Hel (lugar)

Na Galipedia, a Wikipedia en galego.
Ilustración para o libro de H. A. Guerber Myths of the Norsemen from the Eddas and Sagas (Mitos do pobo nórdico nos Edda e nas sagas): Hermod ante Hela (Hermod before Hela).

Na mitoloxía nórdica, Hel ou Helheim é coñecido como o reino da morte e atópase na parte máis profunda, escura e lúgubre de Niflheim, un dos nove mundos do Yggdrasil.[1] Estaba gobernado por Hela, monstruosa filla de Loki, e a entrada era custodiada por un can coñecido como Garm. Helheim e Niflheim soen relacionarse co mesmo mundo, pero isto non é así: Niflheim é o reino do frío, o xeo e a escuridade, e Hel é reino da morte e a perdición.

A este mundo ían os que morrían por enfermidade ou vellez, e unha vez se entraba nel, nin sequera os deuses podían saír por mor do interminable e inesgotable río Gjöll, que o rodeaba.

O termo "Hell" (inferno en inglés) é un derivado de Hel ou Helheim.

Notas[editar | editar a fonte]

  1. Grant, John (2008), Os viquingos, cultura e mitoloxía, Colonia, Alemaña. ISBN 978-3-8365-0276-4 páx. 31.