Billy Howerdel

Na Galipedia, a Wikipedia en galego.
Billy Howerdel
Billy Howerdel.jpg
Naceu 18 de maio de 1970 (43 anos)
Orixe Nova Jersey Flag of the United States.svg
Instrumento(s) voz, guitarra, baixo, teclados
Relacionado con A Perfect Circle, Ashes Divide
Tempo en activo 1988 - actualidade


Billy Howerdel, nado o 18 de maio de 1970 en New Jersey, é o fundador, guitarrista, compositor e produtor das bandas A Perfect Circle e Ashes Divide.

Traxectoria[editar | editar a fonte]

Antes de formar A Perfect Circle, Howerdel traballara como técnico de guitarras para Faith No More, Fishbone, David Bowie, The Smashing Pumpkins, Nine Inch Nails e Guns N' Roses entre outras bandas.

Howerdel traballou coma "roadie" e técnico de Pro Tools para Tool durante a gravación e xira de Ænima, traballando con Maynard James Keenan, ao cal coñecera en 1992. Durante este tempo, Howerdel tocoulle a Keenan algunhas das súas cancións e Keenan ofreceuse a cantalas se Howerdel decidía formar unha banda. A pesares de que el prefería unha voz feminina, Howerdel aceptou o ofrecimento de Keenan. En 1999 Howerdel fundou A Perfect Circle e invitou a Keenan a unirse como cantante.

Howerdel ocasionalmente tocou en directo coa banda Abandoned Pools. No 2005 compuxo e gravou música para o videoxogo Jak X: Combat Racing, coas colaboracións de Danny Lohner e Josh Freese, Joey Castillo e Troy Van Leeuwen de Queens of the Stone Age, Atom Willard de The Offspring, a ex-baixista de A Perfect Circle Paz Lenchantin, e Wes Borland de Limp Bizkit.

No ano 2005, durante un parón de A Perfect Circle, Howerdel creou a banda Ashes Divide. Howerdel encargouse de todos os instrumentos nas sesións de gravación, agás da batería, da que se encargou Josh Freese. No ano 2008 a banda editou o seu álbum de estrea, Keep Telling Myself It's Alright.

Véxase tamén[editar | editar a fonte]

Ligazóns externas[editar | editar a fonte]