Curitiba

Na Galipedia, a Wikipedia en galego.

Coordenadas: 25°25′47″S 49°16′19″W / 25.42972°S 49.27194°W / -25.42972; -49.27194

Curitiba
Bandeira de Curitiba.PNG Brasão de Armas do Município de Curitiba.png
Xardín botánico
Situación xeográfica
Curitiba en Brasil
Curitiba
Curitiba
País Flag of Brazil.svg Brasil
Estado Paraná
Xeografía
Altitude 934,6 msnm
Superficie 435 km²
Poboación
Poboación 1.764.540 hab. (2010)
Densidade 4.062 hab/km²
Información
Código postal
Alcalde Gustavo Fruet (PDT)
Páxina web http://www.curitiba.pr.gov.br

Curitiba é unha cidade brasileira, capital do estado do Paraná. Sitúase a 934,6 metros por riba do nivel do mar, na primeira altiplano paranaense. A súa poboación é de 1.587.315 habitantes, segundo o censo de 2000, sendo a máis grande cidade da Rexión Sur de Brasil.

Considerada por moitos a metrópole brasileira que ofrece a mellor calidade de vida e unha das mellores cidades brasileiras para facer negocios, Curitiba fundouse en 1654 e elevouse á categoría de vila e de municipio o 29 de marzo de 1693, co nome de Nosa Señora da Luz dos Pinhais. Pasou en 1721 a chamarse Curitiba (en lingua guaraní, Kurit = piñeiro, e Ybá = gran cantidade) que debe o seu nome aos milleiros de piñeiros que cubrían o seu territorio. Nas mediadas do século XIX, a entón Provincia do Paraná sepárase do entón Provincia de São Paulo e Curitiba convértese na súa capital. Durante a súa histaria, Curitiba recibiu un gran fluxo de inmigrantes europeos, especialmente italianos, polacos, alemáns e ucranianos.

Características[editar | editar a fonte]

Praza Anita Garibaldi.

A cidade de Curitiba é especialmente coñecida, non só no Brasil mais tamén noutros países, polas súas solucións urbanas innovadoras, tales como os ómnibus bi-articulados que se converten en vías exclusivas no medio das grandes avenidas, modelo adoitado por cidades doutros países, inclusive dos Estados Unidos. Xa as áreas verdes da cidade dan 51 metros cadrados por habitante, case tres veces máis que o mínimo recomendado pola Unesco.

Espalladas pola cidade, están as Rúas da Cidadanía, que son establecementos municipais onde se encontran puntos de comercio, bibliotecas, servizos de acceso a internet gratuítos, entre outros, e lecer, e tamén os órganos de servizos dos gobernos municipal, estatal e do goberno federal. Son os únicos lugares na cidade onde o comercio de rúa (ambulante) está permitido.

Por esas solucións urbanas, Curitiba foi recentemente recomendada pola Unesco como unha das cidades-modelo para a reconstrución das cidades do Afganistán. A pesar disto, como calquera outra metrópole brasileira, Curitiba tamén sofre con algúns problemas sociais, como a existencia de favelas (vivendas precarias feitas de madeira ou follas de zinc, sen rede colectora de sumidoiros) no contorno do municipio, e de persoas vivindo nas rúas. O índice de criminalidade, no entanto, aínda é baixo, cando a comparamos con outras cidades do mesmo tamaño.

Referencias[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]