pisco

Kenzo Matsuyama é un home de 71 anos, magnate do mundo empresarial. Co nome en clave de Pisco é un dos membros da Organización dos Homes de Negro con máis idade. Tiña como cometido matar a un concelleiro no Hotel Cidade de Haido. Ó final asasínao Gin por orde de Vermouth pola súa incompetencia ó deixarse fotografar pola prensa.

Primeira aparición: "Reencontro cos homes de negro"; episodios 190, 191 e 192.

• Tequila

É un dos membros da Organización dos Homes de Negro. Morre a causa dunha explosión estando nunha presentación dunha compañía de videoxogos.

Primeira aparición: "O asasinato da empresa de xogos"; episodio 56.

[editar] Mundo Kaito

• Kaito Kuroba / Caco Kid

▪"Vémonos de novo, Shinichi Kudo..."

Caco Kid, antes coñecido como 1412 é un ladrón moi sobranceiro que non utiliza a violencia para maquinar os seus roubos. Ten un gran talento para o disfrace, é un bo imitador de voces e ten unha aparencia física moi parecida á de Shinichi. Unha americana branca cunha capa de seda, unha camisa azul, unha gravata vermella, un sombreiro de copa e un monóculo constitúen a súa mítica indumentaria. A súa verdadeira identidade é Kaito Kuroba, un estudante de instituto de 17 anos afeccionado a maxia.

Primeira aparición: "Conan contra o ladrón Caco Kid" (Especial 1H); episodios 78 e 79.

• Aoko Nakamori

É a mellor amiga de Kaito, aínda que ela sinte algo máis por el. Ten 17 anos e tamén estuda no mesmo instituto. Odia a Caco Kid porque sempre lle está a crear problemas ó seu pai Ginzo Nakamori. Non sabe que Kaito e Caco Kid son a mesma persoa.

Primeira aparición: "Conan contra o ladrón Caco Kid" (Especial 1H); episodios 78 e 79.

• Ginzo Nakamori

É o pai de Aoko. Ginzo é inspector da policía e o seu maior desafío é conseguir atrapar dunha vez por todas ó famoso ladrón Caco Kid aínda que este sempre consegue escaparlle no último momento. É unha persoa con un carácter moi autoritario e sempre está a rifar e a zoscarlle ós seus axentes.

Primeira aparición: "Conan contra o ladrón Caco Kid" (Especial 1H); episodios 78 e 79.

• Saguru Hakuba

Detective londiniense da idade de Shinichi e de Kaito. Desprázase o Xapón para intentar atrapar a Caco Kid. Ten como mascota unha ave rapaz chamada Watson.

Primeira aparición: "O mago Kaito. Reunión de detectives: Shinichi contra Caco Kid" (Especial 2H); episodios 235, 236, 237 e 238.

• Akako Koizume

Akako é unha compañeira de clase de Kaito e Aoko. É practicante de bruxería e soe ter visión do que acontecerá. Akako sabe que Kaito e Caco Kid son a mesma persoa.

Primeira aparición: "O mago Kaito. Reunión de detectives: Shinichi contra Caco Kid" (Especial 2H); episodios 235, 236, 237 e 238.

• Keiko Momoi

É a mellor amiga de Aoko. Leva gafas e ten unha faciana que recorda moito á de Conan.

Primeira aparición: "O mago Kaito. Reunión de detectives: Shinichi contra Caco Kid" (Especial 2H); episodios 235, 236, 237 e 238.

[editar] Os aparellos do profesor Agasa

Grazas ao seu amigo, o científico Hiroshi Agasa, Conan dispón dunha gran chea de aparellos cos que contar para resolver os seus casos.

• Os súper tenis

Estes tenis levan incorporados unha rede de cables que envían impulsos eléctricos ó pé estimulando a súa forza e permitindo a Conan lanzar obxectos ós malos para deixalos inconscientes ou tirar portas abaixo.

Primeira aparición: "A grande explosión do tren bala"; episodio 5.

• Os dardos narcóticos

Enmascarado coma se de un reloxo normal se tratase, este aparello incorpora un lanzador de dardos narcóticos que deixa durmindo a todo aquel ó que Conan elixa coma vítima.

Primeira aparición: "Asasinato no día de San Valentín"; episodio 6.

• A paxariña moduladora de voz

Esta paxariña especial inclúe un dial para elixir a voz que Conan necesite en cada momento. Deste xeito Conan tense feito pasar por unha chea de xente, sendo o máis recorrente o señor Mouri.

Primeira aparición: "Moito ollo cos famosos"; episodio 3.

• Os lentes radar

Unha vez activadas dende a lente esquerda, serven para rastrexar ós sospeitosos e dar coas súas goridas ademais de ter o obvio propósito de ocultar a verdadeira identidade de Conan.

Primeira aparición: "O roubo dos 100 millóns de dólares"; episodio 14.

• Os tirantes de forza

Malia que parecen uns tirantes normais e correntes, estes poden levantar cousas moi pesadas ou servir de tiracroios para lanzar algún que outro obxecto.

Primeira aparición: "Asasinato na mansión enmeigada"; episodio 21.

• O monopatín a enerxía solar

Este monopatín a motor ten a capacidade de alcanzar grandes velocidades. Ó primeiro soamente funcionaba de día xa que a súa fonte de enerxía é o sol, pero logo o profesor Agasa incorporoulle un sistema de reserva que almacena a enerxía para poder aproveitala pola noite. É moi útil para perseguir delincuentes.

Primeira aparición: "O secuestro de Ayumi"; episodio 13.

• As insignias teléfono

O profesor Agasa deulles cadansúa insignia ós membros da Asociación de Detectives Xuvenís. Grazas a eles poden manterse en contacto a grandes distancias.

