Luís Iglesia

Na Galipedia, a Wikipedia en galego.
Luís Iglesia
Luís Iglesia.JPG
Nacemento Luís Iglesia Besteiro
2 de febreiro de 1962 (52 anos)
Riotorto, Galicia Galicia
Profesión Actor, actor de voz,
actor de dobraxe
e director de dobraxe.
Páxina web oficial
Ficha na IMDb

Luís Iglesia Besteiro, nado en Riotorto (provincia de Lugo) o 2 de febreiro de 1962, é un actor galego.

Traxectoria[editar | editar a fonte]

Luís Iglesia en Sede de mal.

Traballou no teatro con varias compañías, especialmente con Teatro do Aquí.[1]

No eido da locución dobra ó galego a Harrison Ford, Robert De Niro, Mel Gibson, Paul Newman, Chuck Norris e Garfield, entre outros.[2] Tamén traballa en publicidade e deu voz ó Dicionario de pronuncia da lingua galega do Instituto da Lingua Galega[3].

No ámbito representativo fixo varias curtametraxes, coma Palíndromo. Participou en varias series, coma Libro de familia, nalgunhas delas en papeis protagonistas, coma Un mundo de historias, Terra de Miranda e a máis importante, e que lle proporcionou fama, Matalobos, onde interpretaba a Carmelo Matalobos[4] En 2010 participou na miniserie española No soy como tú, producida por Antena 3.

Tamén en longametraxes para televisión (Entre bateas, Cota vermella ou Pataghorobí) e para o cine (La promesa ou Heroína).

En 2011 formou parte do reparto da serie Piratas de Telecinco interpretando ao Intendente Gaspar Falcón. Canda el, están no reparto Pilar Rubio, Óscar Jaenada, Silvia Abascal, Luis Zahera e novamente coincide con Xabier Deive e Luisa Merelas, tras Matalobos.

En 2012 estreou outra serie emitida por Telecinco esa temporada, La fuga, protagonizada por María Valverde e Aitor Luna, e que conta no seu reparto coa tamén actriz galega María Vázquez. Tamén no 2012 actúa no filme galego Vilamor, dirixido por Ignacio Vilar e no que interpreta a personaxe de Breixo de adulto.

Premios e candidaturas[editar | editar a fonte]

Premios Mestre Mateo[editar | editar a fonte]

Año Categoría Serie de televisión Resultado
2012 Mellor interpretación masculina protagonista Matalobos Nomeado
2011 Mellor interpretación masculina protagonista Matalobos Nomeado
2010 Mellor interpretación masculina protagonista Matalobos Nomeado
2009 Mellor interpretación masculina protagonista Matalobos Nomeado

Notas[editar | editar a fonte]

  1. Axencia Audiovisual Galega.
  2. "Harrison Ford coida que as clases humildes salvaron o galego", artigo en El Progreso, 15 de maio de 2008.
  3. Créditos do Dicionario de pronuncia da lingua galega.
  4. "Matalobos, un «thriller» con acento lucense", artigo en La Voz de Galicia, 12 de abril de 2009.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Luís Iglesia Modificar a ligazón no Wikidata