Raúl Dans

Raúl Dans Mayor, nado na Coruña en 1964, é un dramaturgo, guionista e actor de dobraxe.

Traxectoria

Inicia a súa andadura como escritor nas emisoras de RNE e RCE, das que foi guionista de programas de ficción, integrándose na Compañía Luís Seoane, onde actuou en montaxes escritas e dirixidas por Manuel Lourenzo. É un dos autores teatrais máis destacados da chamada Xeración dos 90. As súas obras acadaron os máis destacados premios que se convocan na Galiza -o Álvaro Cunqueiro e o Rafael Dieste-, así como, no ámbito da dramaturxia española, o Premi Born coa súa obra Derrota. A súa obra non deixou de editarse desde que irrompeu no panorama literario, e Lugar, a súa peza máis sobranceira, foi publicada na Biblioteca 120 de La Voz de Galicia e representada polo Centro Dramático Galego.

No 2010 gañou o Premio Álvaro Cunqueiro pola obra Chegamos despois a unha terra gris.

Como guionista formou parte dos equipos de creación e escritura da meirande parte das series de ficción da TVG dos últimos tempos: Pratos combinados, A vida por diante, A miña sogra e mais eu, Terra de Miranda, As leis de Celavella, etc. Traballa tamén como actor de dobraxe.

Obras

• A chamada.
• Algunhas preguntas sobre o teatro en Galicia hoxe.
• Confesións dun practicante.
• Water look (1990).
• Matalobos (1993, premio Rafael Dieste).
• Lugar (1994, premio Álvaro Cunqueiro).
• Cita co diaño. O paso (1995).
• O paso (1997).
• Derrota (1997, premio Born de Teatre ex aequo).
• Estrema (1998, finalista do premio Rafael Dieste).
• Manifesto do Teatro Galego (1998).
• Mantis (A misión).
• Nachtmahr (2008).

Obras editadas

Teatro

• Matalobos, 1993, Deputación da Coruña.
• Lugar, 1994, Xunta de Galicia.
• Cita co diaño. O paso, 1999, Tris Tram.
• Estrema. Derrota, 1999, Xerais.
• A chamada, 2002, Baía Edicións.
• Nachtmahr, 2008, Xerais.
• Chegamos despois a unha terra gris, 2011, Xerais.

Ensaio

• Confesións dun practicante, 2004, Tris Tram.

Obras colectivas

• I Premio Diario Cultural de Teatro Radiofónico, 2007, Xerais.

Premios

• Premio Rafal Dieste no 1993, por Matalobos.
• Premio Álvaro Cunqueiro no 1994, por Lugar.
• Premio ex-aequo no XXII Premi Born de Teatre no 1997, por Derrota.
• Finalista do Premio Rafael Dieste no 1998, por Estrema.
• Premio Álvaro Cunqueiro no 2010, por Chegamos despois a unha terra gris.

Curtametraxes

• Ondada
• O proceso
• Exterior-día

Véxase tamén

Ligazóns externas

• Ficha do autor en Xerais
• Ficha do autor na AELG