Primeira aparición: "O secuestro de Ayumi"; episodio 13.

• O pendente teléfono

Un teléfono moi útil enmascarado en forma de pendente.

Primeira aparición: "Asasinato na casa rural da estación de esquí"; episodios 87 e 88.

[editar] O veleno da organización

Co propósito de rematar coa vida da xente que se interpoña no camiño da organización ser deixar cabos soltos, os científicos da mesma levan intentando perfeccionar un dos velenos máis mortais dos que se poida imaxinar. Xa no pasado, os pais de Shiho comezaron os experimentos neste campo, pero trala súa misteriosa e repentina morte foi ela a que proseguiu o traballo conseguindo grandes resultados en ratos de laboratorio.

Este veleno é todavía unha droga experimental. O seu nome en clave é APTX4869; APTX de apoptoxina e 4869 é o seu número de serie dentro de todo o arsenal do que dispón a malvada organización.

• Os efectos da droga experimental: a apoptose

O APTX4869 leva á morte as persoas por medio da apoptose (de aí o nome de apoptoxina) que é un conxunto de reaccións bioquímicas programadas grazas a unha serie de sinais controlados xeneticamente. Malia que isto é o que ocorre na meirande parte dos casos, o veleno ten, ás veces, uns efectos secundarios inesperados, debido a súa propiedade para incrementar a capacidade da eficiencia da multiplicación celular, facendo que o suxeito drogado rexenere os seus tecidos corporais (músculos, ósos...), que se traduce na volta á infancia do suxeito.

• A droga no ordenador da organización

Pisco, descoidado el, deixou un portátil na mesma sala onde tiña retida a Ai. No ordenador había información vital para Ai e Conan sobre a droga. O contrasinal do informe da droga en fase de probas é SHELLINGFORD, o nome que lle dera Arthur Conan Doyle ó detective das súas novelas antes de chamalo Sherlock Holmes.

• Un posible antídoto

Para poder atopar un antídoto que anule o efecto da apoptose que induce a droga dos Homes de Negro, Ai e o profesor Agasa necesitan ter coñecemento da composición exacta do veleno. Parece ser que un tipo concreto de augardente chinesa bebida cando se está a chocar unha gripe anula temporalmente os efectos da droga. O malo é que unha vez utilizado este método para recuperar o verdadeiro corpo do suxeito durante uns minutos, nunca máis volverá ser efectivo nesa mesma persoa. Ai, sospeitando que esa augardente puidera ter un factor clave para a creación dun antídoto, investiga sobre o asunto chegando a crear un antídoto provisional moi perigoso e que debe ser tomado só en caso de urxente necesidade, pois pode conducir á persoa que o tome á morte.

[editar] A procedencia dos nomes

Para darlle nome ós personaxes e ós lugares deste manga e anime, Gosho Aoyama homenaxea, á súa maneira, a diferentes referentes (personaxes reais, de ficción, lugares que aparecen nas novelas...) do mundo da literatura e do misterio detectivesco. Estes son algúns dos casos máis salientables:

[editar] Personaxes

• Shinichi Kudo: provén dunha serie xaponesa na que o protagonista se chama Shinsaku Kudo e que tamén é detective. Tamén cabe dicir que, en xaponés, "shin" pode significar "novo" e "ichi" o número 1. Shinichi quere ser o novo Sherlock Holmes, segundo el, o número un dos detectives, e o seu propio nome parece reflectir ese desexo seu.

• Conan Edogawa: é quizais a máis clara homenaxe. Conan vén de Arthur Conan Doyle, creador de Sherlock Holmes e Edogawa do escritor e crítico xaponés Rampo Edogawa.

• Kogoro Mouri: Kogoro vén de Kogoro Akechi, personaxe de ficción creado por Rampo Edogawa e Mouri do escritor Maurice Leblanc, creador do personaxe Arsenio Lupin, un sobranceiro ladrón de guante branco.

• Eri Kisaki: vén da novelista Ellery Queen. Eri de Ellery e Kisaki de Queen (Kisaki é raíña en xaponés).

[editar] Lugares

• Distrito Beika: é un distrito imaxinario de Toquio onde viven os nosos protagonistas. O nome Beika provén de Baker, a rúa londiniense onde viven Sherlock Holmes e Watson.

• Cafetería Poirot: a cafetería de Azusa colle o nome Poirot de Hercules Poirot, personaxe creado por Agatha Christie.

[editar] Curiosidades

• Na primeira edición dos primeiros tomos do manga (edición española), houbo problemas coa tradución dos nomes dalgúns personaxes da Organización dos Homes de Negro, dando o nome de Cherry a Sherry e o de Belmotte a Vermouth.

• Mentres que no manga, Conan reencontrábase cos Homes de Negro pouco despois de que estes lle deran o veleno, na adaptación ó anime que corresponde co episodio "A grande explosión do tren bala"; episodio 5, non son Gin e Vodka quen aparecen no tren, senón uns homes con moito parecido físico a estes pero que nada teñen que ver coa Organización dos Homes de Negro.

• A irmá de Shiho Miyano, Akemi Miyano, é asasinada no manga por Gin case ó comezo da historia. Na adaptación ó anime esta historia correspóndese co capítulo "O roubo dos 100 millóns de dólares"; episodio 14, no que Akemi non parece ter relación cos Homes de Negro e sae ilesa do altercado grazas a Conan. Para solucionar isto, e dado que a morte deste personaxe era vital para a futura trama da serie, os responsables da mesma decidiron engadir, xusto antes da primeira aparición de Shiho, un episodio similar ó 14 no que Akemi finalmente morre asasinada por Gin, "O gran atraco da Organización dos Homes de Negro"; episodio 135.

