O detective Conan: Conta atrás cara ao ceo

Esta páxina contén texto en xaponés. Se o seu navegador non está axeitadamente configurado pode ver caracteres estraños.

O detective Conan: Conta atrás cara ao ceo
Título orixinal	名探偵コナン 天国へのカウントダウン
[[Ficheiro:|200px| ]]
Ficha técnica
Director	Kanetsugu Kodama
Produtor
Guión	Gosho Aoyama Kazunari Kochi
Baseado en
Intérpretes
Música	Katsuo Ono Mai Kuraki
Fotografía
Montaxe
Estudio	TMS
Distribuidor	Arait Multimedia (Galicia)
Ano	21 de abril de 2001 31 de decembro de 2012 (TVG)
Duración	105 minutos
País	Xapón
Xénero	Animación
Orzamento
Filme anterior	Detective Conan: Captured in Her Eyes
Filme seguinte	Detective Conan: The Phantom of Baker Street
Ficha en IMDb

O detective Conan: Conta atrás cara ao ceo (名探偵コナン 天国へのカウントダウン, Tengoku no Kauntodaun^?) é un filme de animación baseado no anime O detective Conan. No Xapón, a estrea deste filme produciuse nos cinemas o 21 de abril do 2001.

En galego, estreouse na TVG o 31 de decembro do 2012.

Argumento

Cando non hai tempo de fuxir... Serías quen de salvar a persoa que amas?

Desta volta, o escenario desta quinta película sitúase no alto dunhas torres xemelgas, deseñadas por un aprendiz de Teiji Moriya, que apareceu no primeiro filme.

De camiño de volta dunha acampada, o noso heroe o detective Conan e os seus amigos paran diante das torres xemelgas que están a piques de seren inauguradas. Alí, atópanse con Ran, a súa amiga Sonoko e o seu pai, o detective Mouri. Tamén coñecen unha fermosa muller chamada Mio Tokiwa, a propietaria dos rañaceos, e outra xente sospeitosa que parece ter intencións macabras.

No momento no que acontece o primeiro asasinato, un Porsche de cor negra aparece. Un dos Homes de Negro, que obrigou a Shinichi a beber o bebedizo que o fixo encoller, condúceo. Malia o asasinato, a atractiva Tokiwa insiste en celebrar unha cerimonia para festexar a apertura das torres. Agora, os asasinatos en serie estarán a piques de empezar, a unha altura de 300 metros desde o chan. Poderá Conan fuxir desde o andar que está máis achegado ao ceo?

Dobraxe

• Estudio: SODINOR S.A.
• Data: 2012.
• Dirección: Alfonso Valiño.
• Tradución: María Alonso Seisdedos.
• Reparto da dobraxe:

Personaxe	Actor de dobraxe	Actor orixinal
Conan Edogawa	Teresa Santamaría	Minami Takayama
Shinichi Kudo	Gaspar Somoza	Kappei Yamaguchi
Ran Mouri	Isabel Vallejo	Wakana Yamazaki
Kogoro Mouri	Matías Brea	Akira Kamiya
Hiroshi Agasa	Paco Barreiro	Kenichi Ogata
Inspector Megure	Alfonso Valiño	Furin Cha
Genta Kojima	Antón Rey	Wataru Takagi
Mitsuhiko Tsuburaya	Montse Davila	Ikue Otani
Ayumi Yoshida	Marián Muíño	Yukiko Iwai
Sonoko Suzuki	Nora Abad	Naoko Matsui
Inspector Shiratori	César Cambeiro	Kazuhiko Inoue
Ai Haibara	Chelo Díaz	Megumi Hayashibara
Chinami Sawaguchi	Xermana Carballido	Aya Hisakawa
Yoshiaki Hara	Antón Olmos	Koichi Hashimoto
Mio Tokiwa	Lucía Cid	Toshiko Fujita
Hohsui Kisaragi	Xavier Perdiz	Ichiro Nagai
Iwamatsu Ooki	Alfonso Agra	Takeshi Watabe
Hidehiko Kazama	Monti Castiñeiras	Juurota Kosugi
Gin	Coté Sansegundo	Yokitoshi Hori
Vodka	Xosé Tanas	Fumihiko Tachiki
Axente Takagi	Manolo Pombal	Wataru Takagi
Axente Chiba	Antón Rubal	Isshin Chiba
Akemi Miyano	Helena Amoedo	Sakiko Tamagawa
Axente Tomé	Antón Rubal	Toshihiko Nakajima

Música

A canción empregada na versión orixinal como tema de peche é "Always" ("Sempre"), interpretada por Mai Kuraki. Este tema é, ademais, o décimo segundo peche da serie, e está dobrado ao galego para o anime. Malia isto, na versión galega do filme, permanece o tema orixinal en xaponés.

Os temas da música de fondo foron compostos por Katsuo Ono, e serían utilizados na serie orixinal a partir do ano 2002.

Véxase tamén

Ligazóns externas

• O detective Conan: Conta atrás cara ao ceo na IMDb (en inglés).