CB Murcia

Na Galipedia, a Wikipedia en galego.
Club Baloncesto Murcia
PlantillaCBMurcia2008-09.JPG
Competición Liga ACB
Fundado 1985
Cidade Flag of the Region of Murcia.svg Murcia
España España
Pavillón Palacio de Deportes de Murcia (7.454)
Cores                Vermello, negro, branco
Historia Club Baloncesto Murcia
(dende 1966)
Presidente Luis Carabante
Adestrador Luis Guil
Liga LEB 3 (1990 -1ª División B-, 1998 e 2003)
Príncipe 1 (2006)
Patrocinadores 7RM,COC
Sitio Web http://www.cbmurcia.com

O Club Baloncesto Murcia é un equipo de baloncesto español da cidade de Murcia. Foi fundado en 1985 e xogará na tempada 2011-12 na liga ACB.

Traxectoria[editar | editar a fonte]

O equipo naceu en 1985 baixo o nome de Agrupación Deportiva Juver, e en 1991 pasou a denominarse C.B. Juver Murcia. A empresa murciana foi o espónsor do conxunto ata a tempada 1992-93.

O equipo comezou a súa andaina na categoría autonómica, e na tempada 1985-86 adquiriu os dereitos federativos do Logos de Madrid para militar na Primeira División B, participando nesta categoría durante catro anos. Nos play-offs finais da tempada 1989-90 ascendeu á liga ACB, logo de proclamarse campión ao vencer o Obradoiro. Posteriormente demostrouse que realizou unha aliñación indebida, falsificando a ficha de Esteban Daniel Pérez Beltrán, e cuxa identidade verdadeira era Esteban Daniel Pérez Spatazza, internacional arxentino. Finalmente, a ACB e a FEB, ascenderon o equipo.

Nesta categoría permaneceu seis anos consecutivos.

Na etapa correspondente a 1993-94 produciuse un cambio na imaxe corporativa do Club; o equipo pasouse a denominar simplemente C.B. Murcia (non houbo patrocinador), e as cores do uniforme pasaron a ser vermellos, e creouse o anagrama co escudo que actualmente segue vixente e que foi elixido o máis vangardista e orixinal entre tódolos equipos ACB en 1994.

Na tempada 1995-96 o Club organiza a fase final da Copa do Rei cun notable éxito organizativo, acadándose as semifinais. O conxunto murciano caeu nesta ocasión por 5 puntos ante o TDK Manresa, que estivo brillantemente dirixido por Joan Creus e que finalmente se proclamou campión ao vencer o FC Barcelona.

Se na tempada 1996-97 o equipo volveu descender á Liga LEB, non tardaría, porén, en volver á máxima categoría do baloncesto español, xa que na tempada seguinte se proclamou campión desta Liga e ascendeu de novo á ACB. Nesta etapa houbo un cambio de patrocinador e o equipo pasou a chamarse C.B. Murcia Artel.

Durante a tempada 1998-99 participou na ACB cun novo patrocinador, denominándose Recreativos Orenes C.B. Murcia.

Na tempada 1999-00 volveu denominarse C.B. Murcia por non contar cun patrocinador, cambiaría a C.B. Etosa na tempada 2000-01, e volvería cambiar a Etosa Murcia (denominación coa que permaneceu as seguintes dúas tempadas). Na tempada 2002-03 o equipo proclamouse campión da Liga LEB e consegue de novo o cobizado ascenso á ACB.

A tempada 2003-04, 9ª do club na ACB, comezou cun nuevo espónsor, Polaris World, e co obxectivo de estabilizar o club na máxima competición estatal. Tras unha tempada nefasta o club volta á Liga LEB. Nela disputaría as dúas vindeiras tempadas, nas que o club cambiou de mans. A empresa murciana Polaris World comprou as accións do club ao ata entón presidente, Juan Valverde, e fíxose cargo do equipo, sendo o presidente do club Salvador Hernández.

Na tempada 2005-06, o club gaña a Copa Príncipe de Asturias de Baloncesto e o ascenso á ACB, pechando por todo o alto o vixésimo aniversario do nacemento do Club.

Tras atinxir a permanencia dous anos na máxima categoría, na tempada 2008-09 comezará o seu terceiro ano consecutivo e duodécima tempada en ACB coa intención de consolidarse na categoría, e xa so o nome de Club Baloncesto Murcia trala saída de Polaris World do club.

O 9 de maio de 2009 o C.B. Murcia venceu o CAI Zaragoza, que descendeu á LEB Ouro após gañar fóra por 59-60. Ámbolos dous equipos se xogaban o descenso nun todo ou nada que se decidiu a favor dos murcianos tras un partido moi igualado e que puido manter a categoría tras unha tempada moi difícil no plano económico.

En xullo de 2009 confirmouse a chegada á presidencia de José Ramón Carabante, empresario que se fará cargo do Club Baloncesto Murcia, asesorado polo seu home de confianza, o xonalista José Ángel de la Casa.

Na tempada 2010-11 acabou como campión da categoría, logrando o ascenso directo á Liga ACB.[1]

Denominacións[editar | editar a fonte]

Palmarés[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]