• Os personaxes de Genta, Ayumi e Mitsuhiko son unha homenaxe de Gosho Aoyama ós personaxes Xigante, Shizuka e Suneo do manga e anime Doraemon.

• O día 7 de marzo de 2007, a revista Shonen Sunday conmemorou o capítulo 600 deste manga.

• Tódolos membros da Organización dos Homes de Negro teñen nomes en clave de bebidas alcólicas. O gin é unha bebida alcólica, aromatizada xeralmente con fresas, típica de Holanda e Inglaterra. O vodka, licor típico de Rusia e Polonia, procede da destilación de plantas ricas en almidón. O tequila, procedente de México, elabórase a partir do agave. O pisco, de Perú, obtense a partir da destilación de uvas. O vermouth, é viño branco macerado e aromatizado con herbas. O sherry é o viño por excelencia do sur de España.

• Minami Takayama, a dobradora de Conan Edogawa na súa versión xaponesa e integrante feminina do dúo musical "Two-Mix", apareceu en versión animada, no capítulo "O secuestro duns cantantes famosos"; episodios 84 e 85, dobrándose a si mesma e por suposto a Conan. Na versión en galego, neses episodios, Teresa Santamaría fixo o propio con Minami e con Conan.

• No comezo do capítulo do manga equivalente ó "Asasinato na biblioteca"; episodio 51, Conan sostén nas súas mans dous libros: Magic Kaito e Yaiba, outras obras creadas por Gosho Aoyama.

• Na primeira película (Rañaceos no tempo) revélase que o aniversario de Shinichi é o 4 de maio.

[editar] Lista de episodios

Esta é unha listaxe dos episodios emitidos ata o de agora na Televisión de Galicia (numeración galega):

