3 Libras

Na Galipedia, a Wikipedia en galego.
"3 Libras"
sinxelo de A Perfect Circle
do álbum Mer de Noms
Lanzamento 13 de febreiro de 2001
Formato {{{formato}}}
Gravada
Xénero musical rock alternativo
Duración 3:35
Discográfica Virgin
Produtor(es) Billy Howerdel, Alan Moulder
Escritor(es) A Perfect Circle
Cronoloxía
"The Hollow" "3 Libras" "Weak and Powerless"
Miscelanea {{{miscelanea}}}

"3 Libras" é unha canción da banda de rock alternativo A Perfect Circle, editada o 13 de febreiro do 2001 como segundo sinxelo do seu álbum de estrea Mer de Noms. O tema foi ben recibido tanto pola crítica como comercialmente, chegando ao número 12 das listas da Billboard Modern Rock e Mainstream Rock en 2001.

Antecedentes[editar | editar a fonte]

Ao igual que con todo o álbum Mer de Noms, a música de "3 Libras" foi composta polo guitarrista Billy Howerdel, mentres que as letras foron escritas polo vocalista Maynard James Keenan e Christopher Washington.[1] Os dous imaxinaron orixinalmente este tema como primeiro sinxelo do seu álbum de estrea, antes de que os executivos da discográfica os convencesen para escoller a máis dura "Judith", que pensaban que este tema era mellor para dar a coñecer o grupo debido a que afastábase menos da outra banda de Keenan, Tool.[2]

Fixéronse dúas versións "remix" oficiais da canción; a "Feel My Ice Dub Mix" polo membro da banda Danny Lohner, e a "All Main Courses Mix" por Robert "3D" Del Naja de Massive Attack. Estes temas foron recompilados no álbum de remesturas de 2004 aMOTION.

Composición[editar | editar a fonte]

Mentres que gran parte do son de Mer de Noms identifícase cunha estética hard rock convencional, o son de "3 Libras" está conducido principalmente por guitarra acústica e violín.[3] A meirande parte da canción consiste en melódicos tons limpos de guitarra, e unha melodía de violín tocada por riba, composta pola baixista e violinista da banda Paz Lenchantin.[3][4] O batería Josh Freese toca o aro da batería cada oitava nota, estando o tema interpretado nun tempo 6/8.[4] A canción remata cunha banda ao completo e guitarras eléctricas distorsionadas no outro do tema, finalizando cun escuro acorde de guitarra.[4]

Varias versións do tema teñen composicións diferentes. A "Feel My Ice Dub Mix" ten un tempo ralentizado e engade beats e efectos electrónicos, dándolle un son máis trance, e a "All Main Courses Mix" usa estensivamente estática de radio e efectos de ruído.[5] Cando é interpretada ao vivo, na ausencia dun violinista, a banda normalmente toca unha versión alternativa da canción, con Howerdel tocando a guitarra eléctrica con tons limpos durante toda a súa estensión, mentres o resto da banda acompaña no fondo cos seus respectivos instrumentos.[6]

Recepción[editar | editar a fonte]

Polo xeral a canción foi ben recibida, tanto comercialmente como pola crítica. Puido escoitarse con frecuencia a través da radio, e acadou o número 12 das listas estadounidenses da Billboard Modern Rock e Mainstream Rock.[7] Os críticos loubaron a canción. Sputnik Music falou dela como "unha das cancións máis fermosas que APC editou" e "unha das edicións máis emocionais do álbum".[4] O editor xefe de Artist Direct, Rick Florino, nomeou á pista unha das "mellores 20 cancións de Maynard James Keenan", calificándoa como "...un momento tenro de de anhelo encerrado nunha fermosa melodía feliz...'3 Libras' ilumina o gran rango vocal e habilidade do cantante".[8] Á parte, Florino eloxiou tamén a interpretación ao vivo por parte da banda, afirmando que sentía que acadou "alturas celestiais" cando foi tocada nas xiras de reunión en 2010.[9]

Listaxe de cancións[editar | editar a fonte]

Toda a música composta por Billy Howerdel e todas as letras escritas por Maynard James Keenan.

CD 1[editar | editar a fonte]

  1. "3 Libras"
  2. "Magdalena (Live)"
  3. "3 Libras (Feel My Ice Dub Mix)"
  4. "Judith (Live)"
  5. "3 Libras (Live)"

CD 2[editar | editar a fonte]

  1. "3 Libras (Live in Phoenix)"
  2. "3 Libras (Feel My Ice Dub)"
  3. "Sleeping Beauty (Live in Phoenix)"
  4. [Untitled Track] [galería de imaxes interactiva] [CD-ROM Track]

Notas[editar | editar a fonte]

  1. "Mer de Noms en Allmusic". Allmusic. http://www.allmusic.com/album/mer-de-noms-mw0000066317. Consultado o 30 de setembro de 2014.
  2. "Entrevista a Billy Howerdel". Steal the Spotlight. http://www.stealthespotlightzine.com/interview_with_billy_howerdel_of_ashes_divide.html. Consultado o 30 de setembro de 2014.
  3. 3,0 3,1 "Entrevista a Paz Lenchantin". Louisville Music News. http://www.louisvillemusicnews.net/webmanager/index.php?WEB_CAT_ID=50&storyid=3854. Consultado o 30 de setembro de 2014.
  4. 4,0 4,1 4,2 4,3 "Mer de Noms en Sputnik Music". Sputnik Music. http://www.sputnikmusic.com/review/8416/A-Perfect-Circle-Mer-de-Noms/. Consultado o 30 de setembro de 2014.
  5. "aMOTION en Sputnik Music". Sputnik Music. http://www.sputnikmusic.com/review/4361/A-Perfect-Circle-aMOTION/. Consultado o 30 de setembro de 2014.
  6. "A Perfect Circle: local eyzed". IGN. http://www.ign.com/articles/2004/03/24/a-perfect-circle-local-eyzed?page=2. Consultado o 30 de setembro de 2014.
  7. "A Perfect Circles's 'Thirteenth Step' Enters Billboard Chart At No. 2!". Blabbernouth. http://www.blabbermouth.net/news/a-perfect-circle-s-thirteenth-step-enters-billboard-chart-at-no/. Consultado o 30 de setembro de 2014.
  8. "Feature: ARTISTdirect.com's Top 20 Maynard James Keenan Songs From Tool, A Perfect Circle, and Puscifer Feature: ARTISTdirect.com's Top 20 Maynard James Keenan Songs From Tool, A Perfect Circle, and Puscifer". Artist Direct. http://www.artistdirect.com/nad/news/article/0,,10380269,00.html#oywSSfTpkqHbgwOF.99. Consultado o 4 de outubro de 2014.
  9. "Live Review: A Perfect Circle Perform "Mer De Noms" — Avalon, Hollywood Live Review: A Perfect Circle Perform "Mer De Noms" — Avalon, Hollywood". Artist Direct. http://www.artistdirect.com/entertainment-news/article/live-review-a-perfect-circle-perform-mer-de-noms-avalon-hollywood/7885682. Consultado o 4 de outubro de 2014.