• Episodio 1: O detective máis célebre deste século.
• Episodio 2: O célebre detective que minguou.
• Episodio 3: Moito ollo cos famosos.
• Episodio 4: Clave: o peixe de luces.
• Episodio 5: A grande explosión do tren bala.
• Episodio 6: Asasinato no día de San Valentín.
• Episodio 7: A ameaza mensual dos agasallos.
• Episodio 8: Asasinato no museo de Belas Artes.
• Episodio 9: Asasinato durante a festa.
• Episodio 10: Chantaxe a un futbolista.
• Episodios 11 e 12: Os asasinatos da sonata ó luar (I) e (II) (Especial 1H).
• Episodio 13: O secuestro de Ayumi.
• Episodio 14: O roubo dos 100 millóns de dólares.
• Episodio 15: O atentado da mensaxe enigmática.
• Episodio 16: O cadáver desaparecido.
• Episodio 17: O asasinato do coleccionista.
• Episodio 18: Roubo nos grandes almacéns.
• Episodio 19: O asasinato da noiva.
• Episodio 20: Asasinato no ascensor.
• Episodio 21: Asasinato na mansión enmeigada.
• Episodio 22: Asasinato no escenario da rodaxe.
• Episodio 23: Asasinatos nun transatlántico de luxo (1ª parte).
• Episodio 24: Asasinatos nun transatlántico de luxo (2ª parte).
• Episodio 25: O misterio da guapa amnésica.
• Episodio 26: Rescate pagado con billetes falsos.
• Episodio 27: Tom e o asasinato.
• Episodio 28: Asasinato na xuntanza de ex-compañeiros de Kogoro (1ª parte).
• Episodio 29: Asasinato na xuntanza de ex-compañeiros de Kogoro (2ª parte).
• Episodio 30: O caso do asasinato por ordenador.
• Episodio 31: A coartada perfecta.
• Episodio 32: Asasinato no estudio de televisión.
• Episodio 33: Asasinato nunha cafetería.
• Episodio 34: Xornada de supervivencia para os Detectives Xuvenís.
• Episodio 35: O asasino misterioso da mansión da montaña (1ª parte).
• Episodio 36: O asasino misterioso da mansión da montaña (2ª parte).
• Episodio 37: O asasinato do luns ás 7 e media do serán.
• Episodio 38: O asasinato da flor do cacto.
• Episodio 39: Asasinato na Festa do Lume.
• Episodio 40: O caso da herdeira asasinada (1ª parte).
• Episodio 41: O caso da herdeira asasinada (2ª parte).
• Episodio 42: O incidente da bandeira rachada.
• Episodio 43: Asasinato nunha cabina de karaoke.
• Episodio 44: O rapto de Conan Edogawa.
• Episodio 45: Os asasinatos da familia Hotta.
• Episodio 46: O asasinato da máscara facial.
• Episodio 47: Asasinato na montaña nevada.
• Episodio 48: Asasinato nun ximnasio.
• Episodio 49: O diplomático asasinado (1ª parte).
• Episodio 50: O diplomático asasinado (2ª parte).
• Episodio 51: Asasinato na biblioteca.
• Episodio 52: Asasinato nunha cancha de minigolf.
• Episodios 53 e 54: Caso de asasinato da lenda do Kiri Tengu (I) e (II) (Especial 1H).
• Episodio 55: O asasinato da arma misteriosa.
• Episodio 56: O asasinato da empresa de xogos.
• Episodio 57: O asasinato do truco dos trens.
• Episodio 58: Caso de asasinato Ojamambo.
• Episodio 59: Os asasinatos do fanático de Sherlock Holmes (1ª parte).
• Episodio 60: Os asasinatos do fanático de Sherlock Holmes (2ª parte).
• Episodio 61: Caso de asasinato da primeira viaxe.
• Episodio 62: Caso de asasinato dun ilustrador.
• Episodio 63: Os asasinatos do barco pantasma (1ª parte).
• Episodio 64: Os asasinatos do barco pantasma (2ª parte).
• Episodio 65: Caso de asasinato do gran monstro Gomera.
• Episodio 66: O asasinato das 3 impresións dactilares.
• Episodio 67: O secuestro dos caranguexos e a balea.
• Episodio 68: Asasinato nunha rúa escura.
• Episodio 69: O caso da actriz asasinada.
• Episodio 70: O misterio do asasinato do Barón Nocturno (1ª parte: o caso).
• Episodio 71: O misterio do asasinato do Barón Nocturno (2ª parte: os sospeitosos).
• Episodio 72: O misterio do asasinato do Barón Nocturno (3ª parte: a resolución).
• Episodio 73: O asasinato do acosador.
• Episodio 74: O asasinato dos tres xemelgos.
• Episodio 75: O intento de asasinato do naufraxio.
• Episodio 76: O misterio de Jinnai, o Deus da Morte.
• Episodio 77: O asasinato do presidente da empresa financeira.
• Episodios 78 e 79: Conan contra o ladrón Caco Kid (I) e (II) (Especial 1H).
• Episodio 80: Misteriosos asasinatos nunha familia importante (1ª parte).
• Episodio 81: Misteriosos asasinatos nunha familia importante (2ª parte).
• Episodio 82: Asasinato no atraco a un banco.
• Episodio 83: O asasinato do artista vagabundo.
• Episodio 84: O secuestro duns cantantes famosos (1ª parte).
• Episodio 85: O secuestro duns cantantes famosos (2ª parte).
• Episodio 86: Asasinato no hospital xeral.
• Episodio 87: Asasinato na casa rural da estación de esquí (1ª parte).
• Episodio 88: Asasinato na casa rural da estación de esquí (2ª parte).
• Episodio 89: Cómpre atopar o lugar do secuestro.
• Episodio 90: O asasinato do amante dos grous.
• Episodio 91: Asasinato no castelo de Drácula (1ª parte).
• Episodio 92: Asasinato no castelo de Drácula (2ª parte).
• Episodio 93: O asasinato das flores perfumadas.
• Episodio 94: O atracador hospitalizado.
• Episodio 95: Terror na montaña (1ª parte).
• Episodio 96: Terror na montaña (2ª parte).
• Episodio 97: O asasinato da lendaria muller da neve.
• Episodio 98: O asasinato da cita de Kogoro.
• Episodios 99, 100, 101 e 102: O detective acantoado (I), (II), (III) e (IV) (Especial 2H).
• Episodio 103: O asasinato do viño de despedida.
• Episodio 104: O asasinato do ceramista famoso (1ª parte).
• Episodio 105: O asasinato do ceramista famoso (2ª parte).
• Episodio 106: Recordos do primeiro amor (1ª parte).
• Episodio 107: Recordos do primeiro amor (2ª parte).
• Episodio 108: O asasinato do actor de películas de samurais (1ª parte).
• Episodio 109: O asasinato do actor de películas de samurais (2ª parte).
• Episodio 110: A casa misteriosa dos bandidos (1ª parte).
• Episodio 111: A casa misteriosa dos bandidos (2ª parte).
• Episodio 112: O asasinato da primicia fotográfica.
• Episodio 113: O misterioso caso do toupa (1ª parte).
• Episodio 114: O misterioso caso do toupa (2ª parte).
• Episodio 115: A gran persecución automobilística da Asociación de Detectives Xuvenís.
• Episodio 116: Asasinato na escola de cociña (1ª parte).
• Episodio 117: Asasinato na escola de cociña (2ª parte).
• Episodio 118: Os contos de medo da escola primaria de Teitan.
• Episodio 119: Asasinato na praia de area branca.
• Episodio 120: Submarinismo e asasinato (1ª parte).
• Episodio 121: Submarinismo e asasinato (2ª parte).
• Episodio 122: A desaparición dun escritor de novelas policíacas (1ª parte).
• Episodio 123: A desaparición dun escritor de novelas policíacas (2ª parte).
• Episodios 124 e 125: Os asasinatos en serie de Osaka (I) e (II) (Especial 1H).
• Episodio 126: O asasinato de Yaiba o Enmascarado.
• Episodio 127: Asasinato con mel.
• Episodio 128: O vencello esquecido entre dúas irmás (1ª parte).
• Episodio 129: O vencello esquecido entre dúas irmás (2ª parte).
• Episodio 130: O secuestro da muller do tempo.
• Episodio 131: A misteriosa morte do asasino (1ª parte).
• Episodio 132: A misteriosa morte do asasino (2ª parte).
• Episodio 133: Asasinato na compañía itinerante de teatro (1ª parte).
• Episodio 134: Asasinato na compañía itinerante de teatro (2ª parte).
• Episodio 135: O gran atraco da Organización dos Homes de Negro.
• Episodios 136, 137, 138 e 139: A misteriosa alumna nova (I), (II), (III) e (IV) (Especial 2H).
• Episodio 140: Ameaza de asasinato indiscriminado no estadio (1ª parte).
• Episodio 141: Ameaza de asasinato indiscriminado no estadio (2ª parte).
• Episodio 142: Asasinatos entre magos afeccionados (1ª parte).
• Episodio 143: Asasinatos entre magos afeccionados (2ª parte).
• Episodio 144: Asasinatos entre magos afeccionados (3ª parte).
• Episodio 145: A desaparición da arma homicida.
• Episodio 146: O antigo palacio europeo (1ª parte).
• Episodio 147: O antigo palacio europeo (2ª parte).
• Episodio 148: A derradeira sesión (1ª parte).
• Episodio 149: A derradeira sesión (2ª parte).
• Episodio 150: A mensaxe de socorro de Ayumi.
• Episodio 151: Asasinato nun cuarto pechado na véspera da voda (1ª parte).
• Episodio 152: Asasinato nun cuarto pechado na véspera da voda (2ª parte).
• Episodio 153: A misteriosa observación astronómica.
• Episodio 154: Asasinato a bordo do Estrela Polar (1ª parte).
• Episodio 155: Asasinato a bordo do Estrela Polar (2ª parte).
• Episodio 156: Historia de amor entre detectives (1ª parte).
• Episodio 157: Historia de amor entre detectives (2ª parte).
• Episodio 158: Asasinato no tranvía.
• Episodio 159: Puenting no parque de atraccións.
• Episodio 160: Asasinato con coche bomba (1ª parte).
• Episodio 161: Asasinato con coche bomba (2ª parte).
• Episodio 162: O vello que desapareceu.
• Episodio 163: O azaroso verán de Sonoko (1ª parte).
• Episodio 164: O azaroso verán de Sonoko (2ª parte).
• Episodio 165: O caso da chave na auga nun piso pechado.
• Episodio 166: Historia de amor entre detectives 2 (1ª parte).
• Episodio 167: Historia de amor entre detectives 2 (2ª parte).
• Episodio 168: A liña circular do silencio.
• Episodio 169: A lenda do misterioso pagode de 5 pisos (1ª parte).
• Episodio 170: A lenda do misterioso pagode de 5 pisos (2ª parte).
• Episodio 171: Asasinato no restaurante Ryu Suitei.
• Episodios 172 e 173: O cadaleito voador: o primeiro caso de Shinichi (I) e (II) (Especial 1H).
• Episodio 174: O segredo da lúa, a estrela e o sol (1ª parte).
• Episodio 175: O segredo da lúa, a estrela e o sol (2ª parte).
• Episodio 176: A desaparición da Asociación de Detectives Xuvenís.
• Episodio 177: O misterio da mansión da araña de Tottori (1ª parte).
• Episodio 178: O misterio da mansión da araña de Tottori (2ª parte).
• Episodio 179: O misterio da mansión da araña de Tottori (3ª parte).
• Episodio 180: O bico de Venus.
• Episodio 181: Cegado na escuridade (1ª parte).
• Episodio 182: Cegado na escuridade (2ª parte).
• Episodio 183: Regresa a derradeira mensaxe (1ª parte).
• Episodio 184: Regresa a derradeira mensaxe (2ª parte).
• Episodio 185: O home ao que mataron catro veces.
• Episodios 186, 187, 188 e 189: Asasinatos no Sinfonía: vinganza vinte anos despois (I), (II), (III) e (IV) (Especial 2H).
• Episodio 190: Reencontro cos Homes de Negro (1ª parte: a historia de Ai Haibara).
• Episodio 191: Reencontro cos Homes de Negro (2ª parte: a historia de Conan).
• Episodio 192: Reencontro cos Homes de Negro (3ª parte: caso resolto).
• Episodio 193: O camión que chocou contra a cafetería.
• Episodio 194: Nocturno de morte apaixonada (1ª parte).
• Episodio 195: Nocturno de morte apaixonada (2ª parte).
• Episodio 196: Pescuda intensa a través de 9 portas.
• Episodio 197: Receita envelenada.
• Episodios 198 e 199: O sorriso cruel das máscaras malditas (I) e (II) (Especial 1H).
• Episodio 200: O asasinato do detective famoso (1ª parte).
• Episodio 201: O asasinato do detective famoso (2ª parte).
• Episodio 202: Un disparo misterioso resoa na escuridade.
• Episodio 203: Regreso arriscado: detectives na cova.
• Episodio 204: Regreso arriscado: o detective ferido.
• Episodio 205: Regreso arriscado: a terceira opción.
• Episodio 206: Regreso arriscado: o cabaleiro negro.
• Episodio 207: Regreso arriscado: volve Shinichi.
• Episodio 208: Regreso arriscado: o sitio onde se piden os desexos.
• Episodio 209: A caixa de música (1ª parte).
• Episodio 210: A caixa de música (2ª parte).
• Episodio 211: A arma invisible, o primeiro caso de Ran.
• Episodio 212: A trampa do súper coche (1ª parte).
• Episodio 213: A trampa do súper coche (2ª parte).
• Episodio 214: Principal sospeitoso: Kogoro Mouri (1ª parte).
• Episodio 215: Principal sospeitoso: Kogoro Mouri (2ª parte).
• Episodio 216: O pasaxeiro número 10 (1ª parte).
• Episodio 217: O pasaxeiro número 10 (2ª parte).
• Episodio 218: As ás negras de Ícaro (1ª parte).
• Episodio 219: As ás negras de Ícaro (2ª parte).
• Episodio 220: Historia de amor entre detectives 3 (1ª parte).
• Episodio 221: Historia de amor entre detectives 3 (2ª parte).
• Episodio 222: Unha deducción demasiado magnífica.
• Episodios 223 e 224: A furia da estatua xigante da deusa (I) e (II) (Especial 1H).
• Episodio 225: A caída desde o monte Ryujin.
• Episodio 226: A lenda do palacio da auga de cinco cores (1ª parte).
• Episodio 227: A lenda do palacio da auga de cinco cores (2ª parte).
• Episodio 228: Cogomelos, un oso e a Asociación de Detectives Xuvenís (1ª parte).
• Episodio 229: Cogomelos, un oso e a Asociación de Detectives Xuvenís (2ª parte).
• Episodio 230: O misterio do cuarto retro.
• Episodio 231: A baía da vinganza (1ª parte).
• Episodio 232: A baía da vinganza (2ª parte).
• Episodio 233: O segredo do inspector Megure (1ª parte).
• Episodio 234: O segredo do inspector Megure (2ª parte).
• Episodios 235, 236, 237 e 238: O mago Kaito. Reunión de detectives: Shinichi contra Caco Kid (I), (II), (III) e (IV) (Especial 2H).
• Episodio 239: Unha clienta mentireira (1ª parte).
• Episodio 240: Unha clienta mentireira (2ª parte).
• Episodio 241: A desaparición da serea (1ª parte).
• Episodio 242: A desaparición da serea (2ª parte).
• Episodio 243: A desaparición da serea (3ª parte).
• Episodio 244: O segredo do negocio florecente.
• Episodio 245: A trampa do xogo de pelexa (1ª parte).
• Episodio 246: A trampa do xogo de pelexa (2ª parte).
• Episodio 247: Asasinato na clase de cerámica (1ª parte).
• Episodio 248: Asasinato na clase de cerámica (2ª parte).
• Episodio 249: O pasaxeiro misterioso (1ª parte).
• Episodio 250: O pasaxeiro misterioso (2ª parte).
• Episodio 251: Foi asasinato ou accidente?
• Episodio 252: A proba imborrable (1ª parte).
• Episodio 253: A proba imborrable (2ª parte).
• Episodio 254: A adega pechada.
• Episodio 255: O misterio da praia de area branca do sur de Kishu (1ª parte).
• Episodio 256: O misterio da praia de area branca do sur de Kishu (2ª parte).
• Episodio 257: O caso dos tres "kas" en Osaka (1ª parte).
• Episodio 258: O caso dos tres "kas" en Osaka (2ª parte).
• Episodio 259: O caso do traslado en tren bala (1ª parte).
• Episodio 260: O caso do traslado en tren bala (2ª parte).
• Episodio 261: A desgraza de Genta.
• Episodio 262: O imitador de Kogoro Mouri (1ª parte).
• Episodio 263: O imitador de Kogoro Mouri (2ª parte).
• Episodio 264: O disparo da mansión do xirasol.
• Episodio 265: O misterio atrapado na rede (1ª parte).
• Episodio 266: O misterio atrapado na rede (2ª parte).
• Episodio 267: Coartada no bosque das curacións.
• Episodio 268: O segredo das estrelas pop (1ª parte).
• Episodio 269: O segredo das estrelas pop (2ª parte).
• Episodio 270: Traxedia no rancho OK.
• Episodio 271: O secuestrador no debuxo.
• Episodio 272: Historia de amor entre detectives 4 (1ª parte).
• Episodio 273: Historia de amor entre detectives 4 (2ª parte).
• Episodio 274: O caso da poesía do castelo de Matsue (1ª parte).
• Episodio 275: O caso da poesía do castelo de Matsue (2ª parte).
• Episodio 276: Un castigo arrepiante.
• Episodio 277: O home de Chicago (1ª parte).
• Episodio 278: O home de Chicago (2ª parte).
• Episodio 279: O restaurante que se move.
• Episodio 280: A lenda arrepiante na noite nevada (1ª parte).
• Episodio 281: A lenda arrepiante na noite nevada (2ª parte).
• Episodios 282, 283, 284 e 285: O dobre misterio de Osaka: o espadachín de Naniwa e o castelo de Hideyoshi (I), (II), (III) e (IV) (Especial 2H).
• Episodio 286: Batalla no xulgado, Kisaki contra Kogoro (1ª parte).
• Episodio 287: Batalla no xulgado, Kisaki contra Kogoro (2ª parte).
• Episodio 288: San Valentín sanguento (1ª parte).
• Episodio 289: San Valentín sanguento (2ª parte).
• Episodio 290: San Valentín sanguento (3ª parte).
• Episodio 291: O recordo esquecido dun crime (1ª parte).
• Episodio 292: O recordo esquecido dun crime (2ª parte).
• Episodio 293: Agóchate, apura e abrevia (1ª parte).
• Episodio 294: Agóchate, apura e abrevia (2ª parte).
• Episodio 295: O caso da avoa desaparecida.
• Episodio 296: O segredo da mansión encantada (1ª parte).
• Episodio 297: O segredo da mansión encantada (2ª parte).
• Episodio 298: O caso da placa de policía desaparecida.
• Episodio 299: A profesora de inglés contra o famoso detective do oeste (1ª parte).
• Episodio 300: A profesora de inglés contra o famoso detective do oeste (2ª parte).
• Episodio 301: O seareiro no labirinto (1ª parte).
• Episodio 302: O seareiro no labirinto (2ª parte).

[editar] A música de Conan

Para interpretar os diferentes temas do anime os responsables da serie levan contratando dende os seus inicios a diferentes grupos de pop xaponés moi aclamados no seu país. Estes son os temas na súa versión galega^[1] e os capítulos nos que soan:

[editar] Inicio

• 1. "Mune ga doki doki" [O corazón guíame con paixón] de The High-Lows. (Eps. 1-54).

• 2. "Feel your heart" [Sente o teu corazón] de Velvet Garden.

(Non hai versión galega deste tema).

• 3. "Nazo" [Misterio] de Miho Komatsu. (Eps. 55-102).

• 4. "Unmei no roulette o mawashite" [A roda do azar] de ZARD. (Eps. 103-130).

• 5. "Truth" [Verdade] de Two-Mix. (Eps. 131-171; 174-180).

• 6. "Giri giri chop" [Corte ó límite] de B'z. (Eps. 172 e 173, versión xaponesa subtitulada ó galego).

• 7. "Mysterious eyes" [Ollos misteriosos] de Garnet Crow. (Eps. 181-219).

• 8. "Koi wa, thrill, shock, suspense" [O amor é emoción, descarga, suspense] de Rina Aiuchi. (Eps. 220-249).

• 9. "Destiny" [Destino] de Miki Matsuhashi. (Eps. 250-277).

• 10. "Winter Bells" [Campás de Inverno] de Mai Kuraki. (Eps. 278-292).

• 11. "I can't stop my love for you" [Non podo frear o meu amor por ti] de Rina Aiuchi. (Eps. 293-3??).

• 12. "Kaze No Rarara" [O lalalá do vento] de Mai Kuraki. (Eps. 3??-3??).

• 13. "Kimi to yakusoku shita yasashii ano basho made" [Ata aquel fermoso lugar que che prometín] de Uka Saegusa. (Eps. 3??-3??).

• 14. "Start" [Comezo] de Rina Aiuchi. (Eps. 3??-4??).

• 15. "Hoshi no Kagayakiyo" [Estrela brillante] de ZARD. (Eps. 4??-4??).

• 16. "Growing of my heart" [Crecendo do meu corazón] de Mai Kuraki. (Eps. 4??-4??).

• 17. "Shoudou" [Impulso] de B'z. (Eps. 4??-4??).

• 18. "100 mono tobira" [100 portas] de Rina Aiuchi & U-Ka Saegusa. (Eps. 4??-4??).

• 19. "Kumo ni notte" [Voando alén das nubes] U-Ka Saegusa. (Eps. 4??-5??).

• 20. "Namida no yesterday" [Bágoas de onte] de Garnet Crow. (Eps. 5??-5??).

[editar] Final

• 1. "Step by step" [Paso a paso] de Ziggy. (Eps. 1-52).

• 2. "Meikyuu no lovers" [Amantes de labirinto] de Heath.

(Non hai versión galega deste tema).

• 3. "Hikari to kage no roman" [O romance entre o luscofusco] de Keiko Utoko. (Eps. 53-72).

• 4. "Kimi ga inai natsu" [O verán sen ti] de DEEN. (Eps. 73-86).

• 5. "Negaigoto hitotsu dake" [Un só desexo] de Miho Komatsu. (Eps. 87-114).

• 6. "Koori no ue ni tatsu you ni" [De pé sobre o xeo] de Miho Komatsu. (Eps. 115-141).

• 7. "Still for your love" [Aínda polo teu amor] de Rumanía Montevideo. (Eps. 142-162).

• 8. "Free magic" [Maxia libre] de WAG. (Eps. 163-221).

• 9. "Secret of my heart" [Segredo do meu corazón] de Mai Kuraki.

(A versión galega deste tema só foi emitida nunha reposición dalgúns episodios).

• 10. "Natsu no maboroshi" [A ilusión do verán] de Garnet Crow. (Eps. 222-234).

• 11. "Start in my life" [Comeza na miña vida] de Mai Kuraki. (Eps. 235-253).

• 12. "Always" [Sempre] de Mai Kuraki. (Eps. 254-266).

• 13. "Aoi aoi kono Hoshi ni" [Nesta azul, azul Terra] de Azumi Uehara. (Eps. 267-287).

• 14. "Yumemita ato de" [Despois de soñar] de Garnet Crow. (Eps. 288-3??).

• 15. "Mushoku" [Sen cor] de Mushoku. (Eps. 3??-3??).

• 16. "Overture" [Apertura] de Koshi Inaba. (Eps. 3??-3??).

• 17. "Ashita wo yumemite" [Soños do mañá] de ZARD. (Eps. 3??-3??).

• 18. "Kimi to iu hikari" [Unha luz co teu nome] de Garnet Crow. (Eps. 3??-3??).

• 19. "Nemuru kimi no yokogao ni hohoemi wo" [Sorríndolle o teu perfil dormente] de U-Ka Saegusa. (Eps. 3??-4??).

• 20. "Wasurezaki" [] de Garnet Crow. (Eps. 4??-4??).

[editar] Dobraxe ó galego

• Estudio: Sodinor S.A. (Vigo)
• Data: 2006
• Dirección: Matías Brea / Alfonso Valiño
• Reparto da dobraxe:

Personaxe	Dobraxe ó galego	Voz orixinal xaponesa
Shinichi Kudo	Gaspar Somoza	Kappei Yamaguchi
Conan Edogawa	Tere Santa María	Minami Takayama
Ran Mouri	Isabel Vallejo	Wakana Yamazaki
Kogoro Mouri	Matías Brea	Akira Kamiya
Juuzou Megure	Alfonso Valiño	Fūrin Cha
Hiroshi Agasa	Paco Barreiro	Kenichi Ogata
Genta Kojima	Antón Rey	Wataru Takagi
Ayumi Yoshida	Marián Muíño	Yukiko Iwai
Mitsuhiko Tsuburaya	Patricia de Lorenzo	Ikue Ootani
Sonoko Suzuki	Nora Abad	Naoko Matsui
Heiji Hattori	Monti Castiñeiras	Ryō Horikawa
Kazuha Toyama	Ana Ouro / Ana Lemos	Yuko Miyamura
Yusaku Kudo	Luis Iglesia	Hideyuki Tanaka
Yukiko Kudo	Xermana Carballido	Sumi Shimamoto
Eri Kisaki	Charo Pena	Gara Takashima
Wataru Takagi	Manolo Pombal	Wataru Takagi
Miwako Sato	Montse Davila	Atsuko Yuya
Ninzaburo Shiratori	César Cambeiro	Kazuhiko Inoue
Sango Yokomizo	Andrés Bellas / Antón Ja	?
Heizo Hattori	Luis Iglesia / Fermín Encinar	?
Caco Kid	Chema Gagino	Kappei Yamaguchi
Gin	Óscar Fernández	Yukitoshi Hori
Vodka	Xosé María "Tanas"	Fumihiko Tachiki
Vermouth	?	Mami Koyama
Ai Haibara / Shiho Miyano	Chelo Díaz	Megumi Hayashibara
Yumi Miyamoto	Charo Pena	?
Sr. Toyama	Xosé Manuel Rodríguez	?

• Voces adicionais:

▪ Alfonso Agra

▪ Ana Lemos

▪ Ana Maciñeiras

▪ Amelia Rodríguez

▪ Antón Cancelas

▪ Antón Olmos

▪ Antón Rubal

▪ Antonio Mourelos

▪ Beatriz García

▪ Bernardo Xosé

▪ Carlos Reboreda

▪ Carolina Vázquez

▪ César Cambeiro

▪ Chema Gagino

▪ Coté Sansegundo

▪ Fermín Encinar

▪ Gonzalo Faílde

▪ Miguel Pernas

▪ Miguel Varela

▪ Míriam Aldrey

▪ Nacho Castaño

▪ Raúl Dans

▪ Suso Álvarez

▪ Tacho González

▪ Xosé López Baño "Tanas"

▪ Xosé Manuel Rodríguez

• Aclaracións:

• A partir de "A trampa do súper coche"; episodios 212 e 213, Antón Ja López faise cargo da dobraxe do personaxe de Sango Yokomizo, substituíndo a Andrés Bellas que se encargara de facelo ata ese momento.
• Aínda que no primeiro capítulo o dobrador de Vodka fora Coté Sansegundo, a partir de "A misteriosa alumna nova" (Especial 2H); episodios 136, 137, 138 e 139, encárgase de facelo Xosé López Baño "Tanas".
• A partir de "A desaparición da serea"; episodios 241, 242 e 243, Ana Lemos faise cargo da dobraxe do personaxe de Kazuha Toyama, substituíndo a Ana Ouro.

[editar] Películas

Malia que todavía non chegaron a Galicia, nos cines do Xapón xa se estrearon 11 películas de "O detective Conan" e recentemente confirmouse a creación da 12ª (para o 2008).

#	Título en galego	Título en inglés	Data da estrea
1	Rañaceos no tempo	Countdown in a skyscraper	19 de abril de 1997
2	A décimo cuarta vítima	The fourteenth target	18 de abril de 1998
3	O último mago do século	The last wizard of the century	17 de abril de 1999
4	Engaiolado nos seus ollos	Captured in her eyes	22 de abril de 2000
5	Conta atrás cara o ceo	Countdown to Heaven	21 de abril de 2001
6	A pantasma da rúa Baker	The phantom of Baker Street	20 de abril de 2002
7	Encrucillada na antiga capital	Crossroad in the ancient capital	19 de abril de 2003
8	O mago do ceo prateado	Magician of the silver sky	17 de abril de 2004
9	Estratexia nas profundidades	Strategy above the depths	9 de abril de 2005
10	O descanso dos detectives	The private eyes requiem	15 de abril de 2006
11	A caveira pirata no vasto océano	Jolly Roger in the deep azure	21 de abril de 2007
12	A partitura do medo	Full score of fear	19 de abril de 2008

[editar] Animacións de vídeo orixinal (OVAs)

As OVAs son capítulos especiais de longa duración non emitidos en televisión. No Xapón adóitanse sacar en vídeo ou DVD.

#	Título en galego
1	Conan contra Caco Kid contra Yaiba
2	Dezaseis sospeitosos
3	Conan, Heiji e o neno desaparecido
4	Conan, Caco Kid e o Cristal Nai
5	Obxectivo, Kogoro Mouri! A investigación secreta dos Detectives Xuvenís!
6	A persecución do diamante desaparecido! Conan e Heiji contra Caco Kid
7	O desafío escrito de Agasa
8	O instituto das mozas detectives: o libro de Sonoko

[editar] Detective Conan Drama

Detective Conan Drama (名探偵コナン- 工藤新一への挑戦状, Meitantei Conan: Kudō Shin'ichi he no Chōsenjō) é un especial con actores reais que preparou Gosho Aoyama para conmemorar os 10 anos do anime. A historia acontece uns días antes de que Shinichi se encontre cos Homes de Negro e que estes lle dean o veleno. Shinichi, que recibe unha carta anónima que lle informa dun rapto que se producirá nunha excursión do instituto, intentará dar co culpable. Pero ese non será o único secuestro que teña que impedir o xove detective.

• Dirección: Koichi Okamoto
• Guionistas: Gosho Aoyama, Mutsuki Watanabe
• Productores: Toshikazu Tanaka, Masahiro Kunimoto, Akira Miyakawa
• Música: Katsuo Ono
• Reparto:

Personaxe	Actor
Shinichi Kudo	Oguri Shun
Kogoro Mouri	Jinnai Takanori
Ran Mouri	Kurokawa Tomoka
Juuzou Megure	Nishimura Masahiko
Sonoko Suzuki	Iwasa Mayuko
Keiji Tamagawa	Ibu Masato
Shingo Kitajima	Fukawa Ryo
Mai Nishida	Mizukawa Asami
Kunio Azuma	Matsushige Yutaka
Kyosuke Minamida	Nishimura Kazuhiko
Yoko Okino	Becky

[editar] Notas

1. ↑ Debido ás restricións do copyright e a incompatibilidade coa licenza da Wikipedia só se presenta, como cita, o comezo do texto de cada canción.

[editar] Véxase tamén

[editar] Outros artigos

• Gosho Aoyama
• Xabarín Club
• Manga
• Anime

[editar] Ligazóns externas

• Páxina oficial xaponesa do anime
• Páxina oficial xaponesa do manga
• Páxina oficial xaponesa do drama con actores reais
• Páxina web de "O detective Conan" na TVG